Контакт

Забава

Холивудска агенција го критикува „Дизни“ во спорот за „Црна вдовица“

Објавено пред

Една од најголемите холивудски агенции за таленти во петокот (30 јули) упати остри критики на сметка на филмското студио „Дизни“ во ескалирачкиот јавен спор околу тврдењата на Скарлет Јохансон дека изгубила пари со стримувањето на нејзиниот филм „Црна вдовица“.

Брајан Лорд, ко-претседател на Агенцијата за креативни уметности (Creative Arts Agency), го обвини „Дизни“ дека го нападнал ликот на актерката и открил дека ѝ биле платени 20 милиони долари за филмот „во обид да го наоружа нејзиниот успех како уметник и деловна жена“.

Изјавата на Лорд, кој исто така ја застапува Јохансон, доаѓа еден ден по веста дека sвездата на „Црна вдовица“ поднела тужба со која го обвинува „Дизни“ за прекршување на договорот со неа со објавување на филмот од 9 јули на својата стриминг-платформа во исто време кога се прикажуваше во кината, со што го намали нејзиниот очекуван удел од профитот на киноблагајните.

Тужбата предизвика шок во Холивуд додека медиумските компании се обидуваат да ги зголемат своите стриминг-услуги, нудејќи премиум содржини во исто време или речиси во исто време кога филмовите се прикажуваат во киносалите, иако многу од нив се затворени среде пандемија на Ковид-19.

Јохансон (36), една од најпопуларните актерки во Холивуд и меѓу оние со најголема заработка, сними девет Марвелови филмови со „Дизни“.

„Дизни“ возврати во четвртокот со соопштение во кое тужбата на Јохансон ја нарече неоснована. Исто така, откри дека таа добила 20 милиони долари за филмот. „Тужбата покажува бесчувствително игнорирање на последиците од пандемијата,“ наведе компанијата.

Деталите за холивудските филмски договори и какви било спорови обично се решаваат зад затворени врати.

Еден ден по соопштението на компанијата, Брајан Лорд коментираше: „Дизни бесрамно и лажно ја обвини госпоѓа Јохансон дека нема чувство за глобалната здравствена криза.“

„Дизниевиот директен напад врз нејзиниот лик и сè друго што имплицираа е под нивото на компанијата со која многу од нас во креативната заедница успешно соработувавме со децении,“ додаде Лорд.

„Црна вдовица“, сторија за поранешна руска атентаторка која потоа станува одмаздник, заработи 80 милиони долари на киноблагајните во САД и Канада во текот на првиот викенд. Филмот генерираше и дополнителни 60 милиони долари преку Дизниевиот стриминг-сервис „Дизни плус“.

Забава

Синди Крафорд заштитно лице на новата марка очила Yaleа

Објавено пред

Италијанскиот моден гигант De Rigo Vision, светски лидер во дизајн, производство и дистрибуција на врвни очила за сонце и диоптерски очила, неодамна го претстави својот четврти, но прв женски бренд, Yaleа.

Од компанијата наведуваат дека овој исклучително важен проект бил создаден за време на пандемијата на Ковид-19, со цел проширување на портфолиото на групацијата „Де Риго“ со стопостотен бренд, осмислен и дизајниран исклучиво за жени.

„Yaleа има за цел да ги промовира жените преку поддршка на нивната слобода на избор, нивните таленти и да ја награди нивната лична убавина.“

Синди Крафорд и Бјанка Балти, заштитните лица на кампањата, одлучија да ја прифатат поканата дополнително нагласувајќи го етосот на самиот бренд. Тие не се само ликови, туку вистински жени и светски познати модели, различни по возраст и стил, и хармонично ја изразуваат блискоста на нивната надворешна и внатрешна убавина, велат од компанијата.

„Тие се посветени на промовирање свесна, независна и внимателна женственост во согласност со вредностите за кои се залага Yaleа“.

Прикажи повеќе...

Забава

Принцезата од Монако: Зошто ја нарекуваат најтажната принцеза на светот и „жена без насмевка“

Објавено пред

Принцезата Шарлин од Монако ја прати глас на најтажна принцеза на светот, а причината за оваа нималку ласкава титула е што ретко кога можеме да ја видиме 43-годишната насмеана на фотографии.

Набргу откако со бракот со принцот Алберт стана членка на владејачката династија Грималди, поранешната пливачка по потекло од Јужна Африка важеше за несреќна убавица чија илузија за дворски живот ја разби наводното неверство на нејзиниот сопруг.

Во моментов, шпекулациите за развод стануваат сè погласни, а откако таа не пристигна во кнежеството дури и за јубилејната 10-годишнина од нивниот брак, многумина се убедени дека принцезата нема да се врати.
Медиумите пишуваат дека последен пат била дома во јануари.

Сепак, принцот Алберт ги негира ваквите шпекулации.

