Џиновска секвоја што расте на имот на „Нешнал траст“ официјално е прогласена за највисоко живо божиќно дрво во светот. Дрвото е високо импресивни 44,7 метри. Засадено е уште во 1860-тите години. Овој уникатен потфат го забележал и тимот на Гиис, пишува „Би-би-си“.

За да биде земена во предвид за рекордот, секвојата морала да има два вида украси. Поради тоа, дрвото било украсено со повеќе од 1.300 божиќни светилки и две огромни виолетови машни, соопштија од „Нешнал траст“ . Портпаролот открил дека за украсувањето била потребна работна платформа, а на тројца луѓе им биле потребни два дена за да ги постават сите светилки.

„Секоја сијаличка внимателно се проверува, а потоа се поставува и прицврстува вертикално за да не се создава преголем притисок врз дрвото“, појаснија од „Нешнал траст“.

Судијата на Гинисовите светски рекорди, Карл Савил, изјави: „Беше привилегија на ова дрво да му се додели признанието што го заслужува.“ Имотот и минатата година го имал највисокото живо божиќно дрво во Обединетото Кралство. „Постојано се прашувавме дали можеме да направиме уште еден џиновски чекор и да обезбедиме Гинисов светски рекорд… и успеавме“, изјави Стив Хауард.

Тој додаде дека во изминатите неколку недели било тешко да се чува светскиот рекорд во тајност.

„Сакавме да ја споделиме нашата голема вест токму во периодот кога многу луѓе ги украсуваат своите божиќни дрвца“, рече тој.

Станува збор за сосема нов рекорд во категоријата највисоко живо божиќно дрво. Рекордот за највисоко некогаш поставено божиќно дрво и понатаму му припаѓа на дрвото поставено во 1950 година во трговскиот центар „Нортгејт“ во Сиетл, САД. Тоа дрво не било вкоренето во земјата и било високо 64,6 метри.

Фото: pexels

Холивудскиот актер Леонардо Ди Каприо неодамна се присети на ситуација кога Бред Пит ги запознал неговите родители.

Имено, 51-годишниот актер во интервју за списанието „Тајм“ се присети на симпатичен момент од снимањето на филмот „Си беше еднаш во Холивуд“, кога Бред Пит ги запознал неговиот татко Џорџ Ди Каприо и маќеата Пеги Ен Фарар.

„Мојата маќеа е следбеничка на сикизмот. Мојот татко потекнува од хипи контракултурата, израснал во Сан Франциско и Лос Анџелес и се дружел со многу луѓе од андерграунд уметничкото движење во Лос Анџелес во 1970-тите“, раскажа Ди Каприо, објаснувајќи зошто Бред Пит бил збунет кога ги сретнал неговите родители.

„Се сеќавам на моментот кога излегувавме од ресторанот Musso & Frank’s на Холивуд Булевар и му реков на Бред Пит: ‘Тоа е мојот татко, а ова е мојата маќеа’. А тој ми одговори: ‘Да, сигурно’. Јас му велам: ‘Не, навистина, тоа се тие’. А тој повторно вели: ‘Да, сигурно’“, раскажа Ди Каприо низ смеа.

Актерот потоа додаде дека е свесен оти неговите родители навистина изгледаат како статисти во филмот.

„Си помислив: ‘Знам дека изгледаат како статисти во овој филм, но тоа навистина се тие. Така се облекуваат секој ден’. Тоа беше неверојатен момент. Никогаш нема да го заборавам“, додаде Ди Каприо.

Инаку, филмот „Си беше еднаш во Холивуд“ (2019) е деветтиот филм што го напиша и режираше Квентин Тарантино. Станува збор за хумористична драма сместена во Лос Анџелес во 1969 година, која претставува „љубовно писмо“ до последните моменти на златната ера на Холивуд.

Фото: Depositphotos

На сите кои сакаат да пакуваат подароци, овој трик со даска за пеглање и метла може многу да им користи.

Празниците се период кога се купуваат и подаруваат најмногу подароци, а ако сте меѓу оние што обрнуваат посебно внимание на деталите, тогаш пакувањето сигурно ви е важен дел од процесот.

 

View this post on Instagram

 

A post shared by The Daily Nelly (@thedailynelly)

Сепак, ако имате повеќе подароци за пакување, тоа може да стане непрактично, иако е забавно. Токму затоа во помош доаѓа — даската за пеглање.

Како изгледа овој трик во пракса, можете да видите во видеото.