Забава
Џенифер Анистон за Илон Маск: „Воопшто не ме привлекува“

Актерката Џенифер Анистон се подготвува за објавувањето на четвртата сезона од популарната драмска серија The Morning Show, која пристигнува на „Епл ТВ+“ на 17 септември.
Анистон ја глуми Алекс Леви во серијата, а за оваа улога ја освои наградата Screen Actors Guild во 2020 година.
Додека обожавателите со нетрпение го очекуваат враќањето на серијата, Анистон се појави на насловната страница на септемвриското издание на списанието „Венити фер“.
View this post on Instagram
Таа зборуваше за многу теми во интервјуто, па дури и го спомена Илон Маск.
Иако малкумина би ја поврзале Анистон со Маск, неговото име се појави поради споредби со љубовниот интерес на нејзиниот лик со Пол Маркс, кој го игра миленикот на публиката од серијата Mad Men, Џон Хам.
Маркс е милијардер со голем интерес за ракетна индустрија. Ви звучи познато? Новинарот забележа дека ликот на Хам личи на Илон Маск.
View this post on Instagram
Но, актерката веднаш ја отфрли споредбата велејќи за основачот на „Спејс икс“: „Воопшто не го сметам за привлечен, на никаков начин“.
Патем, The Morning Show не се срами да ги опфаќа настаните од реалниот живот и политиката, а Анистон за „Венити фер“ изјави:
„Правиш ТВ-серија за политичко известување во многу поделена временска зона, а тоа може да биде тешко. Сакаш да им се допаднеш на сите твои гледачи“.
View this post on Instagram
Во остатокот од интервјуто Анистон се осврна и на тема за која ретко зборува, нејзиниот развод од поранешниот сопруг Бред Пит. Актерката во тој период го снима филмот The Break-Up.
„Беше некако катарзично да се снима тој филм. Кога ми ја дадоа понудата, беа малку нервозни бидејќи беа како: ‘О дали е ова во ред или не е соодветно?’ Но, всушност, чувствував дека ова е вистинската можност. Знаев дека може да ми користи, како човечко суштество, и дека ќе му служи добро на сценариото и на ликот“, рече Анистон.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Три хороскопски знаци излегуваат од сите долгови до 5 ноември

Според професионалниот астролог Керол Стар, три хороскопски знаци наскоро би можеле да излезат од своите финансиски проблеми, бидејќи Венера, планетата на парите, останува во својот омилен знак до 5 ноември.
Сепак, како што нагласува Стар, промените нема да дојдат сами по себе. Финансиското подобрување е можно само ако овие знаци вложат труд и ги разбијат шемите што ги држат заглавени.
Бик
Биковите се познати по својата стабилност и не сакаат ненадејни промени, особено кога станува збор за пари. Иако често се сметаат за финансиски сигурни, 2025 година не беше лесна година за нив. Без разлика дали станува збор за пад во кариерата, зголемување на трошоците или општа стагнација, многу Бикови го чувствуваат притисокот.
Стар советува да престанете да бидете самозадоволни и да барате нови решенија. Ова може да значи прекинување на врската што ве исцрпува или подобро организирање на вашите лични финансии. Клучот е да преземете мали, но решителни чекори што можат да направат голема разлика.
Јарец
Јарците се меѓу најдисциплинираните знаци на Зодијакот кога станува збор за пари. Тие ретко трошат импулсивно и често размислуваат неколку чекори однапред. Сепак, токму оваа претпазливост може да биде пречка за нив сега. Според Керол Стар, Јарците во моментов трошат премалку и не инвестираат мудро.
Понекогаш е потребно да трошите пари за да профитирате на долг рок. Ако инвестирањето во акции не ви звучи привлечно, размислете за инвестирање во вашето знаење, здравје или личен развој. Ова може да ви донесе задоволство, но и поголема заработка во иднина.
Лав
Лавовите сакаат да уживаат и честопати сакаат да си се препуштат, но токму во тоа лежи проблемот. Во последно време сте биле премногу опуштени кога станува збор за трошење. Пакетите се натрупуваат, а картичката се користи без многу размислување. Иако повременото препуштање не е лошо, рамнотежата е клучот за долгорочно финансиско здравје.
Керол Стар ве советува да почнете да ги следите вашите трошоци и подобро да ги распределувате вашите приходи. Ако сакате да ја завршите оваа година финансиски посилни, започнете сега. Ограничете ги импулсивните купувања и бидете искрени со себе за тоа што навистина ви треба.
фото: принтскрин
Забава
Без триење или хемикалии: неколку едноставни трикови за чистење изгорена тава

Отстранувањето на тврдокорни дамки и остатоци од храна може да биде вистински предизвик. Сепак, не мора веднаш да се откажете од вашата омилена тава, бидејќи со неколку докажани состојки, можете да ја зачувате.
Една од најчесто користените состојки за оваа работа е сода бикарбона. Сè што треба да направите е да го посипете дното на тавата со сода бикарбона, да додадете малку вода и да ја оставите да отстои, а потоа да ја исчистите како и обично.
Содата бикарбона помага во отстранувањето на изгорените наслаги, а е добра и во борбата против непријатните мириси.
Оставете кесичка црн чај да отстои во тава со топла вода околу 15 минути. Танините во чајот помагаат да се омекнат изгорените наслаги. Потоа нежно истријте ја тавата со сунѓер или мека четка.
Овој природен трик е едноставен и ефикасен.
Посипете го дното на тавата со крупна сол и додадете малку билно масло. Истријте ја површината со крпа или сунѓер. Солта делува како природен абразив за отстранување на бигор, додека маслото помага во разградувањето на маснотиите. По чистењето, измијте ја тавата со топла вода и сапун.
Овие едноставни трикови ќе ви обезбедат тавата повторно да сјае без употреба на груби хемикалии или триење што одзема многу време.
фото: принтскрин
Забава
(Фото) Од секси долна облека во елегантен фустан: Ирина Шајк ги засени сите во своето најубаво издание

Познатата Ирина Шајк е една од супермоделите што неодамна блеснаа на годишната ревија на „Викторија сикрет“, а ниту овој пат не разочара. Освен што е една од најбараните модели, таа ја носи и титулата една од најголемите модни икони на денешницата.
Покрај тоа што ги импресионира сите на пистата, таа шармира со својот моден избор на забавата по „Викторија сикрет фешн шоу 2025“, организирана во познат клуб во Њујорк.
View this post on Instagram
Ирина се пресоблече од својата секси долна облека во елегантен фустан, кој совршено ѝ прилегаше на фигурата. Фустанот, изработен од сатен во шампањ боја, нежно паѓаше сè до подот, а е уште позаводлив поради фактот што Ирина не носеше градник.
Минималистичкиот фустан е вистинско освежување за Ирина Шајк и совршено одговара за оваа или слична пригода. Го комбинира со сребрени сандали со ремчиња и ефектни метални белезици и прстени.
Интересно е што немаше лак за нокти докажувајќи уште еднаш дека го сака природниот изглед.
Покрај тоа, таа избра потемна шминка и соодветна фризура – нејзината „мокра“ коса даваше впечаток на опуштеност и го врамуваше нејзиното лице, а целата комбинација дополнително ја збогати со бела чанта преку рамото.
Со овој моден избор Ирина Шајк уште еднаш докажа дека едноставноста е, всушност, најубавиот украс.
фото: принтскрин