„Таа не замина затоа што беше лута на мене или на некој друг. Таа отиде таму за да ја преиспита работата на нејзината фондација и одвои малку слободно време за да го помине со својот брат и пријателите. Требаше да замине само една недела, но мораше да остане поради тешка инфекција и компликации“, изјави принцот Алберт за магазинот „Пипл“, иако таквото објаснување не звучи убедливо.

Шарлин плачеше на нејзината венчавка во 2011 година и многумина веруваа дека тоа не се солзи радосници, туку излив на тага. Двојката беше 11 години во врска пред тоа и речиси на сите им е познато дека невестата била принудена на брак со цел да обезбеди наследници на кнежеството Монако.

Имено, Алберт има две вонбрачни деца со две жени, ќерка Џазмин Грејс родена 1992 година и син Александар Коста роден 2003 година, кои не можат да го наследат престолот бидејќи се родени надвор од брак.

Во 2014 година принцезата ги роди близнаците Габриела и Жак, и иако девојчето е две минути постаро од нејзиниот брат, тој ќе го наследи својот татко на престолот бидејќи во Монако предност имаат машките потомци.

Покрај официјалните, на нејзиниот Инстаграм може да се најдат фотографии каде седумгодишниците уживаат во активности типични за нивната возраст. Според многумина, тие се меѓу ретките што можат да вратат трошка среќа на лицето на „жената без насмевка“.

Прикажи повеќе...

Забава

Пет послушни раси на кучиња кои најлесно се дресираат

Објавено пред

Многу раси на кучиња лесно ќе станат лојални членови на семејството и најблиски придружници. Сепак, дури и на најискусниот сопственик му е тешко да ги научи некои од најтврдоглавите кучиња да ги следат основните наредби.

Без разлика дали сте сопственик на куче за првпат или сте пораснале со домашни миленици, знаењето која раса на кучиња е најлесно да се обучи може да ви помогне ако не сакате да одвоите часови и часови од вашето време за да го едуцирате вашиот четириножен пријател.

Не само што дресурата на вашето куче ќе ви го олесни животот (помалку незгоди, без џвакан мебел и минимално гласно лаење), туку исто така ќе му помогне на вашиот миленик да ги разбере границите во вашиот дом. Ниту едно куче нема да го цени викањето по него за некоја незгода – освен ако не е научено каде треба да уринира.

Без разлика дали го учите вашето куче на основните заповеди или сакате да одгледате куче за изложба, обуката може да стане важен дел за поврзување со домашното милениче.

Ова се пет раси кои најлесно се дресираат:

Германски овчар
Ако имате простор за сместување на оваа лојална раса, германските овчари се едни од најпослушните и најработливи раси, па затоа се одлични кучиња за сопствениците кои бараат што е можно помалку пречки кога станува збор за тренинг. Тие се омилени во полицијата и армијата, бидејќи германскиот овчар е познат по тоа што може брзо да научи нови работи.

Златен ретривер
Обожувани од љубителите на кучиња низ целиот свет, златните ретривери се многу мили и интелигентни кучиња кои можат да се прилагодат во секакво домаќинство. И покрај нивната големина, добро обучените златни ретривери се пристапни, нежни и среќни. Тие сакаат да учат, што ги прави лесни за обука и затоа се одличен избор за секој сопственик, дури и за целосно неискусен.

Пудлица
Постои причина зошто стандардните, минијатурни и разиграни пудли често го преземаат водството на изложбите на кучиња. Не само што изгледаат прекрасно, туку и здравата мешавина на послушност, интелигенција и разиграност ги прави идеални за тренинг. Ова се кучиња кои лесно можат да се сетат на наредбите и да ги следат истите.

 

Џуџест континентален шпаниел (папилон)
Малите кучиња имаат репутација на тврдоглави, но не и папилонот. Она што им недостасува во големината го надополнуваат со интелигенција, и можат ад се пофалат со импресивна способност да ги разберат командите.

Граничарски шкотски овчар (border Colie)
Ако сте загрижени за обука на вашето куче, „бордер коли“ многу брзо ќе ве смири. Овие кучиња се мирни во криза, независни, но лојални и сметаат дека целото семејство е достојно за заштита. Кога не се издресирани, овие палави кучиња можат да бидат деструктивни и тврдоглави, но нивната интелигенција им овозможува брзо да учат и да ги слушаат наредбите.

Прикажи повеќе...

Најново

Македонија5 часа

Регистрирани 554 нови случаи на Ковид-19, пријавени 17 починати лица

Министерството за здравство информира дека во последните 24 часа се направени 4.072 тестирања, а регистрирани се 554 нови случаи на...

