Храбрата мачка наводно исчезнала пред неколку дена, но всушност третпат се упатила кон врвот на планината и на ист начин ги следела претходните групи планинари.

Двајца млади планинари, Сирил и Ерик Рорер, се искачувале кон врвот на завеаната планина Бритсен во Швајцарија кога на надморска височина од речиси 1.200 метри слушнале мјаукање и сфатиле дека има една изгубена мачка.

Изгледало дека залутала и случајно завршила на снежните падини на планината, пишува „Дејли мејл“. Сирил и Ерик подоцна дознале дека мачката исчезнала пред неколку дена и дека ова е третпат да се упати кон врвот на планината следејќи ги претходните групи планинари на ист начин.

„Беше 4.30 часот наутро, достигнавме 1.200 метри надморска височина, кога слушнавме мјаукање од шумата. Видовме исплашена и збунета мачка, која ни се придружи и се искачи со нас на врвот од 3.000 метри“, рекоа младите планинари.

„Таа трепереше, а шепите ѝ крвавеа од одење по тврдиот и заледен снег. Одлучивме да ја земеме со нас. Честопати ја носевме во рацете кога ќе забележавме дека е премногу истоштена за да продолжи да оди по угорницата“.

Друга група планинари, кои ги престигнале на искачувањето кон врвот, ја вратиле во низините и им ја предале на сопствениците.

„Подоцна дознавме дека таа исчезнала пред четири дена и ги следела другите планинари до самиот врв. Значи, таа го достигнала врвот три пати!“, рече Сирил додавајќи дека животните се многу пожилави од луѓето и никогаш не се предаваат и покрај болката.

Луцифер ќе се врати во мај за втората половина на Сезона 5, како што најави стриминг-платформата „Нетфликс“ на официјаланиот твитер на серијата, соопштувајќи го датумот на премиерата.

„Знаеме дека повеќе епизоди се она што навистина ги посакувате. Сезоната 5Б пристигнува на Нетфликс на 28-ми мај “, сподели неодамна официјалниот Твитер на „Луцифер Нетфликс“.

Серијата, која првично се емитуваше на „Фокс“ три сезони пред да дојде во „Нетфликс“, се фокусира околу ликот на Луцифер Морнингстар (Том Елис) на кој му е здосадено да биде Крал на Пеколот и го напушта својот трон и неговото кралство за да ги открие убавините на Лос Анџелес , каде води свој ноќен клуб а во исто време соработува со тамошната полиција во борбата против криминалот, каде ѝ помага на детективката Клои Декер (Лорен Герман).

Во петтата сезона влоговите се поголеми од кога било. Ќе cе се откријат тајни, саканите ликови ќе умрат и конечно ќе следува расплет.

Луцифер се врати за првото полувреме на петтата сезона во август и ќе заврши со претстојната шеста сезона, откако Елис потпиша договор за враќање како титуларен лик уште во мај 2020 година.

Луцифер е доста добро доловен од страна на Том Елис, кој донесе свежина во веќе постоечките серии во етерот.

Кралицата Елизабета Втора денес наполни 95 години, помалку од две недели откако почина нејзиниот сопруг, принцот Филип, со кого беше во брак 73 години.

Загубата на кралицата беше потенцирана на погребот во саботата во капелата Сент Џорџ во близина на замокот Виндзор, каде што ликот на вдовица во црно која седи сама, беше всушност вовед во следната осамена фаза од нејзиното владеење.

Засега, монархот со најдолг стаж во британската историја продолжува да владее. Но, тоа ќе го стори без Филип, човекот за кого кралицата велеше дека ѝ дава сила и е извор на емоционална поддршка во нејзината често осамена работа.

Премиерот Борис Џонсон ѝ испрати срдечна честитка со искрени желби на нејзиниот роденден. „Отсекогаш и највеќе ѝ се одушевував на нејзиното височество и на нејзината служба кон оваа земја и Комонвелтот. Јас сум горд што сум нејзин премиер“, напиша тој на Твитер.

Елизабета беше официјално крунисана на 2 јуни 1953 година на 25-годишна возраст, откако нејзиниот татко Џорџ Шести почина ненадејно во 1952 година.