Забава
Амал и Џорџ Клуни ги восхитија присутните на свеченост во Лос Анџелес
Џулија Робертс, која долго време беше една од најплатените холивудските ѕвезди, ја доби наградата за икона на Музејот на Академијата за филмски уметности, на втората годишна гала што се одржа во Лос Анџелес во саботата.
Минатогодишната гала успеа да собере неверојатни 11 милиони долари за Музејот, според „Холивуд репортер“.
Амал и Џорџ Клуни се појавија на галата во знак на поддршка на нивната драга пријателка Робертс и ги засенија сите ѕвезди на настанот.
Џорџ, кој шестпати глумеше заедно со Робертс во текот на нивните славни кариери, и неговата елегантна сопруга Амал Клуни беа највпечатливи меѓу гостите на настанот.
Џорџ и Амал, кои минатиот месец ја прославија осмата годишнина од бракот, позираа за восхитените фотографи, кои не можеа да се наситат од прекрасната двојка.
Амал, 44-годишна адвокатка за меѓународно право и човекови права, е слика на елеганција во двобоен фустан во свежа лимета-боја, креација на Del Core, а Џорџ избра класичен црн костум.

Имајќи предвид дека Џорџ и Џулија заедно глумеа во шест филма од 2001 година наваму, сосема е логично што Клуниеви дојдоа лично да гледаат како Робертс ја прима наградата, коментираат таблоидите, кои главно се задржаа на гламурозниот изглед на парот.
Славната двојка со насмевка позира пред камерите
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Нов пресврт во правната сага меѓу Блејк Лајвли и Џастин Балдони: нејзината тужба останува, неговата падна
Правната битка меѓу ѕвездите од „Тоа завршува со нас“ има нов епилог. Актерот и режисер Џастин Балдони ја повлече својата контратужба за клевета од 400 милиони долари против колешката Блејк Лајвли откако го пропушти клучниот рок за повторно поднесување.
Според Ролинг Стоун, федерален судија официјално ја заврши тужбата на Балдони. Неговиот случај првично беше отфрлен во јуни, но му беше дадена можност да ја измени и повторно да ја поднесе. Сепак, судијата Луис Лиман, кој го надгледува случајот, забележа дека Балдони и неговата компанија, „Вејфарер студиос“, не успеаја да го исполнат рокот од 17 октомври или да одговорат на судската наредба.
Додека случајот на Балдони против Лајвли сега е затворен, нејзината тужба против него за сексуално вознемирување и одмазда е сè уште активна и во тек. Балдони ја поднесе својата тужба како одговор на нејзините обвинувања.
Забава
Тамара Глоба предвидува блескав ноември за четири хороскопски знаци
Познатиот руски астролог Тамара Глоба предвидува дека ноември ќе донесе среќа и нов почеток за четири хороскопски знаци – Близнаци, Рак, Вага и Водолија.
Глоба најавува „крај на еден вознемирувачки период и почеток на посветла етапа“, со големи промени и нови можности.
Близнаци – ќе почувствуваат налет на креативна енергија, хармонија во љубовта и финансиска стабилност, но со потреба од внимателност во приватниот живот.
Рак – ќе уживаат во професионален напредок и профитабилни можности; крајот на месецот ќе бара повеќе внимание кон семејството.
Ваги – ги очекуваат нови средби, деловни понуди и лични промени; успехот ќе ги следи ако носат промислени одлуки.
Водолии – ќе имаат поддршка од блиските и пријателите, а во деловниот сегмент ќе им се отворат нови извори на приход.
Според Глоба, ноември ќе биде период на нови можности, финансиска стабилност и личен раст, но ќе бара мудрост и внимателност во одлуките.
Забава
Мајка ѝ е кралица нa „Ноќта на вештерките“, но и Лени Клум воодушеви со својот костим
На годинешната забава на Хајди Клум за „Ноќта на вештерките“ во Њујорк, во центарот на вниманието беше нејзината ќерка Лени Клум, која со креативниот костим го привлече вниманието на сите.
Дваесет и едногодишната манекенка се претстави како ликот Камил Крим од детската книга „Необичниот случај со пругите“. и го обои целото тело во шарени пруги – еден од највпечатливите костими на вечерта.
Хајди Клум се појави како Медуза, нејзиниот сопруг Том Каулиц како сребрен витез, а неговиот брат близнак Бил Каулиц како Сејлор Мун. На забавата присуствуваа и останатите деца на Клум од бракот со Сил.

