Забава
Џулија Ормонд го обвини Вајнстин за сексуално вознемирување
![](https://makfax.com.mk/wp-content/uploads/2023/10/Ormond-naslovna.jpg)
Британската актерка Џулија Ормонд го обвини поранешниот холивудски продуцент Харви Вајнстин за сексуално вознемирување, пренесува Си-ен-ен.
Британката (58) во тужбата тврди дека продуцентот ја нападнал во 1995 година.
Тие наводно требало да одат на деловна вечера, но Харви рекол дека ќе зборува за извесен проект само доколку го покани во станот што ѝ го обезбедила филмската компанија „Мирамакс“. Џулија се согласила на тоа, а по пристигнувањето во станот, тврди таа, Харви се соблекол и ја принудил на орален секс.
Ормонд тврди дека по нападот им кажала на своите агенти Кевин Хуван и Брајан Лорд, кои наводно ѝ рекле да не кажува ништо јавно. Таа на крајот ја тужеше агенцијата „Креатив артист“, а потоа и филмските компании „Мирамакс“ и „Волт Дизни“ за небрежност. Тврди дека „Мирамакс“ ѝ го раскинал договорот набргу потоа. Вработените во агенцијата и во „Мирамакс“ и во „Дизни“ знаеле што направил Вајнстин.
Претставникот на Вајнстин во изјава за Си-ен-ен рече дека продуцентот ги негира сите наводи и е подготвен да се брани.
Озлогласениот Вајнстин, инаку коосновач на продуцентската куќа „Мирамакс“, во моментот веќе издржува 23-годишна затворска казна изречена во Њујорк. Над осумдесет жени, вклучително и актерки, го обвинија за сексуално вознемирување. На крајот на февруари тој доби уште 16 години затвор поради силување актерка во 2013 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Хороскопски знаци што не избираат зборови кога се расправаат
![](https://makfax.com.mk/wp-content/uploads/2024/07/lutina.jpg)
Зборовите можат да бидат сурово оружје, а луѓето родени под овие хороскопски знаци намерно ќе ги повредат другите за да се одбранат или да ја покажат својата супериорност.
Шкорпија
Кога Шкорпиите се лутат, нивната способност да ги користат зборовите како оружје станува застрашувачка. Не само што ќе го кажат тоа што го мислат, туку ќе го кажат на начин што ќе ве погоди право во срце. Кога се чувствуваат повредени или изневерени, нивната потреба за одмазда може да ги наведе да користат зборови кои најмногу ќе повредат.
Тие се мајстори за сарказам и иронија, а нивната способност да ги користат овие алатки во расправии ги прави исклучително остри и навредливи. Кога се чувствуваат нападнати, нивната природна реакција е да се бранат со напад. Тие можат брзо да ги идентификуваат слабостите на другите луѓе и да ги користат против нив, што ги прави многу опасни во вербалните препукувања.
Овен
Овните се карактеризираат со бестрашна природа и непоколеблива решителност. Кога ќе се налутат, нивниот огнен темперамент и склоност кон брзо дејствување може да ги наведат да кажуваат работи без да размислуваат за последиците. Тие ќе кажат што мислат, без разлика колку нивните зборови можат да ги повредат другите.
Тие се познати по нивната импулсивност. Реагираат брзо и често без размислување, што може да резултира со груби и навредливи зборови. Тие не сакаат да губат; кога се чувствуваат загрозени или нападнати, нивната реакција е да возвратат со сите средства, вклучително и вербални напади. Исто така, Овните се многу искрени. Тие веруваат дека е подобро да се каже вистината, колку и да е болна, отколку да се задржуваат чувствата. Нивната искреност може да биде груба и навредлива за другите.
Близнаци
Кога Близнаците се лути, тие намерно ги користат зборовите како најсилно оружје. Можат да бидат многу груби со своите зборови кон другите, често без значење, но со голем ефект. Тие се многу паметни и можат да излезат со навредливи коментари за миг. Нивната способност за брзо реагирање ги прави многу опасни во вербалните препукувања.
Тие се мајстори за двосмисленост и можат да ги користат зборовите на начин што има повеќекратни значења. Понекогаш нема ни да знаете дека нивните навреди се маскирани како шеги.
Забава
Анџелина Џоли не се согласува со татка си за Палестинците: „Таа е под влијание на антисемитисти“
![](https://makfax.com.mk/wp-content/uploads/2024/07/dzoli-tatko.jpg)
Во новото интервју американскиот актер Џон Војт ја нападна својата ќерка Анџелина Џоли, која постојано му изразува поддршка на народот на Палестина.
„Таа е изложена на пропаганда. Таа е под влијание на антисемитистите“, изјави тој за списанието „Варајати“. Тој понатаму тврди дека вистинските информации не ѝ се достапни бидејќи луѓето во Холивуд не зборуваат за тоа.
„Тие се целосно исклучени. Тие немаат поим што се случува“, рече тој.
Изјави и дека ја сака ќерка си и не сака да се расправа со неа.
„Таа беше под влијание на ОН. Од почетокот тоа беше ужасна ситуација кога станува збор за човековите права. Тие тоа го нарекуваат човекови права, но тоа е само антиизраелско плукање“, рече тој.
Изрази разочараност што ќерка му, како што рече, не разбира дека целта на Хамас е уништување на земјата на Евреите.
Анџелина минатата година на „Инстаграм“ изјави дека терористичкиот напад на Хамас врз Израел не може да биде оправдување за изгубените животи во бомбардирањето на цивилите во Газа.
„Ова е целно бомбардирање на заробено население, кое нема каде да избега. Газа е затвор на отворено речиси две децении и бргу станува масовна гробница, а 40 отсто од убиените се деца“, напиша таа.
Забава
Актерката Ања Тејлор-Џој е најубавата жена на светот според златниот пресек
![](https://makfax.com.mk/wp-content/uploads/2024/07/anja-tejlor-2.jpg)
Новото истражување покажа дека американската актерка Ања Тејлор-Џој е најубавата жена на светот според златниот пресек.
Нејзината убавина била проценета со помош на античкиот грчки метод за сметање наречен златен пресек.
Сметањето го одредува физичкото совршенство на една личност. Колку лицето е поблиску до соодносот 1:1, 618, толку личноста е посовршена.
Нејзините очи, веѓи, носот, усните, вилицата и обликот на лицето се измерени и се најблиску до идејата на старите Грци за жена со совршен изглед. Последното испитување го направи хирургот Џулијан де Силва.
Ања го зазеде првото место со резултат од 94,66 проценти. На листата се најдоа и Зендаја (94,37 отсто), Бела Хадид (94,35 отсто), Маргот Роби (93,43 отсто).
„Ања Тејлор-Џој беше јасен победник откога беа измерени сите делови на лицето за да се утврди физичкото совршенство“, рече Де Силва.
Ања е родена 1996 година. Почна да глуми во 2013. Светската слава ја стекна благодарение на серијата на „Нетфликс“, The Queen’s Gambit. Таа глуми и во филмовите Furiosa: A Mad Max Saga, The Super Mario Bros. Movie, како и серијата Peaky Blinders.