Забава
Бијонсе ја изостави Лизо во стиховите по бомбастичната тужба

Бијонсе не ја спомнува Лизо во својата песна Break My Soul откако тројца поранешни танчарки на раперката поведоа тужба против неа.
Поп-дивата (41) ја отпеа Break My Soul (ремикс на Квинс) во Фоксборо, Масачусетс, без да ја спомене Лизо, која се соочува со голем скандал, повторувајќи го името на Ерика Баду наместо нејзиното.
Првично, текстот на песната беше: „Розета Тарпе, Сантиголд (Вог), Беси Смит, Нина Симон (Вог), Бети Дејвис, Соланж Ноулс, Баду, Лизо, Кели Роул „знаеш дека можеш да го направиш тоа“ (You know you can do it).
Во видеото на „Твитер“, кое го сними фан, Бијонсе пее: „Бети Дејвис, Соланж Ноулс. Баду, Баду, Баду, Баду“.
Фановите веднаш ја забележаа промената, многумина ја пофалија, а други бараа Лизо да не биде изоставена.
Лизо е цел на повеќе тврдења за наводно малтретирање на своите вработени откако три нејзини поранешни танчарки поднесена тужба против неа.
Во тужбата, поднесена во вторникот (1 август), триото танчарки тврди дека ги подложила на голем срам со своето ужасно и понижуваччко однесување. Тие тврдат дека ги принудувала да јадат банани што вират од вагината на сексуални работнички во текот на патување во Амстердам.
Повеќемина од поранешните вработени на рперката потоа се огласија во прилог на тужбата против Лизо.
Неколку часа откако трите танчараки се појавија со обвинувањата, нејзината поранешна креативна директорка Квин Витни Вилсон и танчарката Кортни Холинквест тврдеа дека доживеале сличен третман.
Кортни на својот „Инстаграм“ во вторникот напиша: „За појаснување, јас не сум дел од тужбата – но, ова беше и мое искуство додека работев таму“.
„Голема пофалба за танчарките што имаа храброст да го изнесат ова на виделина“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Сите се воодушевени од изданието на Меган Маркл од 5.000 евра: „Совршено е, а таа е прекрасна“

Меган Маркл уште еднаш нè убеди во нејзината љубов кон едноставен, но софистициран стил, што го покажа и за време на едно појавување во Њујорк на кое присуствуваше со својот сопруг, принцот Хари.
Таа носеше трендовски беж костум; широки панталони и соодветна јакна изработена од свиленкаст материјал, дизајнирана од модната куќа „Ралф Лорен“. Интересно е да се напомене дека убаво и модерно одело чини дури 5.000 евра, а софистицираните парчиња се продаваат одделно.
Уште еден хит со кој никогаш не можете да погрешите е белата кошула што Меган вешто ја одбра за својата модна магија. Сето тоа го заокружи со модерни, кожни чевли, како и впечатлив, скап накит.
@ellegermany
И како што сме навикнати, Меган овој пат носеше блага, природна шминка, како и пуштена, малку брановидна коса.
Нејзиниот сопруг, принцот Хари, исто така беше во својот препознатлив стил; во елегантно темно син костум, па изгледаа многу координирано заедно, а Меган доби бројни комплименти на социјалните мрежи.
@accesshollywood #MeghanMarkle ♬ original sound – Access Hollywood
„Изгледа навистина убаво“, „Облеката е одлична“, „Го обожавам овој стил, секогаш изгледа елегантно“, „Облеката е совршена, а таа е прекрасна жена“, се само неколку од нив.
Забава
(Фото) Трендовски детаљ што ќе привлече внимание оваа сезона, а не чини многу

„Впечатливите“ обетки, нараквици и ѓердани беспрекорно се вклопија во актуелните трендови, добивајќи мноштво различни форми, така што има по нешто за секого во овој сегмент. Дури и ако сте страствен љубител на суптилните детали, веруваме дека ќе ви биде тешко да им одолеете на некои од шарените парчиња накит од новите колекции.
Минатата година бевме сведоци на подемот на трендот „фудкор“ и сè беше преполно со шарен накит со овошни мотиви – помислете само на хит обетките – цреши.
Оваа година, романтиката е во преден план, а безвременскиот мотив на цвеќето блескаше во посмели силуети и бои од кога било досега. Опсесијата со тропските цвеќиња продолжува, а преголемите обетки украсени со шарени егзотични „ливчиња“ се детаљ кој повеќе не е резервиран исклучиво за плажа и „afterbeach“ забави.
Обетките во облик на големи тродимензионални цвеќиња се побројни од кога било на главната улица, и станаа омилен избор на трендсетерките за малку поубави пригоди во топлите денови.
Заедно со обетките од смола во светли бои, вниманието го привлекуваат и моделите со неправилни форми и неочекувани текстури – бисерен сјај, варијанти од мрежест метал и материјали што имитираат злато или сребро се многу добредојдени.
Не се сомневаме дека овој вид „впечатлив“ детаљ е навистина одлична инвестиција – не чини многу, а навистина прави разлика, додавајќи допир на актуелност и карактер на малку поедноставни комбинации.
Забава
Нови трагични детали за смртта на Џин Хекман откриени со најновата обдукција

Конечните резултати од обдукцијата на легендарниот добитник на Оскар, Џин Хекман, открија сериозни здравствени проблеми што ги имал актерот пред неговата смрт, два месеци откако тој и неговата сопруга Бетси Аракава беа пронајдени мртви во нивниот дом во Ново Мексико.
Како што објавува „Фокс њуз“, повикувајќи се на извештај од Канцеларијата на медицинскиот испитувач, Хекман (95) со години страдал од конгестивна срцева слабост и имал изразени хронични хипертензивни промени во бубрезите. Во 2019 година, му беше вграден бивентрикуларен пејсмејкер, а обдукцијата дополнително покажа присуство на невродегенеративни промени поврзани со Алцхајмеровата болест.
„Беа откриени сериозни атеросклеротични и хипертензивни промени во кардиоваскуларниот систем, беа поставени стентови во коронарните артерии, беше направен бајпас, а аортната валвула претходно беше заменета“, се наведува во извештајот. Исто така, биле пронајдени траги од стари срцеви удари, додека анализата на мозокот открила микроскопски знаци на напредна Алцхајмерова болест.
Иако некои се сомневаа, обдукцијата покажа дека Хекман не бил заразен со хантавирус – ретка, но опасна инфекција што ја пренесуваат глодари, а која предизвикала смрт на неговата сопруга.
Полицијата потврди дека Бетси Аракава починала околу 12 февруари од респираторни компликации предизвикани од хантавирус, на 65-годишна возраст. Според извештајот добиен од „Дејли меил“, пребарувањето на нејзиниот компјутер открило пребарувања на интернет за симптоми слични на грип и Ковид-19.
Вештакот, исто така, изјави дека тестовите не покажале труење со јаглерод моноксид, а во крвта на Хекман биле откриени траги од ацетон, што веројатно е резултат на дијабетична кетоацидоза или гладување.
Се претпоставува дека Хекман, поради прогресијата на Алцхајмеровата болест, талкал низ куќата неколку дена по смртта на неговата сопруга, несвесен што се случило. Тој почина речиси една недела подоцна, околу 18 февруари, од последиците на тешка срцева болест, дополнително влошена од Алцхајмерова болест и заболување на бубрезите.