Забава
Бред Пит призна дека по разводот со Анџелина Џоли се одвикнувал од алкохол: Бев на колена
Американскиот актер Бред Пит се потсети на својата прва посета на aнонимните алкохоличари по разводот од Анџелина Џоли. Овој период од неговиот живот беше исклучително бурен за него и тој одлучи да побара помош од експерт.
„Бев на колена. Требаше да се освестам за некои работи. Пробав сè и сешто, сè што луѓето ми нудеа. Беше тежок период. Ми требаше рестарт“, рече тој
Ги посетувал состаноците на анонимните алкохоличари година и пол, откако раскинал со Анџелина Џоли во 2016 година. Изјави дека на почетокот се чувствувал исплашен кога дошол негов ред да зборува за алкохолизмот, но бил охрабрен од фактот што другите отворено зборувале за својот проблем.
„Тоа те охрабрува да кажеш: ‘Добро, ќе излезам од зоната на удобност и ќе видам што ќе се случи’, а потоа навистина ми се допадна“, рече тој, додавајќи дека пораснал во средина каде што мажите инсистирале дека нивните животи се одлични.
„Беше неверојатно. Мажите ги споделуваа своите искуства, зборуваа за своите недостатоци, погрешни потези, желби и што ги повредува со многу хумор“, рече тој.
Алкохолизмот одигра голема улога во неговиот развод од Анџелина Џоли. Таа тврдеше дека тој физички ја нападнал неа и нивните деца во авионот додека бил под дејство на алкохол. Тие официјално се разведоа во 2019 година, а тој моментално е во врска со Инес де Рамон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Се одложува концертот на Божо Вреќо во Македонската филхармонија
Концертот на Божо Вреќо, кој требаше да се одржи на 21 ноември 2025 година во Македонската филхармонија во Скопје, се пролонгира поради технички причини.
Нов термин за одржување на концертот ќе биде утврден во најбрз можен рок, а јавноста и сите купувачи ќе бидат навремено информирани за новиот датум.
Сите купувачи кои сакаат да го остварат своето право на поврат на средствата за купените билети можат да го направат тоа на продажното место каде што билетите биле купени, вклучувајќи ја и онлајн-платформата karti.com.mk.
Забава
Влатко Лозаноски со мегашоу: „Километри љубов“ на 7 март во арената „Борис Трајковски“
Влатко Лозаноски најавува незаборавна вечер исполнета со љубов, емоции и врвна музика за 7 март. Концертот „Километри Љубов“ ветува да биде едно од највпечатливите музички случувања на годината – спектакл подготвен од огромен тим со многу страст и посветеност.
„Работиме нешто навистина многу посебно и многу ново за мене – концерт што ќе спои топ звук, врвен стејџ, движење, емоции. Ќе има танчери, гости, изненадувања и песни кои ќе ги слушнете во сосема ново издание. Ја замислуваме вечерта како претстава, како еден целосно спакуван спектакл. Искрено, многу сум возбуден, правиме нешто што се случува многу ретко“, вели Лозано за концертот во арената „Борис Трајковски“.
Картите за настанот се веќе во продажба. Промотивни понуди за истите веќе можат да се најдат на сајтот на kupikarta.com.
Забава
(Фото) Крие магија под капутот: една од најубавите жени во најкраткото фустанче досега
Актерката Ања Тејлор Џој се појави на настан во Њујорк организиран од „Тифани и ко.“ и ги потсети сите зошто баш таа е избрана за најубава жена на светот.
Русокосата убавица за овој настан избра краток бел фустан, со асиметричен топ и висока јака, што му даде на целиот моден изглед доза драма.

Но, и покрај сето тоа, нејзините долги нозе беа во преден план, па нема некој кој не ѝ обрна внимание на Ања кога се појави пред фотографите.

За дополнително да го нагласи својот изглед и шминката, Ања ја исправи косата и ја собра во пунџа, а белиот фустан го спои со едноставни потпетици во иста боја. Преку него носеше преголем капут, исто така во бела боја, кој од сите детали имаше само ремен за да ја нагласи половината.

И тоа беше доволно Ања Тејлор Џој да биде главна тема уште од првиот чекор.
фото: принтскрин

