Забава
Харисон Форд денес го слави својот 78. роденден
Харисон Форд навистина го заработи своето место како холивудска икона. Не само што ќе остане запаметен по многуте легендарни филмови и блокбастер-серијали туку и како палаво и непослушно момче во реалниот живот, коментираат таблоидите. И се чини дека има смисла што таквиот став го донесе до 78. роденден, а изгледа фантастично како и секогаш!
Напуштање на факултетот, столар, татко, пилот на хеликоптер, преживеана авионска несреќа (2015), наградуван актер. Има ли нешто што Харисон Форд не сторил?
Како актер, писател, режисер и продуцент, неговите филмови заработиле повеќе од 9 милијарди долари во светски рамки.
Без разлика дали го глуми мудриот професор авантурист Инди во епскиот серијал „Индијана Џонс“ или саркастичниот шверцер со златно срце Хан Соло во серијалот „Војна на ѕвездите“, Харисон остави свој белег на некои од најголемите хитови на Холивуд, покрај другите ангажмани во филмови како „Блејд ранер“, „Бегалец“, „Повик на дивината“.
Светските медиуми издвоија 10 филма и иконски улоги на Харисон: „Војна на ѕвездите“ (1977), „Империјата го возвраќа ударот“ (1980), „Индијана Џонс: Крадците на изгубената арка“ (1981), „Блејд ранер“ (1982), „Сведок“ (1985), „Индијана Џонс и последната крстоносна војна“ (1989), „Патриотски игри“ (1992), „Бегалецот“ (1993), „Претседателски авион“ (1997), „Војна на ѕвездите: Силата се буди“ (2015).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Весна Петрушевска соопшти дека се бори со рак на дојка (ВИДЕО)
„Мојата дијагноза е од средината на април оваа година. Се работи за рак на дојка, имав две операции“, раскажува Весна Петрушевска во видео споделено на Инстаграм.
„Кога ќе ви кажат дека ви дијагностицирале, прво што ви паѓа на памет е дека вашето време е одбројано. Јас се обидов тоа да не го кажувам, иако дијагнозата ми е од средината на април. Тоа не можеше да се забележи, бидејќи ја имав појавувања“, додаде Петрушевска.
„Имам рак, па што – живејте си го животот, еден е“, стои во описот на објавата.
View this post on Instagram
Забава
Луѓето се шокираа од изгледот на Адријана Лима: „Претерала со ботоксот“
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.