Забава
Џорџ Клуни окрива детали од својата кариера по „Бетмен и Робин“

Џорџ Клуни откри дека тој бил одбегнуван од Холивуд по неуспехот на „Бетмен и Робин“.
Овој 59-годишен актер глумеше заедно со Арнолд Шварценегер, Алисија Силверстоун, Крис О’Донел и Ума Турман во филмот за суперхеројот човек лилјак Бетмен во 1997 година и рече дека овој проект за малку ќе ја уништел неговата филмска кариера, бидејќи холивудските режисери одбивале да работат со него по слабиот резултат на овој филм на кино-благајните.
Филмот зарботи 238 милиони американски долари на меѓународно ниво, со продукциски буџет од 125 милиони американски долари, според Box Office Mojo.
Оскаровецот – кој се појави во ТВ-драмата ЕР од 1994 до 1999 година – за весникот „Сан он сандеј“ изјави дека неговата среќа се сменила кога се здружил со режисерот Стивен Содерберг за да ја снима крими-комедијата Out Of Sight од 1998, во која глуми со Џенифер Лопез.
„Стивен доаѓаше од неколку падови, а јас од ‘Бетмен и Робин’, и на двајцата ни требаше успех“, рече тој. „Нашиот грб беше на ѕид, на некој начин. Во тоа време сè уште бев ангажиран во ТВ-драмата ‘Ер’ и секогаш лебдеше во воздух прашањето дали можете да одите од телевизија на филм. Тоа е голема работа – и јас го губев тој аргумент.“
„Сето тоа успеа, затоа што Стивен го режираше филмот, тој направи добра работа со него“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Кејт и Меланија по свечениот банкет на опуштено дружење во Виндзор

По синоќешниот раскошен државен банкет, принцезата од Велс, Кејт (43), и првата дама на САД, Меланија Трамп (55), утрово се појавија во многу поопуштено издание на дружење со најмладите извидници во градините на Фрогмор во Виндзор.
Двете им се придружија на дваесетина деца на активности во природа – градба на „хотели за инсекти“, игра со лисја и заеднички ручек. Кејт понесе сендвичи со мед од нејзината кошница во Анмер Хол, а Меланија донесе теглички мед од Белата куќа.
Првата дама претходно беше во обиколка на Куќичката за кукли на кралицата Мери и Кралската библиотека, пред да отпатува кон Чекерс, каде ќе се сретне со Доналд Трамп и премиерот Кир Стармер.
Настанот следуваше по државниот банкет во чест на Трампови, кој вчера беше организиран во замокот Виндзор.
Забава
Татко од забава зел детектор за метал, неколку часа подоцна пронашол вистинско богатство

Британец стана локална сензација, откако вторпат во животот зел во раце детектор за метал и пронашол артефакт со непроценлива историска вредност.
Неговата приказна беше објавена на „Редит“, каде што привлече големо внимание, пренесува „Мирор“.
Човекот купил детектор затоа што сакал ново хоби. Прво успеал да пронајде монета од 1904 година, не насетувајќи што уште го очекува.
Додека пребарувал една парцела, слушнал предупредувачки сигнал од уредот и сфатил дека нашол нешто. Наскоро пред него се појавил голем саксонски прстен изработен од злато! На само 50 метри подалеку пронашол и златен украс во форма на глава од гавран.
Британецот веднаш го пријавил откритието, а надлежните го затвориле целиот локалитет. Понатамошните ископувања ги презеле археолозите.
Авторот на објавата на „Редит“ рекол дека вредноста на пронајдениот артефакт ќе се подели помеѓу пронаоѓачот, сопственикот на земјиштето и државата.
„Оваков настан се случува еднаш во животот“, напишал тој.
Приказната предизвика бројни реакции, а еден корисник коментирал: „Тој е првиот човек кој по толку векови ги допрел овие предмети“.
Друг додал: „Археолозите цел живот трагаат, а никогаш не наоѓаат нешто толку драгоцено“.
Стручњаците истакнуваат дека ваквите артефакти значително придонесуваат за разбирањето на минатото. Но, најголемата вредност е нивниот придонес кон историското и културното наследство.
Забава
Герасимовски: Викендов прв Street Food Picnic под отворено небо во Паркот на франкофонијата

Општина Центар информира дека од 19 до 21 септември во Паркот на Франкофонија ќе се одржи првото издание на Street Food Picnic под отворено небо.
Првото издание на Street Food Picnic има за цел да ја збогати културната и забавната понуда на Општина Центар, обединувајќи ја вкусната улична храна, музиката и забавата во едно големо дружење на отворено.
Во рамки на тридневниот фестивал, посетителите ќе имаат можност да уживаат во десет штандови со разновидна улична храна, креативни работилници за деца, посебно катче за милениците Pet corner, социјални игри за дружење и смеа, како и богата музичка програма во текот на целиот ден и вечерна забава, велат од општина Центар.