И покрај тоа што нивната врска заврши скандалозно, 30-годишната русокоса Росио Олива се прости од Диего Марадона на „Инстаграм“. Роцио објави две стории на кои се прикажани фотографии од среќните денови со славниот фудбалер, а под едната пишува: Збогум, мој Диего.

Росио Олива беше гостин во една аргентинска телевизија и плачеше зборувајќи за Марадона. Таа рече дека неговите деца и поранешната сопруга не ѝ дозволуваат да се збогува со него на бдението.

„Ме боли што не ме пуштаат, го повредуваат и Диего. Јас сум неговата последна партнерка, имам исто право да се збогувам со него како и другите. Не знам зошто ми го прават тоа, не провоцирам никого“, изјави Росио, која не ги криеше солзите.

„Многу се сакавме. Тој беше многу љубезен кон мене, секогаш ќе го паметам по добро. Беше прекрасен кон моето семејство, имаше џиновско срце“, рече, меѓу другото, Росио.

 

View this post on Instagram

 

A post shared by Rocio! (@rocio_g_oliva)

Марадона и поранешата фудбалерка биле во врска неколку години, а се запознале во 2012 година. Тие се свршија во 2014 година, но свадбата никогаш не се одржа.

За прекинот на нивната врска пишуваа светските медиуми во 2018 година бидејќи Росио го избркала свршеникот од куќата што ѝ ја купил. Нивната разделба беше проследена со многу расправии. Роцио не сакала да замине од Аргентина во Мексико, каде што Марадона во тоа време му бил тренер на мексиканскиот второлигаш „Дорадоас де Синалоа“.

Џенифер Анистон сподели фотографија на „Инстаграм“ во вторникот, каде што едвај се гледа нејзиното лице, а во заднина се гледа маж што лежи покрај нејзиното домашно милениче.

Преку фотографијата на која мистериозен човек лежи на подот додека нејзиното куче Клајд го крева погледот кон неа, Џенифер напиша: Те гледам, Клајд! Актерката (51) не се обрати и до мистериозниот човек што лежи покрај малото пријателче оставајќи ги фановите да се прашуваат кој е тој.

Добедничката на Еми-награда јасно стави до знаење дека е на снимање на втората сезона на хит-серијата The Morning Show со Рис Витерспун.

Дајан Китон е еуфорична во пофалбите за изменетата верзија на последниот дел од трилогијата „Кум“ на Френсис Форд Копола по добиената шанса да ја гледа.

Во разговор со „Варајети“ оваа среда актерката рече дека гледањето на новиот филм бил еден од најдобрите моменти во нејзиниот живот.

Оваа верзија на последниот од трите ремек-дела на Френсис Копола, со наслов „Кум на Марио Пузо, „Кода: Смртта на Мајкл Корлеоне“, се обидува да ги реши проблемите во оригиналниот филм што ги остави критичарите потиштени кога беше премиерно прикажан кон крајот на 1990 година.

„Ова беше еден од најдобрите моменти во мојот живот“, се воодушеви Китон кога го виде филмот на приватна проекција, која Копола ја организира во една од малите киносали на „Парамаунт “ за себе и за оригиналните ѕвезди Ал Пачино, Талија Шајер и Џорџ Хамилтон.

„За мене, тоа беше остварување на сонот. Го видов филмот во сосема поинакво светло“, рече таа.

Иако филмот имаше комерцијален успех заработувајќи речиси 137 милиони долари наспроти буџет од 54 милиони долари, многу критичари не беа импресионирани од него, особено во споредба со првите два филма „Кум“, кои се сметаат за ремек-дела.