Забава
Анџелина Џоли: Само моите деца знаат која сум всушност јас

Таа е јавна личност со децении и глумеше во повеќе популарни филмови.
Сепак, во интервју за „Екстра“, Анџелина Џоли вели дека само нејзините деца го знаат нејзиното вистинско јас.
45-годишната актерка се отвори за тоа какви се очекувањата на луѓето од неа додека зборуваше за новиот анимиран филм „Еден и единствен Иван“, адаптација на најпродаваната, наградувана книга за еден необичен горила, во режија на Теа Шарок.
„Еден и единствен Иван“ – комбинација на авантура и специјални ефекти – е приказна за убавината на пријателството, силата на визуализацијата и значењето на местото што го нарекуваме дом. Филмот е базиран на детскиот бестселер на Кетрин Еплгејт.
Анџелина Џоли го продуцира филмот и го позајмува гласот за слоницата Стела, која му помага на сребрениот горила Иван да направи план за да избега од заробеништво во „Биг топ-мол“. Филмот почна да се прикажува на стриминг- платформата „Дизни плус“ во четвртокот.
Анџелина била заинтересирана за приказната откога ќерка ѝ Шилох (14) прва ја прочитала.
„Шилох ја прочита книгата и потоа почнавме да ја читаме заедно и да разговаравме за Иван и зошто е толку посебен“, објасни таа во интервјуто.
Анџелина говореше и за моралот на филмот за кој нејзиниот колега Бруклин Принс неодамна рече дека филмот ја потенцира важноста на одржување на ветувањата.
„Јас сум таа што сум и не знам како да бидам нешто друго… но, ако ме прашате: Дали луѓето вистински ме познаваат која сум? Мислам дека само моите деца би можеле да објаснат која сум навистина“, рече таа.
Правна битка: Нејзините коментари доаѓаат во услови на предолга бракоразводна сага и нејзиното ново барање приватниот судија да се повлече од работните обврски кон еден од адвокатите на поранешниот сопруг Бред Пит.
Актерката неодамна побара судијата Џон Одеркирк да биде изземен од случајот затоа што не кажал дека во исто време бил ангажиран и од адвокатката на Бред.
Анџелина и Бред почнаа врска во 2005 година, се венчаа во 2014 година, а се разделија само две години подоцна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Откриена причината за смртта на Халк Хоган

Page Six ексклузивно ја откри официјалната причина за смртта на Халк Хоган.
Легендарниот професионален борач починал од акутен миокарден инфаркт, познат и како срцев удар. Документите, исто така, открија дека Хоган тајно се борел со леукемија, состојба која досега не била јавно позната.
Според Канцеларијата на медицинскиот испитувач на округот Пинелас, срцевиот удар бил предизвикан од ненадејно блокирање на протокот на крв во срцевиот мускул, што предизвикало оштетување на ткивото. Во документот, објавен од Page Six, исто така се наведува дека Хоган имал историја на атријална фибрилација (AFib), состојба која се карактеризира со неправилно и брзо отчукување на срцето.
Најголемото изненадување во извештајот на медицинскиот испитувач беше информацијата дека поранешната суперѕвезда на WWE, роден како Тери Болеа, страдал од хронична лимфоцитна леукемија (CLL) – вид на рак кој ги зафаќа белите крвни зрнца. Неговата смрт беше прогласена за природна смрт.
Халк Хоган доживеа срцев удар во својот дом во Клирвотер, Флорида, на 24 јули. Тој беше итно префрлен во болницата Мортон Плант, каде што беше прогласен за мртов. Почина на 72-годишна возраст.
Забава
Мухамед е најпопуларното име за момчиња во Англија, втора година по ред

Објавени се најпопуларните имиња за бебиња родени во Англија и Велс во 2024 година, при што Мухамед е најпопуларното машко име втора година по ред, додека Ноа и Оливер го зазедоа второто и третото место, исто како и во 2023 година.
Според Би-Би-Си, Оливија и Амелија ги зазедоа првите две места за девојчиња трета година по ред, додека Исла падна од третото место и беше заменета со Лили.
Листата ја објави Канцеларијата за национална статистика (ONS), која ја составува листата врз основа на податоци од матичните книги на родени.
Новите имиња што влегоа во првите 100 за девојчиња се Елоиз, Нора, Мила, Роза, Атена, Сара и Зои. Новите имиња за момчиња се Остин, Натан, Вини и Јахја.
Мухамед го задржа првото место како најпопуларно машко име, со 5.721 бебиња што го добија ова име. Ова име е најпопуларно во пет од деветте региони на Англија.
Други варијации на името, исто така, се најдоа на листата: Мохамед се најде на 21-во место со 1.760 момчиња, а Мохамад на 53-то место со 986.
Забава
Ќерката на Мајкл Џексон откри дека ја раскинала свршувачката со познатиот актер: „Ова се солзи на раскин“

Парис Џексон, 27-годишната ќерка на легендарниот крал на поп-музиката, Мајкл Џексон, и американскиот актер Џастин Лонг ја раскинале свршувачката по три години врска.
Веста ја сподели самата Парис на социјалната мрежа „Икс“, каде што напиша: „Ова се солзи на раскин. Повторно сите се провлекувате“.
Инаку, пејачката во декември преку „Инстаграм“ ја објави свршувачката со Лонг, но објавата подоцна беше избришана. Во јуни, во интервју за „Аксес Холивуд“, изјави дека подготовките за свадбата се во полн ек.
„Фустанот е во изработка, местото е избрано, а датумот го одреди астролог – затоа што сум од Лос Анџелес“, рече таа.
Да потсетиме, Парис пред неколку дена беше снимена како расплакана шета сама на улиците на Малибу.
Исто така, минатиот месец беше критикувана бидејќи настапила на концерт закажан токму на денот на годишнината од смртта на татко ѝ. Во обраќање на социјалните мрежи објасни дека таа нема влијание врз распоредот на турнејата бидејќи не е главна изведувачка.
„Тоа што настапувам на тој ден не значи дека сум заборавила. Никој не треба да ми кажува како да тагувам“, порача таа тогаш.