Забава
Бил Гејтс: Триесет милиони луѓе може да умрат во неколку месеци ако не дејствуваме навреме

Бил Гејтс издаде сериозно предупредување за смртоносна болест која би можела да убие повеќе од 30 милиони луѓе за само неколку месеци. Имено, основачот на „Мајкрософт“ верува дека смртоносна епидемија на грип би можела да ја погоди нашата планета и дека човештвото треба да биде подготвено за вакво сценарио, исто како што големите сили се подготвуваат за војни.
Милијардерот и филантроп рече дека постои голема веројатност за појава на смртоносна модерна пандемија што би можела да го погоди светот во текот на животниот век на оваа генерација, пишува „Гизмодо“.
Ова апокалиптично предупредување Гејтс го изнесе во петокот на научен собир во Масачусетс. Иако и порано зборувал на темата, Гејтс во оваа пригода внел многу сигурност во неговите зборови.
„Кажете им на светските лидери дека се гради оружје што може да убие 30 милиони луѓе – веднаш ќе има реакции и подготовки против таквата можна закана, но во случај кога станува збор за биолошка закана, изостанува енергична реакција“, рече од најбогатите луѓе во светот.
Забележувајќи дека тој е обично оптимист, Гејтс наведе дека постои една област во која светот не прави доволно за да постигне напредок, а тоа, според него, е подготвеноста за епидемии.
„Потребна е подобра комуникација меѓу воените и владините организации во потрагата по одговори. Владите во светот треба да можат бргу да му помогнат на приватниот сектор да развие технологија и алатки против смртоносните болести“, додаде познатиот бизнисмен.
Во обид да го направи светот свесен за заканите за кои често зборува, Гејтс се состана со Доналд Трамп во март. Тој се обиде да го убеди претседателот да се откаже од својот план за независна истрага за безбедноста на вакцините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Сабрина Карпентер носи само чорапи на насловната страница на „Ролинг Стоун“

Сабрина Карпентер (26) се појави на насловната страница на списанието „Ролинг Стоун“ облечена само во чорапи високи до бутовите и долги платинести екстензии кои ги покриваа нејзините гради и задник.
Пејачката позираше облечена во бели чипкани хулахопки, додека нејзиното тело беше покриено со бујна коса.
Во остатокот од едиторијалот, Сабрина носи мрежести хулахопки со бел цветен корсет, сина карирана наметка со соодветна долна облека, жолт фустан со длабок шлиц и неколку други впечатливи комбинации.
Таа позираше во цветна ливада и беше фотографирана од познатиот фотограф Дејвид Лашапел.
Забава
Кендал Џенер ги воодушеви обожавателите со фотографии во бикини од одмор во пустина

Кендал Џенер, 29, уживаше во одмор во пустина, облечена во црно бикини со тенки прерамки, шапка и опуштена атмосфера под сонцето. На фотографиите, таа позира покрај базенот и ужива во погледот.
На едната снимка, таа се наведнува низ прозорецот на автомобилот додека вози низ пустинскиот пејзаж, а на другата е во бикини. Таа едноставно напиша: „Месечина од јагода“ покрај објавата, која има речиси два милиони лајкови.
Нејзиното појавување предизвика возбуда на социјалните мрежи, а меѓу коментаторите се издвои нејзината сестра Клое Кардашијан, која напиша: „Секако дека си вака совршена и прекрасна“.
Забава
Единственото место каде што вашата орхидеја нема да венее

Орхидеите се меѓу најубавите растенија, но тие исто така бараат многу услови за одржување. Покрај соодветната грижа, важно е да се знае дека тие ќе напредуваат само на едно место во домот.
Сите се восхитуваме на божествените орхидеи кога ги гледаме во полн цут, бидејќи тие навистина го разубавуваат сечиј дом со своите интересни цветови и силни бои.
Но, на многу луѓе им е тешко да го пронајдат вистинското место во својот дом каде што орхидеите ќе напредуваат. Иако орхидеите се тропски цвеќиња, тие можат да напредуваат во различни услови. Тие се софистицирани и убави, а всушност, со вистинските чекори, тие се многу прилагодливи.
Како да го пронајдете вистинското место за орхидеи во вашиот дом?
На орхидеите им е потребна дневна светлина, но не и директна сончева светлина. Затоа, треба да ги чувате на прозорец или многу блиску до прозорец. Сепак, прозорците свртени кон југ и исток се најдобри за орхидеи. Оние на западната страна се на силно попладневно сонце, додека оние свртени кон север обично се премногу темни.
Проѕирната завеса ќе фрли лесна сенка, па затоа е добро да ја имате како штит од директна сончева светлина. Сонцето може да ги изгори листовите и цветовите на орхидејата, па затоа најдобро решение е да имате нешто како завеса за да го спречите ова. Листовите не треба да го допираат стаклото.
Бојата на листовите покажува дали е на вистинското место
Ако орхидејата има темнозелени листови, тогаш треба да ја поместите малку подалеку од прозорецот и да ја промените нејзината локација.
Ако листовите се малку посветли, тоа значи дека успева да апсорбира доволно светлина, па затоа најверојатно ќе цвета побрзо, како што советува „Aos.org“.