Мај е месец кој носи многу нови почетоци и свежи можности на секој чекор. Додека потоплите денови носат оптимизам, ѕвездите подготвуваат и особено поволен период за некои хороскопски знаци.

Подолу, откриваме кои хороскопски знаци ќе имаат најголема среќа во текот на мај – во бизнисот, љубовта и личниот живот.

Бик
За Бикот, мај ќе биде вистински период на личен процут. На работа ќе им се отворат нови можности за напредување, додека во приватниот живот ќе доживеат хармонични односи и чувство на длабоко задоволство.

Финансиските добивки и посебното признание нема да недостасуваат, а многу Бикови ќе се чувствуваат постабилно и посигурно од кога било.

Близнаци
Влегувајќи во втората половина од месецот, Близнаците ќе почувствуваат наплив на енергија и инспирација. Нивната комуникација ќе биде исклучително силна, што ќе им помогне да склучат нови пријателства, деловни познанства и потенцијални љубовни врски.

Мај ќе им донесе и неколку среќни случајности – како што се изненадувачки понуди, неочекувани патувања или наоѓање решенија за стари проблеми. Чувството на леснотија и весел дух ќе бидат нивниот најголем сојузник.

Рак
Раковите ќе доживеат позитивни промени на емоционално ниво во мај. Нивната интуиција ќе биде особено изразена, овозможувајќи им да донесат правилни одлуки во вистинско време.

Во љубовта ги очекуваат моменти на топлина и разбирање, а семејните односи дополнително ќе се зајакнат. На финансиски план, можни се помали, но значајни победи, кои ќе им го разубават секојдневниот живот и ќе им дадат поттик за идните планови.

Вага
За Вагите, мај носи долгоочекувана рамнотежа помеѓу работата и личниот живот. Нивните напори во изминатите месеци конечно ќе бидат препознаени, а многу Ваги ќе уживаат во заслужени награди и признанија.

Љубовните врски ќе цветаат, а слободните би можеле да сретнат личност која ќе внесе свежина и возбуда во нивните животи. Што и да започне Вагата во мај, ќе има добра основа за долгорочен успех.

Тиктокерката Пат М., 31-годишна милениумка од Чикаго, предизвика многу дискусии на социјалната мрежа кога ја сподели причината зошто одлучила да остане сама.

И додека на социјалните мрежи често се романтизира идејата дека некој треба да биде во врска до триесеттите години, Пет, која работи во корпоративниот сектор, решила да се фокусира на себе. Нејзината објава од 22 јануари, во која таа појасни дека нејзината одлука нема никаква врска со пребирливоста, туку со промена на фокусот од нејзиниот љубовен живот кон личен развој, досега е прегледана повеќе од 721.000 пати и „лајкувана“ повеќе од 103.000 пати.

На видеото Пет седи во автомобил и искрено зборува пред камерата за неодамнешниот разговор со татко ѝ (63), кој ја прашал дали станува препребирлива во љубовта со годините.

@patoxplomo Being single is not a problem 🫶🏽 it’s a gift right now #fyp #fypage #fypシ #foryoupage #relatable #dating #single #relationship ♬ growth – Gede Yudis

„Имам 31 година и решив да останам сама засега. Имам стандарди, а тие не се високи. Не барам ништо од маж што не можам сама да си го обезбедам“, објаснила таа.

Нејзиното видео силно одекна, особено меѓу жените, бидејќи Пат нагласила колку вложила во сопствениот емотивен развој преку психотерапија и едукација и дека очекува тоа да го направи и потенцијалниот партнер.

„Со години се образовав, градев кариера и се развивав, а сето тоа во свет во кој како жена на почетокот сум во неповолна положба. Ако вие како маж веќе почнувате со предност, тогаш нема оправдување зошто не можете барем да бидете на исто ниво како мене“, вели таа.

Коментарите бргу почнаа да се појавуваат, при што многу жени споделуваа свои искуства и поддршка.

„Познавам успешни жени во четириесеттите, кои сè уште го кажуваат истото тоа“, „Бев сама речиси цела триесетта! Од 30 до 38. Сродната душа ја запознав на 38, се оженив на 39 и добив дете една недела откога наполнив 41 година. Не задоволувај се со помалку! Знај си ја вредноста!“, ѝ напишаа.

„Жените растат на прекрасни начини и јас сум среќна што сум дел од тоа“, заклучи Пат.

Британскиот принц Вилијам и неговата сопруга Кејт денеска патуваат во Шкотска, каде што ќе ја прослават 14-годишнината од бракот и ќе го направат најзначајното заедно патување оваа година.

Престолонаследникот Вилијам се ожени со Кејт Мидлтон на 29 април 2011 година во Вестминстерската опатија на церемонија што ја следеа милиони луѓе од целиот свет.

Тие се запознале десет години порано кога и двајцата биле студенти на Универзитетот „Сент Ендрјус“ на источниот брег на Шкотска.

Принцот и принцезата од Велс се враќаат во Шкотска како дел од официјалната дводневна посета на островите Мул и Јона, кои се дел од архипелагот Хебрид во близина на западниот брег.

Тие ќе ги посетат пазарот, производителите на храна и центрите на заедницата на островите со цел да се запознаат со важноста од зачувување на природната средина, соопшти нивниот кабинет.

По службените обврски, годишнината ќе ја поминат во мала изолирана куќа на островот Мал, позната по драматичните и прекрасни пејзажи, објавија британските медиуми.

Патувањето е ретко заедничко појавување на парот откога Кејт почна со превентивна хемотерапија за ракот, кој сега е во ремисија.

„Шкотска ми е неверојатно важна и секогаш ќе има посебно место во моето срце“, изјави Вилијам, кој ја носи титулата господар на шкотските острови.