Забава
Ангелот на „Викторија“ има коронавирус, мислела дека има труење од храна
Англиската манекенка Алексина Грахам (30), која минатата година почна да работи за познатиот бренд „Викторија сикрет“, објави на „Инстаграм“ дека е заразена со коронавирус и ги предупреди сите други да внимаваат бидејќи вирусот е многу опасен.
Убавицата истакна дека симптомите биле многу тешки и дека на крајот била хоспитализирана. Таа сподели фотографија од болничкиот кревет со маска на лицето, а потоа ги опиша симптомите што ги чувствувала.
„Повраќав неколкупати на ден. Исто така, се појави и висока температура, а низ телото постојано нешто како да ме печеше. Не можев да изговорам целосна реченица или да дишам нормално. Белите дробови не ми дозволуваа, а грлото ми беше затворено, градите ми беа затегнати“, раскажа Алексина.
„Не можев да влезам или да излезам од кадата самостојно. Исто така, ми требаше помош да станам од креветот. Не можев да јадам нормално затоа што тоа ми претставуваше болка“, додаде таа.
Манекенката ги повика сите да останат во изолација и да не ги напуштаат своите домови.
„Ве молам, сфатете го ова сериозно. Ве молим, останете дома сами или со некој со кого живеете. Ова е страшно“, се жалеше познатата манекенка.
Таа исто така со емотивна фотографија и порака ѝ се заблагодарила на помладата сестра, која цело време се грижела за неа сè додека не била префрлена во болница.
Британски научници открија уште еден симптом на коронавирусот
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Брејк објави нова песна „Една во милион“
Музичарот Дарко Гелев‑Брејк објави нова песна „Една во милион“.
Новиот сингл доби и видео спот. Ова музичко дело е плод на наши познати лица од музиката.
Музиката е на Никола Перевски Пере од „Нокаут“, аранжманот на Дарко Димитров, текстот е на Игор Џамбазов, а миксот и мастерингот на Дарко Димитров.
Забава
Бритни Спирс ги продаде правата за сите нејзини хитови
Бритни Спирс ги продаде правата за целиот свој музички каталог, профитирајќи од наследството што го изгради со хитовите како Baby One More Time и Toxic. Според правните документи, каталогот е продаден на издавачката куќа Primary Wave, и иако износот не е откриен, медиумските извори го опишуваат како историски договор споредлив со продажбата на каталогот на Џастин Бибер за околу 200 милиони евра.
Според документите, 44-годишната пејачка го потпишала договорот на 30 декември. Извори блиски до Спирс велат дека таа е задоволна од одлуката и слави поминувајќи време со своите деца, синовите Шон (18) и Џејден (17), кои ги има со поранешниот сопруг Кевин Федерлајн.
Со овој потег, Спирс се придружува на голем број музички ѕвезди кои профитираа од своите каталози во последните години. Меѓу нив се Џастин Бибер, Брус Спрингстин, Боб Дилан, Шакира, Стинг и Фил Колинс.
Каталогот на Бритни Спирс се смета за еден од највредните во модерната поп музика. Нејзината кариера започна во 1999 година со нејзиниот деби албум Baby One More Time, кој се продаде во повеќе од 10 милиони примероци и помина две недели на врвот на табелата Billboard Hot 100.
За време на нејзината кариера, таа постигна 11 синглови број еден, повеќе од 30 песни во топ 10 и издаде девет студиски албуми. Вкупната продажба на нејзините албуми надминува 100 милиони примероци низ целиот свет.
Хитови како „Toxic“, „Oops!… I Did It Again“, „Gimme More“ и „Womanizer“ ѝ донесоа бројни номинации за Греми, МТВ и Билборд награди. Нејзината музика продолжува да генерира огромни приходи од услугите за стриминг, радио емитување, како и употреба во филмови, реклами и на платформи како TikTok.
Забава
(Видео) Најубавата жена на светот е номинирана и за најдобра актерка: Сите зборуваат за нејзиниот стил
Ема Стоун, која ја носи титулата најубава жена на светот, блесна на 98-та гала вечера на номинираните за Оскари. Самиот настан се одржува пред Оскарите и ги собира сите номинирани ѕвезди за таа година во хотелот Беверли Хилтон.
Ема, која беше номинирана за најдобра актерка во филмот „Бугонија“, беше таа што ги привлече сите погледи со необична, но привлечна комбинација. Таа носеше смокинг фустан кој комбинира класичен стил и гламур, и не завршува тука. Црната креација е исто така украсена со доза на сексапил бидејќи има длабоко деколте и мини крој.
Покрај тоа, цветниот детаљ беше забележлив – централниот мотив кој го нагласуваше тоа многу длабоко деколте. За да го комплетира стајлингот, таа се одлучи за отворени потпетици.
Што се однесува до шминката, таа носеше нежни, земјени тонови и едвај забележливи додатоци – ситни обетки.

