Забава
Братот на Мел Гибсон: Славата и парите го променија, тој стана чудовиште

Донал Гибсон (65) е помладиот и помалку познат брат на Мел Гибсон (67). Двајца претходно биле неразделни. Мел му доделил улога на Донал во „Храбро срце“ и го охрабрил да ги оствари своите холивудски соништа, но со текот на времето нивната врска се влошила.
„Мел и јас бевме толку блиски што е неверојатно дека сега не разговараме, дека не сме во контакт. Кога бевме деца, делевме спална соба, правевме сè заедно. Кога дојде во Лос Анџелес го следев. Кога стана познат, немаше љубомора. Бев среќен поради него, горд што успеа“, изјави Донал во интервју за „Дејли Мејл“.
„Славата го промени. Го понесе публицитетот. Мел што го знаев го нема. Холивуд го изеде и го исплука. Според мене, славата и парите отидоа во неговата глава и создадоа чудовиште. Го мразам тоа што го стана.“ беше остар со зборовите помладиот Гибсон.
Донал не е толку познат актер како Мел и тврди дека неговата кариера престанала да напредува затоа што луѓето го ставиле на црна листа поради „гревовите“ што ги направил неговиот брат. Вели и дека повеќе пати барал од Мела да му помогне финансиски.
„Твоите проблеми се твои проблеми“, тврди Донал дека Мел му рекол тогаш.
Секогаш кога ќе барал пари од брат му, тој се лутел. „Тој ми викаше, ми велеше да го сменам презимето Гибсон ако ми пречи. Викаше: ‘Не можеш да ме обвиниш за ова!'”, вели Донал.
Меѓутоа, Мел еднаш му помогнал финансиски и му понудил мал семеен стан во кој би можел да живее, но, тој смета дека брат му требало да му надомести за, како што вели, болката и страдањето што ги преживеал тој и неговата сопруга Шанас.
„Заглавени сме во речиси 20 години пекол“, вели Донал.
Сепак, тој самиот не е сигурен дали би успеал да стане познат актер како неговиот брат.
„Верувам дека постапките на Мел придонесоа да немам работа. Презимето Гибсон беше отровно. Мојот агент даде отказ, телефонот престана да ѕвони. Луѓето го поврзуваа името Гибсон со фанатизам, расизам, суровост, омраза и гнев. Работев со одлични студија Како Ворнер брадерс и Дизни. Преку ноќ престана“, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Андријана Јаневска ја изведе „Ако утре ме нема“ од ДНК: Еден од најтешките настапи во мојата кариера…

„Еден од најтешките настапи во мојата кариера… ‘Ако утре ме нема’ од ДНК ја изведов во придружба на Битолскиот камерен оркестар и Благојче Трајковски на кларинет“, напиша пејачката Андријана Јаневска на социјалните мрежи и објави снимка од настапот.
Забава
(Видео) Ед Ширан настапи на улица и ги воодушеви минувачите

Британскиот пејач и текстописец Ед Ширан ги воодушеви обожавателите, минувачите и патниците со уличен настап во Лондон.
Ширан (34) свиреше на акустична гитара пред железничката станица Кингс Крос во петокот, облечен во впечатлива розова маица. Тој ја изведе новата песна „Азизам“, како и хитовите Perfect, Bad Habits и Shivers.
View this post on Instagram
Пејачот, познат по хитовите Shape of You и Thinking Out Loud, по настапот напиша објава на „Инстаграм“, во која атмосферата ја опиша како неверојатна.
Една случајна минувачка, која чекала меѓу возовите, изјави дека имала неверојатна среќа што била сведок на таква ѕвездена изведба.
Забава
Принцот Хари не сака Меган да објавува фотографии од децата?

Принцот Хари наводно не е премногу среќен што неговата сопруга Меган Маркл ги користи децата за да го промовира својот нов бренд As Ever.
Кралскиот уредник на британски „Сан“, Мет Вилкинсон, тврди дека војводата и војвотката од Сасекс не се синхронизирани кога станува збор за објавување фотографии од нивните деца, принцот Арчи (5) и принцезата Лилибет (3) ,на социјалните мрежи.
„Колку што сум запознаен, Хари би сакал неговите деца да останат надвор од очите на јавноста до одредена возраст“, рече Вилкинсон во петокот во A Right Royal Podcast.
View this post on Instagram
Од друга страна, Вилкинсон тврди дека Меган има поинаков став: „Таа порасна во Калифорнија и претходно веќе кажа дека сака да има калифорниски начин на живеење – да ги однесе на плажа, да излезат, да бидат активни“. „Таа не сака да ги крие“, рече новинарот иако забележа дека Маркл сè уште не ги покажува јасно лицата на своите деца, туку ги користи за да го претстави својот имиџ како мајка и домаќинка. „Хари, веројатно, не е премногу среќен поради тоа“, додаде Вилкинсон.