Принцот Хари (35) и Меган Маркл (38) живееја во родната куќа на Меган во Лос Анџелес по напуштањето на кралските должности. Сега тие си купиле и се преселиле во новиот дом во Монтечито во близина на Санта Барбара, скап крајбрежен град северно од Лос Анџелес, пишува Си-ен-ен.

„Двојката се пресели во семејниот дом во јули годинава и се смести во тивка приватност на нивната заедница. Тие се надеваат дека тоа ќе се почитува поради нивните соседи, како и поради нив како семејство“, изјави нивниот портпарол за американските медиуми.

Според списанието „Пипл“, нивниот дом се наоѓа околу 150 километри северно од Лос Анџелес, а во градот живеат и Опра Винфри (66) и Елен Деџенерис (62). Имотот во Монтечито, кој се состои од куќа со девет спални и 16 тоалети, базен, игралиште и градина со рози, го купиле 14,65 милиони долари.

„Тие сакаат таму да го подигнат Арчи и се надеваат дека ќе имаат што е можно понормален живот. Хари и Меган никогаш немале намера да живеат во Лос Анџелес“, изјави близок пријател на двојката, пренесува „Пипл“.

Војводата и војвотката од Сасекс се преселија во Калифорнија од Канада кога во јануари објавија дека имаат намера да се повлечат од кралските должности и да работат за да обезбедат финансиска независност.

Тие рекоа дека сакаат во Калифорнија да направат нешто што има смисла и што е важно и дека имаат намера да ја отворат непрофитната организација Archewell.

Поранешната актерка поминала интензивни подготовки за својата нова улога, откако таа и принцот Хари ја најавија нивната веридба во 2017 година, вклучително и тежок дводневен курс за  безбедност со членови на британската специјална воздушна служба (САС).

Според новата биографија „Потрага по слобода“, Меган била спакувана во задниот дел на автомобил од страна на терорист кој ја возел на неодредена локација пред да биде спасена од полицајци.

Авторите на биографијата Омид Скоби и Каролин Дуранд пишуваат дека „обуката што ја поминаа сите високи членови на кралското семејство, освен кралицата, во седиштето на САС во Херфорд е подготовка за сите безбедносни сценарија со висок ризик, вклучувајќи киднапирање, заложници и терористички напади. ”

Меган, која стапи во брак со Хари во мај 2018 година, поминала обука и во други области за да се подготви за живот во монархијата, со лекции за сè, на пример, како грациозно да излегува од автомобил или како точно да ги ословува останатите членови на кралското семејството.

Кога врската на Меган и Хари за прв пат се најде под лупа на јавноста, таа добивал совет дури и за накитот што го носи на себе. Ова се случило откако била фотографирана со златен ланец со иницијали М и Х.

Авторите пишуваат: „Два дена откако Меган беше фотографирана како купува цвеќе во нејзината вообичаена цвеќарница, носејќи го новиот ѓердан, таа доби телефонски повик од асистент во Кенсингтонската палата.

„Ѝ рекле дека носењето таков ѓердан служи само за да ги охрабри папараците да продолжат да трагаат по ваквите имиџи – и нови наслови“.

Меган и Хари сега живеат во Лос Анџелес со нивниот син Арчи откако се повлекоа од своите кралски должности на крајот на март.

Биографијата за војводата и војвотката од Сасекс, со симболичен наслов Finding Freedom („Потрага по слобода“), која најверојатно ќе биде бестселер, беше објавена на Интернет на 11 август.

Кога станува збор за летен стил, супермоделот Алесандра Амброзио е кралица на лежерните изданија.

Бразилката неделава ја помина во дружби и ручеци со пријатели во Вест Холивуд, а во средата беше забележана како заминува од студио во Лос Анџелес и носи зелен пијалак во чаша за еднократна употреба.

Алесандра (39) избра жолто здолниште со раб над колената, тренди маичка и очила за сонце со златни рамки. Едноставните рамни влечки во боја на кожа одлично се вклопуваат во целиот стајлинг.

Спортски, елегантно и модерно во исто време.

Алесандра (39) е манекенка уште од тинејџерка. Таа стана ангел на „Викторија сикрет“ во 2004 година, а своите крилја ги закачи во 2017 година. Убавицата е мајка на две деца со поранешниот свршеник Џејми Мазур – ќерката Ања (11) и синот Ноа (8).
.

Последниве две години е во врска со италијанскиот бизнисмен Николо Оди.