Деми Мур глуми и е извршен продуцент на сценариото за поткаст-серијата со наслов Dirty Diana.

Новата аудиодрама се фокусира на пар што се обидува повторно да се поврзе среде неуспешен брак. Мажот и жената се соочуваат со брак што умира додека губат контакт со својата интимност.

Деми настапува заедно со Клас Банг како двајца партнери што се обидуваат да работат на својот брак и интимност, како што може да се чуе во првиот трејлер што се појави преку People.

Dirty Diana, фиктивна серија од шест дела, почнува в понеделник, 13 јули, преку поткаст.

Таа го роди својот син Калум во март.

А неделава, неполни четири месеци по породувањето, Џена Деван сподели „Инста-приказна“, на која го покажа своето нокаут-тело во едноделен црн костим за капење.

Во објавата таа им се заблагодарува на ќерката на Дејвид Фостер, Сара, и брендот Summersalt, за нејзиниот нов омилен костим за капење, кој ќе го носи постојано дома.

39-годишната професионална танчарка предизвика бура на социјалните мрежи со својата совршена фигура, со крената рака за да го почувствува сонцето.

Поранешна сопруга на актерот Ченинг Тејтум го роди своето второ дете, синот Калум Мајкл Ребел Кази, во март.

Своето второ дете го доби со свршениокот Стив Кази, кој неодамна ја побара за жена, а од бракот со Тејтум ја има шестгодишната ќерка Еверли.

Холивудската ѕвезда Џони Деп ја удрил поранешната сопруга Амбер Херд на приватен лет во пијана состојба затоа што верувал дека има афера со актерот Џејмс Франко, според тврдењето на тимот адвокати на британски „Сан“.

Деп во судскиот процес за клевета против британскиот таблоид „Сан“, кој тој го поведе поради статија во која весникот го опишува како тепач на жени, негира дека ја нападнал Херд обвинувајќи ја неа дека таа е агресорот и дека тој само се обидувал да ја смири.

Во текот на првите два дена од она што се очекува да биде тринеделен процес во лондонскиот Висок суд, тимот што го застапува таблоидот тврдеше дека Деп пиел и се дрогирал. Адвокатите исто така говореа и за неговиот однос со Херд, со коа се ожени во 2015 година. Таа поднесе барање за развод 15 месеци подоцна.

Во средата главниот протагонист во „Пиратите од Карибите“ беше обвинет за напад врз сопругата при лет од Бостон за Лос Анџелес по наводна караница за Џејмс Франко, кој глумеше со неа во филмот „Дневниците на Адерал“.

За време на летот, „Деп ја навредувал Херд со погрдни зборови, рекол дека сака секс помеѓу снимање кадри и ја нарекол курва“, рече Саша Вас, адвокат на „Сан“.

„Во слеп бес тој ја удрил по грбот додека се обидувала да се оддалечи од него и ѝ удрил шлаканица по лицето“, рече Вас.

Деп ги негира обвинувањата.

„Јас не сум насилна личност, особено со жени“, изјави тој во судницата во средата.