Членката на жирито на овогодинешниот избор за „Мис Универзум“, Натали Глебова, ја доведе во прашање легитимноста на резултатите и истакна дека, според неа, победничка требало да биде Мис Тајланд, Праванеер Синга.

Во соопштението Глебова нагласи дека говори исклучиво во свое име. Потсети дека во 2005 година и претходните години резултатите на изборот ги објавувал независен ревизор со запечатени документи, и изјави дека би сакала оваа пракса да се врати. Додаде дека додека тоа не се случи, нема повторно да учествува како член на жирито.

 

View this post on Instagram

 

A post shared by Lambepageantz (@lambepageantz)

Глебова, која во 2005 година ја претставувала Канада на „Мис Универзум“,  објави фотографија од Мис Тајланд и напиша: „Мојата победничка!“.

Пријателите на Рајан Рејнолдс и Блејк Лајвли открија како двојката се носи со правниот процес со Џастин Балдони.

Британскиот актер Хамфри Кер, во интервју за „Телеграф“, објасни дека парот поминува низ големи проблеми.

„Рајан и Блејк поминаа низ тешка ситуација во последните 18 месеци и на некој начин сè уште поминуваат низ тоа“, рече тој.

Додаде дека интересот на јавноста се зголемува и намалува, но дека ситуацијата и понатаму се одвива во позадина.

Лајвли го тужеше Балдони за сексуално вознемирување, што тој го негираше. Исто така, се очекува Лајвли и Балдони да сведочат на новото судење во март 2026 година.

Адвокатот на Балдони претходно изјави дека тој знае што не направил, како и што направил.

„Тој сака вистината да излезе на виделина и сака тоа да го направи на соодветен начин. Го чека својот ден на суд, каде што ќе може да проговори и да ја каже вистината“, рече.

Српскиот пејач Аца Лукас, на „Инстаграм“ утрово околу 3.30 часот, сподели видео од изведба на песната „Јовано Јованке“.

На видеото од настапот тој е облечен во македонското знаме, и во описот на видеото порача „Ја сакам Македонија“, по што доби поддршка од македонските фанови во коментарите.

 

View this post on Instagram

 

A post shared by ACA LUKAS (@aleksandar_vuksanovic_official)

Ова се случува откако синоќа беше приведен во Кавадарци околу 00:10 часот, за време на настап во угостителски објект во овој град. МВР соопшти дека при акциска контрола спроведена од полицијата, во координација со инспектори и Управата за јавни приходи, било утврдено дека пејачот настапувал без потребната дозвола, по што му била изречена парична казна.

При контролата во истиот угостителски објект биле констатирани и прекршоци за неиздавање на фискална сметка и Законот за пушење. Констатирано било и дека во објектот се присутни поголем број на гости од дозволеното, за што ќе бидат поднесени соодветни поднесоци, информираа од Министерството за внатрешни работи. Пејачот засгеа не излезе со официјална изјава за инцидентот.