Шарлиз Терон излезе во елегантен и функционален комбинезон во вторникот за да го прослави деветтиот роденден на својата ќерка Џексон.

45-годишната актерка изгледа прекрасно во маслинов едноделен аутфит во омилениот суши-ресторан во западен Холивуд, каде што често оди со семејството и најблиските пријатели.

Комбинезонот го носи со ракавите лежерно засукани.

Шарлиз додаде дополнителна доза гламур за целиот изглед со црна кожена чанта на „Ив Сен Лоран“ со дебел златен синџир.

Таа беше забележана на балконот пред ресторанот додека разговара со Џексон и нејзината помлада ќерка Август (5).

Ана де Армас, актерката од „Нож во грб“, има ново момче.

Кубанката (33) е во врска со раководителот во „Тиндер“, Пол Букадакис (37), веќе неколку месеци, според „Пејџ сикс“.

Порталот ја објави веста токму кога поранешниот партнер на Ана, Бен Афлек (48), беше виден како ја бакнува Џенифер Лопез (51) во Малибу во друштво на нејзините деца близнаци и сестра ѝ Линда Лопез. Бен и Џенифер се повторно заедно од април, иако некои медиуми тврдат дека тие ја обновиле романсата уште во февруари.

„Пол и Ана се запознаа преку пријатели. Тој живее во Остин (Тексас), но времето го дели помеѓу Тексас и Санта Моника (Калифорнија). Пол помина многу време со Ана пред да таа да замине од САД за да снима нов филм“, изјави инсајдер за „Пејџ сикс “.

Истиот извор тврди дека Ана веќе се запознала со членовите на семејството на Пол.

Бен Афлек и Ана де Армас се разделија во јануари. Нивната романса почна во текот на снимањето на трилерот „Длабока вода“ во 2020 година.

Попѕвездата Гвен Стефани на раката носи прстен со дијамант лента, што предизвика шпекулации дека таа веќе е мажена за кантри-пејачот Блејк Шелтон.

51-годишната фронтменка на бендот No Doubt беше фотографирана во Лос Анџелес во вторникот, каде што покажа многу интересно парче накит на левиот прст, а некои медиуми за славни личности веднаш коментираа дека ваков накит обично се подарува на невестата.

Ова се случува само неколку дена откако Стефани сподели фотографија на која се чини дека приредува моминска вечер, a во описот на објавата со големи букви напиша: „Таа се мажи“.

Гвен го покажа својот дијамантски прстен облечена во тегет панталони од нејзината линија Anaheim Hillbillies во комбинација со жолта кошула и бели каубојски чизми – најдобра реклама на сопствениот бренд.

Во октомври минатата година Гвен и Блејк решија да се свршат, а со тоа и да ја официјализираат нивната петгодишна врска. Убавата вест ја објавија на „Инстаграм“.