Памела Андерсон, конечно, ја продаде својата палата во Малибу за 11,8 милиони долари иако на пазарот за недвижности ја објави за цена од 14,9 милиони долари претходно годинава.

Продажбата на домот од 2.700 квадратни метри може дури и да го собори рекордот на недвижен имот во Malibu Colony, каде што еден квадрат е проценет на повеќе од 4.000 долари, според ТМЗ.

Новата среќна сопственичка на домот е Лорен Крајс, извршна директорка и раководителка за креативна стратегија на „Крајс мебел“ (Kreiss Furniture).

Меѓу ѕвездите што поседуваа куќи во оваа мала заедница се Ед Нортон, Џим Кери, Леонардо ди Каприо, Барбара Стенвик, Роналд Колман и Глорија Свонсон.

Бразилскиот фудбалер Нејмар (29) ги минува летните денови во популарната шпанска Ибица, каде што ужива во друштво на разголени убавици. Но, овој пат вниманието не го украдоа убавиците на јахтата, туку неговиот нов изглед.

Иако во моментот е втор најплатен фудбалер во светот, ова не го спречи Нејмар да се здебели неколку килограми по завршувањето на сезоната. Папарацо-фотографиите ги шокираа неговите фанови, кои не се воопшто одушевени и го бомбардираа со негативни коментари на социјалните мрежи.

„Не можам да верувам дека ова е Нејмар“, „Се уништил!“, „Тажно е да го гледам вака!“, ова се само некои од коментарите на сметка на неговиот зголемен стомак.

На „Инстаграм“ фудбалерот го покрива стомакот со маичка или, едноставно, стои зад пријател додека го фотографираат.

Познатиот холивудски актер Џони Деп (58) ја доби посакуваната пресуда во бракоразводната парница против својата поранешна сопруга Амбер Херд (35).

Главниот судија на оваа парница делумно го одобри барањето на адвокатот на Деп и ќе ја принуди американската Унија за граѓански слободи да објави документи кои потврдуваат дали Херд го исполнила својот дел од спогодбата за развод.

Имено, Амбер и Џони се венчаа во 2015 година, а таа поднесе барање за развод само една година подоцна наведувајќи ги непомирливите разлики како причина, а потоа го обвини актерот за насилство.

Судската сага траеше со месеци. Деп и неговите адвокати ги негираа сите наводи на Херд и тврдеа дека таа сака да профитира со финансиски надомест.

Поранешниот пар успеа да постигне спогодба од 7 милиони долари за кои Амбер тврдеше дека ќе ги донира на Унијата за граѓански слободи и детската болница во Лос Анџелес.

Актерот сега се обидува да добие информации дали неговата поранешна сопруга го одржала ветувањето и дали донирала пари.

Неговиот адвокат Ендрју Калдекот тврди дека донацијата е „пресметана и манипулативна лага“ и дека од самиот почеток тоа било план со кој ќе го уништи поранешниот сопруг.

Покрај тоа, адвокатот на Деп тврди дека детската болница во Лос Анџелес во 2019 година ги известила дека Амбер не извршила никакви плаќања.

Главниот судија на оваа парница во вторникот пресуди во корист на Деп. Тој ќе ѝ наложи на Унијата за граѓански слободи да објави документи кои потврдуваат дали Херд го исполнила својот дел од спогодбата.

Ако се покаже дека не се придружувала кон спогодбата, актерот и неговиот тим ќе имаат силен доказ против Амбер.