Забава
Братот на Кејт Мидлтон: Бев сомничав кон Вилијам, сега го сакам како брат
Принцот Вилијам и Кејт Мидлтон се заедно повеќе од две децении, а помладиот брат на идната кралица неодамна сподели досега непознати детали за почетокот на нивната врска, пишува „Ју-ес магазин“.
Џејмс Мидлтон, помладиот брат на Кејт Мидлтон, им се придружи на голем број познати личности, кои ги објавија своите мемоари. Тој ја нарече книгата „Запознајте ја Ела: Кучето што ми го спаси животот“. Освен што пишува за кучето, кое му помогнало да преброди тежок период во животот, Џејмс во своите мемоари се осврнува и на почетоците на љубовната приказна меѓу сестра му Кејт и принцот Вилијам.
Кејт и Вилијам се заедно од 2001 година, а Џејмс се потсети на раните фази на нивната врска. Тој призна дека на почетокот бил сомнителен кон Вилијам и успехот на врската.
Џејмс откри дека на почетокот го тестирал Вилијам и сакал да види дали ја заслужува сестраму. Тој исто така сподели дека играле друштвени игри со кралското семејство, но Вилијам не го делел натпреварувачкиот дух на семејството Мидлтон. Тој повеќе би сакал да се откаже од играта и да ја погали Ела отколку да се бори за победа.
Џејмс изјавил дека со текот на времето го прифатил Вилијам и го засакал како член на семејството. Тој е задоволен од изборот на Кејт и истакна дека таа процвета и ја изгради својата доверба со Вилијам. Според него, Вилијам толку многу се интегрирал во нивното семејство што сега го гледа како постар брат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Софија Вергара фотографирана во деколтиран фустан за време на прошетка
Колумбиската актерка Софија Вергара е позната како една од најубавите жени на светот, а тоа го докажуваат и најновите папарацо-фотографии, на кои актерката е фатена опуштена.
Оваа 52-годишна актерка е фотографирана на улиците на Лос Анџелес во друштво на колешката Полин Давила.
Актерките беа добро расположени по ручекот во Беверли Хилс.
Софија го привлече вниманието во едноставен фустан со леопард-принт, во кој го истакна деколтето, а се комплетира со бела чанта, патики и природна шминка.
Забава
(Видео) Хајди Клум се појави во ризичен фустан на забавата по доделувањето на наградите „Еми“
По доделувањето на наградите „Еми“, се одржа традиционалната забава, на која се собраа многубројни ѕвезди од филмската и забавната индустрија.
View this post on Instagram
Германската манекенка Хајди Клум го привлече вниманието во тесен црн фустан, без ракави, со изрези и светки.
View this post on Instagram
Фустанот ги истакна нејзиното бујно деколте и совршената фигура, а 51-годишната манекенка спремно им позира на насобраните фотографи.
View this post on Instagram
Оваа германска убавица со децении е позната како една од најуспешните манекенки, а љубовта кон манекенството ѝ ја пренесе и на ќерката Лена.
Забава
Ќерката на Синди Крафорд е нејзина слика и прилика: блесна во речиси идентичен фустан
Каја Гербер на филмскиот фестивал во Торонто се појави во фустан сличен на оној што мајка ѝ, легендарната Синди Крафорд, го носеше на „Оскарите“ во 1993 година.
Станува збор за креација на Ерве Леже во бела боја. Изгледот Каја го комплетира со едноставна шминка, накит и високи потпетици.
На овој фестивал премиерно беше прикажан филмот „Школка“, во кој таа имаше улога.
Нејзината стилистка Моли Дикинсон во интервју за „Вог“ изјави дека Каја ѝ испратила неколку идеи за тоа што би сакала да облече на фестивалот, а една од нив е и овој фустан.
„Мислев дека е одлично да го почитувам иконскиот момент на Синди на овој начин“, додаде таа.
Во далечната 1993 година Синди се прошета на црвениот тепих со својот тогашен сопруг Ричард Гир, а Каја на филмскиот фестивал во Торонто се појави без придружба.