Две години по трагичната смрт на Метју Пери, неговите колеги од култната серија „Пријатели“ повторно покажаа колку нивната поврзаност е силна и надвор од малите екрани. Џенифер Анистон, Кортни Кокс, Дејвид Швимер, Мет Леблан и Лиза Кудроу се обединија во хуманитарна иницијатива со која го чуваат споменот на Пери и ја продолжуваат неговата мисија за помагање на другите.

Во соработка со Фондацијата Метју Пери и Soundwaves Art Foundation, уметникот Тим Вејкфилд создаде серија уметнички дела инспирирани од звучните бранови на препознатливата воведна песна на „Пријатели“, претворени во визуелни мотиви поврзани со ликовите од серијата.

 

View this post on Instagram

 

A post shared by Matthew Perry Foundation (@matthewperryfoundation)

Секој од актерите потпиша ограничен број графики посветени на својот лик, а изработена е и посебна колекција со официјален, релјефен потпис на Метју Пери. Потпишаните примероци се продаваат по цена од 600 долари, а непотпишаните за 100 долари, при што целиот приход е наменет за хуманитарни цели.

Метју Пери беше пронајден мртов во својот дом во Лос Анџелес во октомври 2023 година, на 54-годишна возраст. Според официјалниот извештај, смртта била несреќен случај поврзан со дејството на кетамин. Пери јавно зборуваше за својата борба со зависноста и за обидите да им помогне на други луѓе со слични проблеми.

Со оваа акција, актерите од „Пријатели“ уште еднаш потсетија на наследството на Метју Пери – не само како актер кој обележа генерации, туку и како човек кој својата лична борба ја претвори во хуманост.

Фото насловна: depositphotos

Лејди Гага накратко го прекина концертот во Сиднеј откако еден од нејзините танчери се лизнал и паднал од сцената поради обилниот дожд. Инцидентот се случил за време на вториот концерт од сиднејскиот дел на светската турнеја The Mayhem Ball.

„Застанете, застанете! Имавме несреќа на сцената“, извикала пејачката додека танчерот паѓал од бината.

Lady Gaga had to interrupt the last show in Sydney because her dancer Michael slipped and fell off the stage due to the rain. She is currently taking a short break to allow her dance crew to find shoes with better grip. The show should resume soon. pic.twitter.com/HWpUlYDMDf

— LⱯDY GⱯGⱯ NOW🪞 (@ladygaganownet) December 13, 2025

Настапот бил прекинат само околу пет минути, по што концертот продолжил, а публиката во меѓувреме ја бодрела Гага, додека останатите танчери чекале сигнал дека е безбедно да се продолжи.

Турнејата The Mayhem Ball се одржува по повод осмиот студиски албум на Лејди Гага – Mayhem, објавен во март 2025 година, и означува нејзино враќање на големите арени. Турнејата започна во јули 2025 во Лас Вегас, а треба да заврши во април 2026 година во Њујорк.

Работата „на црно“ е прекршок насекаде во светот, а Германија не е исклучок. За тоа се зборува со децении, но некои сè уште мислат дека ваквите приказни се претерани.

Сепак, сведоштвото на еден работник објавено во Фејсбук-групата „Балканци во Германија“ покажува дека не станува збор за мит, туку за горчлива реалност која може да има сериозни последици.

Во објавата, што ја пренесе „Телеграф.рс“, мажот раскажува:

„Луѓе, да ви раскажам што ми се случи, можеби некому ќе му помогне да не направи иста глупост. Реков – ајде малку да заработам од страна, платата во Германија понекогаш едвај ги покрива сите трошоци. Ми се јави еден Германец што живее на десет минути од мене и ми рече дека му треба косење трева бидејќи нема време. Јас, глупав, прифатив и си помислив – кој ќе види, една куќичка покрај пат, ќе покосам, ќе земам пари и готово.“

Тој раскажува дека зел косилка, почнал да коси и бил задоволен што ќе земе 50 евра за еден час работа, кога забележал дека сопственикот излегува од куќата со мобилен телефон и нешто снима.

„Го прашав што снима, а тој нешто промрмори на германски. Не разбрав ништо, веќе бев во паника. Се сврте и влезе внатре. Помислив дека можеби снима за да ѝ покаже на сопругата ‘пред и потоа’, и не ни претпоставував што ќе следи“, пишува тој.

По дваесетина минути, пристигнале двајца службеници од Ordnungsamt (Служба за јавен ред и комунален надзор).

„Ме гледаат мене, ја гледаат косилката, го гледаат него на прозор. Ми стана јасно сè. Ме прашаа дали работам на црно, кој сум, дали имам договор. Се збунив, почнав да пелтечам. А најлошо – Германецот излезе и ладнокрвно рече дека првпат ме гледа и дека сум му ѕвонел и нудел услуги без документи. Тука ми зовре крвта, но си реков дека не ми треба уште и затвор“

Службениците ги запишале неговите податоци и му рекле дека случајот оди во Ausländeramt (Служба за странци / Имиграциска служба).

„Сега не знам дали ќе ја изгубам визата, дали ќе платам казна, дали ќе ме депортираат. Ми рекоа дека е добро што не сум фатен порано, бидејќи казните одат и над 5.000 евра. Седам дома и размислувам колку сум бил будала што прифатив да косам трева на црно во земја каде што сè се евидентира. Затоа ги предупредувам сите: немојте да работите на црно – ни косење, ни чистење гаража, ништо. Германија гледа, снима и сè пријавува. А најлошо е што ќе ве пријави токму тој што ве замолил за помош“, напиша тој.

Неговата објава предизвика бројни реакции. Дел од корисниците му понудија совети, додека други ја доведоа во прашање вистинитоста на приказната, наведувајќи дека во Германија работодавачите добиваат многу повисоки казни од работниците.