Помладата ќерка на првиот човек на Формула 1, Берни Еклстоун (88), Петра (30), ќе се мажи вторпат на 10 август во Мексико. Нејзиниот избраник овој пат е Сам Палмер (34), директор на уметничката галерија „Maddox Sam” и поранешен продавач на автомобили.

Двојката ќе се венча во луксузно одморалиште со пет ѕвезди во  Коста Палма, Мексико. Петра за својата прва свадба со Џејмс Стант издвои 12 милиони фунти, а сега планира да потроши уште повеќе. Британските медиуми пишуваат дека за свадбата решила да го изнајми целото одморалиште за да имаат поголема приватност. Трошоците за целата свадба изнесуваат 15 милиони фунти.

„Петра сака тоа да биде нејзина последна венчавка, и покрај тоа што вторпат се мажи, таа сака да биде посебно“, изјави близок пријател на Петра и Сам.

Двојката се запозна во 2017 година, по разводот на Петра. Неодамна тие заедно купија луксузна вила во Брентвуд.

Раперката Карди Б има нова тетоважа, а ја откри нејзиниот сопруг Офсет, на кого раперката му се пофали за време на заеднички видеоразговор.

Карди го истетовира неговото име на задниот дел од ногата, а тетоважата му ја покажа така што ја крена ногата пред веб-камерата.

View this post on Instagram

CANT WAIT TO GET HOME 👅👅👅

A post shared by OFFSET (@offsetyrn) on Jul 21, 2019 at 9:47am PDT

Офсет ги објави тетоважите на „Инстаграм“. „Одвај чекам да дојдам дома”, напиша и додаде емотикони на исплазен јазик.

„Ти си голем среќник“, му порачаа следбениците.

Бо Дерек се појави на премиерата на документарниот филм на Камерон Кроу, David Crosby: Remember My Namе, во Лос Анџелес, каде што им позира на фоторепортерите.

Русокосата убавица, која и во 63. година од животот привлекува внимание со својот изглед, се прослави со улогата во филмот „Десетка“ на режисерот Блејк Едвард. Многумина се сеќаваат на сцената од филмот во која младата Бо трча во едноделен златен костим за капење по плажата, со коса сплетена во многубројни плетенки.

Денес, Дерек ретко се појавува во јавноста и уште поретко дава изјави, но пред неколку години во интервју призна дека не е лесно да се старее во Холивуд.

„Не е лесно да се старее, тоа не е за слабаци. Бет Дејвис беше апсолутно во право во врска со тоа. Понекогаш ме фалат што не сум отишла на затегнување на лицето, а понекогаш ме критикуваат дека треба да одам“, откри Бо, која е веќе 16 години во врска со пет години помладиот актер Џон Корбет, познат по улогата на Ајдан од „Сексот и градот“ и од филмот „Мојата голема дебела грчка свадба“.