Забава
Шејлин Вудли: Kомуникацијата е клучна за добар секс

Холивудската актерка Шејлин Вудли (29) вели дека клучот за добар секс е комуникација меѓу партнерите.
29-годишната актерка откри дека имала лош секс „повеќе од еднаш“ во животот, и додава дека најдобриот совет кога станува збор за ревитализација на нејзиниот сексуален живот е да биде „искрена и транспарентна“ со партнерот.
Во колумната Ask Her („Прашај ја неа“) за машката веб-страница „Лeo“, едно лице праша: „Ако сексот не е одличен, а врската цвета, дали ќе прекинете или ќе работите на тоа?“ Шајлин одговори: „Јас сум била во таква ситуација. И да бидам искрена, тоа се случи повеќе од еднаш во мојот живот.“
„Сè што можам да кажам од моја перспектива како жена што знае што сака и не се плаши да го каже тоа е дека искреноста и транспарентноста се сè. Ако не се чувствувате безбедни во комуникацијата со вашиот партнер, тогаш големи се шансите можеби никогаш нема да можете да негувате вистински сврзувачки сексуален живот. И, ако се чувствувате безбедно, тогаш зборувајте за вашите потреби. Без разлика дали тие се исполнети или не. Прашајте ги вашите партнери за нивните потреби“.
Sвездата на „Големи мали лаги“ рече дека изнаоѓање добра рамнотежа во врската може да одземе доста време, додавајќи дека повеќето луѓе немаат одличен секс сè додека не станат „вистински интимни“ едни со други.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.