Руската манекенка Ирина Шајк (34) и американскиот актер Бредли Купер (45) конечно постигнале договор за старателство над заедничкото дете.

Според последните информации, преговорите биле завршени на почетокот од годината. Постојана адреса на моделот и на актерот ќе биде Њујорк и тие заедно ќе ја споделат целата грижа за детето.

Каде ќе биде Леа (2) ќе зависи од ангажманите и распоредот, со оглед на природата на нивниот бизнис. Ирина и Бредли многу бргу се согласиле и се договориле за деталите, а благосостојбата на нивната ќерка им е на прво место. Последниве денови Леа го поминува времето со својата мајка и честопати се видени како шетаат заедно на улиците на Њујорк.

Ирина и Бредли се разделија по четири години врска. Имаше многубројни нагаѓања за причината за нивниот прекин, а сè почна со сомневањето за неверство на актерот поради неговата блиска врска со пејачката и актерка Лејди Гага (33).

Поранешната брачна двојка Џенифер Анистон (50) и Бред Пит (56) деновиве се тема во сите светски медиуми поради нивното интимно однесување на 26. доделување на САГ-наградите во Лос Анџелес.

Тие се сретнаа јавно, очи во очи, притоа разменија нежни погледи и прегратки, а кога Џен се сврте, Бред внимателно ја фати за раката… и сликата веднаш го обиколи светот.

Но, Џенифер не е единствената убавица што Бред ја прегрна таа ноќ.

Тој беше срдечен и нежен кон друга згодна русокоса, исто така актерка, а тоа беше Шарлиз Терон (44).

Во почетокот на 2019 година се зборуваше дека убавата Шарлиз и згодниот Бред се во љубовна врска кога беа видени заедно на проекцијата на филмот „Рома“. Но, тоа никогаш не го негираа, ниту го потврдија.

Италијанската филмска ѕвезда Орнела Мути деновиве се појави на Француската модна недела, каде што сите очи беа вперени во неа. Таа набргу ќе го прослави својот 65. роденден, но нејзината убавина не бледнее.

Зад себе има два брака и три деца. Таа првпат се омажила за актерот Алесио Оран и била во брак со него од 1975 до 1981 година, а во Италија биле познати како најубавата славна двојка. Во 1988 година се омажила за Федерико Фашинети, со кого има син Андреа и ќерка Каролина, а во 1996 година се развела од него.

Интересно е што во 2015 година таа беше осудена на осум месеци затвор или глоба од 30.000 евра затоа што одбила да игра во претстава за да може да излезе на вечера со рускиот претседател Владимир Путин, а една година подоцна побарала руско државјанство.