Македонија5 часа

Радев: Изјавите и ветувањата во дијалогот со Северна Македонија повеќе не функционираат

Изјавите и ветувањата во дијалогот со Република Северна Македонија повеќе не функционираат и Бугарија очекува јасни правно обврзувачки решенија што...

Свет6 часа

Бајден: Не сакам воената моќ на Америка да се користи како одговор на секој проблем во светот

Американскиот претседател, Џозеф Бајден, изјави дека не сака воената моќ на САД да се користи како одговор на секој проблем...

Свет6 часа

(Видео) Лава од вулканот на Канарските Острови навлегува во куќите, луѓето се евакуираат

Вулкан на Ла Палма, на северозапад од архипелагот, еруптира во неделата исфрлајќи лава неколку стотини метри високо во воздухот и...

Регион6 часа

Лајчак вознемирен за ситуацијата во Косово, повика на смирување на тензиите

Специјалниот претставник на ЕУ за дијалогот Белград – Приштина, Мирослав Лајчак, рече дека е загрижен за ситуацијата во северно Косово...

Македонија8 часа

И без политичка влада во Софија, продолжуваат разговорите за деблокада на евроинтеграцијата

И покрај тоа што сè’ уште во Бугарија нема политичка влада, разговорите за надминување на разликите и деблокада на нашата...

Македонија8 часа

ДИК со жрепка го утврди редоследот на кандидати на гласачкото ливче на локалните избори

Државната изборна комисија со жрепка го утврди распоредот на кандидатите на гласачкото ливче за претстојните локални избори за градоначалници и...

Регион10 часа

(Видео) Вучиќ: Го одбив предлогот на ЕУ за решение, тоа не е компромис туку понижување на Србија

Претседателот на Србија, Александар Вучиќ, се обрати по седницата на Советот за национална безбедност. На седницата се разгледа актуелната ситуација...

Македонија11 час

МОН ќе добие експертска поддршка од Естонија за развој на дигитализацијата во образованието

Министерката за образование и наука, Мила Царовска, денеска одржа состанок со делегација од Естонија, претставници од Секретаријатот за европски прашања...

Македонија14 часа

Досега се попишани 1.132.484 лица

Вкупно 1.132.484 лица, 353.256 домаќинства и 480.364 станови се попишани заклучно со 20 часот вчера. Можноста за самопопишување на лица...

Македонија14 часа

Вархеи во Софија на разговори за бугарското вето за Македонија

Еврокомесарот за проширување Оливер Вархеј ќе престојува во посета на Бугарија, објави Европската комисија. Детали за разговорите не се соопштуваат,...

Свет15 часа

Претседателот на Бразил наместо во ресторан, вечераше пица на улица

Невакцинираните шефови на држави кои присуствуваат на Генералното собрание на Обединетите нации оваа недела, најверојатно, ќе мора да се задоволат...

Регион15 часа

Седница на Совет за безбедност на Србија за ситуацијата на Косово

На Косово ноќта помина тензично, но мирно по распоредувањето на специјалните единици „Росу“ низ северот на провинцијата. Српскиот претседател, Александар...

Свет15 часа

Идентификувани жртвите од пукањето во универзитетот во Русија

Идентификувани се сите шест жртви на пукањето на универзитетот во рускиот град Перм. Како што пренесе ТАСС, повикувајќи се на...

Македонија16 часа

Пендаровски: Одржувањето на перспективата за членство во ЕУ е клучниот двигател за реформите во земјите од Западен Балкан

Претседателот Стево Пендаровски во Њујорк учествуваше на 20. состанок на високо ниво во организација на Меѓународниот центар „Низами Ганџави“, што...

Свет1 ден

Од ноември можен влез во САД за странци што се вакцинирани

САД повторно во ноември ќе дозволат влез на патници од Кина, Индија, Велика Британија и од многу европски земји, кои...

Свет1 ден

(Видео) Напаѓачот од Русија објавил детали за нападот во универзитетот, во кој уби најмалку шест луѓе и рани 28

Приведениот напаѓач на универзитетот во Русија, Тимур Бекмансуров, објавил долго детаљно објаснување за својата подготовка за нападот, во кое тврди...

Регион1 ден

(Видео) Вучиќ за ситуацијата на Косово: Се надевам дека нема да треба да прeземеме контрамерки

Српскиот претседател, Александар Вучиќ, вечерва ѝ се обрати на јавноста и нагласи дека ова е еден од најтешките денови за...

Македонија1 ден

Нови 154 заболени од Ковид-19, починале 12 луѓе

Во последните 24 часа се направени 1.967 тестирања, а регистрирани се 154 нови случаи на Ковид-19: Скопје – 118, Куманово...

Македонија1 ден

Заев: Прашањето за морална одговорност и моја оставка стана банално

Премиерот Зоран Заев изјави дека прашањето за морална одговорност и за негова оставка станува банално. „СДСМ има квалитетни кадри коишто...

Досие