Забава
Џенифер Анистон подготвена за трет брак, планирала венчавка на плажа со Џим Кертис

Изгледа дека за Џенифер Анистон наскоро би можеле да прозвонат венчални ѕвона. Како што пишуваат странските медиуми, ѕвездата од „Пријатели“ наводно е подготвена за сериозен чекор со својот нов партнер, Џим Кертис. Иако 56-годишната актерка веќе неколку месеци дискретно се гледа со гуруто за самопомош, извори тврдат дека нивната врска брзо се развива бидејќи се познаваат со години, и таа овој пат е сигурна во својата одлука.
Гласините за романтиката на парот во последните недели не престануваат да ги полнат медиумите, а изгледа дека врската, која наводно ја прифатил и нејзиниот најблизок круг пријатели, се движи кон трајна обврска.
„Џен и Џим се луди еден за друг, а таа е во фаза од животот кога е уморна од љубовни игри“, открил извор.
„Таа вложи сè во оваа романса и лесно е да се види зошто. Џим е душа од човек со неверојатна емпатија за потребите на Џен. Верува дека конечно го пронашла својот човек за цел живот.“
Изгледа дека Кертис од самиот почеток го дели нејзиното мислење. „Разговарале за заедничка иднина уште на првиот состанок“, објаснил добро информиран извор, додавајќи дека Кертис „јасно кажал од првиот ден“ колку е посветен на нивната врска.
За Анистон ова би бил трет брак, а наводно планира интимна и едноставна церемонија. „Возбудени се што ќе се венчаат и сакаат да си ги разменат заветите на плажа во Кабо, пред мала група блиски пријатели“, открил извор.
Нивната врска брзо напредува, а парот веќе бил виден на неколку патувања. Во јуни се повлекле во мирниот Ventana Inn во Big Sur, а кратко потоа се појавиле во јавноста за време на одмор на јахта во Шпанија за Денот на независноста. Фотографите ги фатиле како разменуваат нежности на палубата, без да се грижат за љубопитните погледи.
Кертис по враќањето дури пишувал за патувањето: „Се вратив од одмор, какво искуство!“ напишал тој. Осврнувајќи се на патувањето, додал: „Кога бев болен, тажен и во болка, никогаш не мислев дека ќе имам изобилство, радост и љубов кои сега ги доживувам секојдневно.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Хороскопски знаци што гледаат проблем во сè

Овие хороскопски знаци имаат тенденција кон песимизам, не затоа што се злонамерни, туку затоа што секогаш се подготвени за најлошото.
Јарец
Реалист до крајност, но често преминува во песимизам. Верува само во труд и контрола, па кога нешто ќе тргне поинаку, очекува најлошо. Перфекционизмот го прави разочаран кога работите не излегуваат точно според план.
Девица
Аналитична и критична, често ја гледа грешката пред успехот. Наместо да се фокусира на напредокот, ги забележува само несовршеностите и мисли дека сè пропаѓа.
Рак
Емоционален и чувствителен, длабоко ги проживува проблемите. Склон е да се враќа во минатото и да размислува што можел да направи поинаку. Кога ќе ја изгуби верата, му е тешко повторно да ја врати.
Шкорпија
Светот го гледа црно-бело. Кога ќе наиде тешкотија, тешко е да поверува дека ќе стане подобро. Се затвора во себе и станува сомничав, дури и кон оние што му мислат добро.
Забава
Кевин Федерлајн детално го опиша повикот по кој завршил неговиот брак со Бритни Спирс

Телефонски повик со Бритни Спирс, Парис Хилтон и Линдзи Лохан бил „капката што ја прелила чашата“ и довел до крајот на бракот меѓу Кевин Федерлајн и поп-ѕвездата, пишува во неговите нови мемоари You Thought You Knew, пренесе Page Six.
„Беше три или четири часот наутро. Таа, Парис и Линдзи беа пијани и ме молеа да дојдам. Во позадина ги слушнав моите синови Престон и Џејден како плачат. Тој повик беше крај,“ напиша тој.
Додаде дека претходно гледал фотографии од Бритни на забави, но дека тој момент ја уништил секоја надеж дека ќе се смират поради децата.
Во книгата се наведуваат и други тешки обвинувања – дека Спирс го удрила поради марихуана што еден негов пријател ја оставил во домот, дека ја видел како со пријателка шмрка кокаин, како и дека понекогаш ги гледала децата додека спијат, држејќи нож во рака.
Федерлајн тврди и дека Бритни го изневерила на почетокот на врската и му се јавила на поранешното момче Џастин Тимберлејк ден пред свадбата.
Тимот на Спирс (43) одговорил дека повторно некои луѓе профитираат од неа откако престанала алиментацијата. Нејзиниот портпарол истакнал дека пејачката се грижи само за благосостојбата на своите деца и дека веќе ги опишала своите искуства во мемоарите The Woman in Me (2023).
„Постојаната манипулација од мојот поранешен сопруг е болна и исцрпувачка. Пет години се обидувам да живеам мирен и приватен живот, но сега ми е доста,“ напиша таа, додавајќи во друга објава дека Федерлајн шири лажни приказни и се обидува да звучи убедливо.
Кевин Федерлајн и Бритни Спирс беа во брак од 2004 до 2006 година и имаат два сина – Шон Престон и Џејден.
Забава
Сопругата на словенечкиот премиер за свадбата: „На гостите им ги одзедовме мобилните телефони“

Словенечката инфлуенсерка и поранешна мисица Тина Габер (39) неодамна се омажи за премиерот на Словенија, Роберт Голоб (58). Таа за Net.hr откри како изгледала нивната интимна свадбена церемонија што се одржала во Струњан, на словенечкото приморје.
„Воопшто не планиравме венчавка. Но, кога почнаа гласини дека ќе биде на есен и сите нè прашуваа кога ќе се венчаме, си рековме – па ајде. Сега гледам дека тоа беше најдобрата одлука. Венчаницата ја избрав за два дена – добро е што немав повеќе време, затоа што би го закомплицирала целиот процес,“ изјави Тина.
View this post on Instagram
Таа откри дека свадбата ја испланирале за еден месец, а атмосферата била весела и опуштена: „Имавме одличен бенд, диџеј и многу добра енергија. Сонцето заоѓаше, морето беше зад нас, а ние двајцата зрачевме среќа. Не сакав тивка, романтична венчавка, туку разиграна и жива, и според реакциите на гостите – успеавме целосно.“
View this post on Instagram
Како најинтересен момент од вечерта, Тина спомена дека на гостите им ги одзеле мобилните телефони:
„Кога ќе им ја тргнете таа дистракција, се случува вистинско чудо,“ рече таа со насмевка.
View this post on Instagram
Парот ќе отпатува на меден месец во Африка.
Тина Габер е позната на јавноста уште од 2008 година, кога ја освои титулата Miss Hawaiian Tropic Slovenije. Студирала социологија, а подоцна се утврдила како водителка, инфлуенсерка и активистка, особено ангажирана во борбата за права на животните и заштита на животната средина. Денес има бројна публика на социјалните мрежи и е препознатлива по спојот на моден стил и општествена свесност, како и по залагањето за здрав начин на живот и транспарентност во институциите.