Забава
Агресивен крокодил им го расипа одморот на туристите на популарните тајландски плажи

Потрага по агресивен крокодил што ги тероризира туристите во Пукет предизвика вознемиреност ширум Тајланд.
Имено, на популарната тајландска плажа Наи Харн е забрането влегување во вода сè додека властите не го фатат крокодилот кој досега бил забележан на неколку различни плажи, но последните денови се стационирал токму тука.
Пред неколку дена агресивното животно било забележано на плажата Раваи, а во петокот на плажата Наи Харн.
„Сè уште не знаеме од каде се појави. Малку фалеше да го фатиме на плажата Карон, но успеа да ни побегне иако бевме на само неколку метри од него“, изјави Таве Тонгча, градоначалник на Карон, област на западниот брег од островот Пукет. Тој воедно додаде дека забраната за пливачите ќе биде на сила сè додека крокодилот не биде фатен.
Оние што го виделе велат дека е долг околу еден метар, а морскиот биолог Тон Тамронгнавасават изјавил дека очигледно станува збор за хибридна верзија на крокодил кој живее во солена вода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Дуа Липа покажа како се носи малиот црн фустан

Традиционалната Недела на модата во Париз сè уште трае, а познатите личности и нивните интересни модни изданија пристигнуваат. На ред е Дуа Липа, која одлучи да носи креација од пердуви на големиот моден настан.
Иако оваа комбинација доби комплименти, другата комбинација на Липа го привлече вниманието на жените кои сакаат лежерен стил и ненаметливи детали.
Пејачката беше фотографирана пред луксузниот хотел „Костес“. За дневната пригода, таа носеше минималистички фустан кој ја истакнуваше нејзината завидна фигура.
Станува збор за класичен црн фустан кој зрачи со едноставност и високи чизми од брендот „Chrome Hearts“ кои ги истакнуваат витките нозе.
Својот стил го комплетираше со чанта од Шанел и шминка во „nude“ тонови. Косата ја стилизираше на наједноставен начин – се одлучи за меки бранови.
Забава
(Фото) Мртва трка меѓу Кејт Мидлтон и Брижит Макрон: не се знае која е подобро облечена

Емануел Макрон, претседателот на Франција, и неговата сопруга Брижит Макрон пристигнаа во тридневна официјална посета на Обединетото Кралство. Тие беа пречекани во Лондон од кралот Чарлс и кралицата Камила, како и од принцот Вилијам и принцезата Кејт Мидлтон.
Првата дама на Франција и принцезата од Велс привлекоа внимание со своите комбинации за оваа посебна пригода. Кога зборуваме за стајлингот на Брижит Макрон, мора да нагласиме дека тој се карактеризира со едноставност и елеганција.
Така беше и овој пат, кога одлучи да облече бел фустан со златни детали што ги следеа контурите на нејзиното тело. Својот стајлинг го надополни со беж чевли и рачно изработена чанта украсена со цветни мотиви.
Што се однесува до Кејт Мидлтон, таа се одлучи за комбинација во пудра розова боја, која се состои од струкирано сако и здолниште од тил.
Интересно е што нејзината облека е дизајнирана од француската модна куќа „Диор“, со која принцезата од Велс сакаше да им оддаде почит на своите гости.
Таа го надополни својот аутфит со високи потпетици од брендот „Gianvitto Rossi“ и шапка. Бисерна огрлица и обетки го надополнија нежниот изглед.
Забава
(Фото) Го облече најмодерниот костим за капење и ги „урна“ мрежите

Сезоната на костими за капење започна, а ако сè уште ви недостасува вистинскиот модел, обидете се да најдете инспирација од секогаш совршената Нина Бадриќ.
Познатата пејачка Нина Бадриќ отсекогаш важела за една од најелегантните дами на регионалната јавна сцена.
Со својата софистицираност, таа секогаш знае како да привлече внимание, а не е тајна дека често е инспирација кога станува збор за вечерни и секојдневни комбинации. Неодамна го прослави својот 53-ти роденден, а ги информираше своите следбеници за сè на мрежите.
Овој пат, убавата Нина нè воодушеви со едноделен костим за капење, кој е прилагоден за да одговара на секоја фигура, а поточно, пејачката го носи овој црн едноделен костим со години, па јасно е колку е добар.
Иако црната не е примарна боја што ја избираме за лето, кога станува збор за костими за капење, може да биде прилично добар избор. Моделот на Нина совршено ја издолжува фигурата и ги крие сите недостатоци, доколку ги имате, а кога ќе се исончате, сè ќе изгледа многу подобро.
Друга добра работа е што можете да го најдете овој модел буквално насекаде, без да „фрлите“ огромна сума пари, и ќе изгледате како да сте дошле директно од Холивуд.