Забава
Британското денс-трио „Дисајплс“ на Си Денс
Најбараното британско денс-трио „Дисајплс“ (Disciples) ќе му се придружи на својот пријател и ментор Дејвид Гета во завршната ноќ на овогодишниот Си Денс (Sea Dance) фестивал на една од најубавите плажи на Јадранот.
На големото финале на летната сезона на 1 септември популарните хитмејкери од Лондон ги носат песните кои последните неколку години буквално не се симнаа од светските радиостаници, а нивниот најголем хит How Deep Is Your Love со право се смета за една од песните кои ја одбележаа деценијата што изминува.
Песната која иницијално сами ја напишаа и снимија со норвешката пејачка Ина Вролдсен толку му се допадна на славниот продуцент Калвин Харис, што тој веднаш понуди да ја објават заедно, а спотот во кој се појавува Џиџи Хадид денеска брои вртоглави 1.3 милијарди прегледувања на „Јутјуб“ покрај две БРИТ-номинации и наградата Ем-ти-ви .
Нивниот вонсериски талент прв го препозна легендарниот Пит Тонг, за чија издавачка куќа ја објавија клупската плоча Catwalk, но набргу потоа и првиот голем радиски хит They Don’t Know, која престижното „Би-би-си радио 1“ ја пушташе деноноќно.
Стреловитиот успех продолжи сѐ до денес, а статусот на ударни ѕвезди го забетонираа со летните хаус-химни On My Mind и Jealousy.
Гластонбери, Лидс, Кримфилдс и Егзит се само некои од најголемите светски фестивали на кои настапуваа, а денеска ја носат и програмата на клубот „Ушуаја“, најмасовниот на Ибица.
Покрај британските ѕвезди во овој бран изведувачи на Си Денс пристигнува и младата германска продуцентка и диџејска ѕвезда Ловра (Lovra), која со својот талент го заслужи вниманието на големите имиња на светската електронска музичка сцена почнувајќи од Дејвид Гета, Арманд ван Хелден, Бејсмент Џекс и Феликс да Хаускет со кои настапуваше ширум светот. На главната бина на фестивалот ќе настапи и еден од најбараните диџеи и продуценти на Балканот, македонскиот гениј Галоски, кој истотака ја ужива поддршката на Дејвид Гета, но и други великани како што се Димитри Вегас и Лајк Мајк, Афроџек, Ники Ромеро, Фед Ле Гранд и други. Под другиот алијас „Сенд енд Сенс“ (Sand & Sense) го објави и синглот „Cold Night“ кој излезе од рамките на регионалната популарност и се вброи меѓу најслушаните нумери на славното „Би-Би-Си Радио 1“.
Шестиот Си Денс ќе се одржува од 30 август до 1 септември на скриениот бисер на Јадранскиот брег, плажата Буљарица во Будва. Настапите досега ги потврдија најуспешниот музички продуцент на 21-иот век и еден од најбараните музички изведувачи на светот Дејвид Гета, таткото на глобалното техно движење и трикратен добитник на наградата за најдобар светски диџеј Свен Ват, еден од најценетите електронски изведувачи Ричи Хотин, водечкиот германски продуцент и диџеј Робин Шулц, француската клупска сензација, дуото Офенбах, и фамозниот германски продуцент Рекондајт, регионалните асови како големиот Дарко Рундек, моќната Сенида и популарните балкански рапери Суреал, Фокс, Кјукус, Хејз и Бекфлеш.
Актуелните промо цени на влезниците ќе важат до 14 јуни, а поради високото темпо на продажба, до промената можеби ќе дојде и порано доколку се распродаде целиот овој контингент кој на посетителите им носи дури 50% заштеда. Овие влезници се достапни за купување на официјалната интернет страница на фестивалот www.seadancefestival.me .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Стар тренд повторно летен хит: Мајли Сајрус и Дуа Липа веќе го обожаваат
Познатите личности веќе почнаа да го враќаат сјајот на еден стар летен тренд за убавина, кој беше популарен на почетокот на 2000-тите: светките за тело.
Мајли Сајрус и Дуа Липа веќе го прифатија овој тренд, некогаш промовиран од Бритни Спирс и Кристина Агилера, а Ријана исто така вклучи лосион за тело со светки во новата колекција на својот бренд.
View this post on Instagram
Сигурно барем еднаш сте се намачкале со ваков лосион и сте уживале во гламурот за време на состанок, па затоа добро знаете за што зборуваме. Значи, ова лето имате можност повторно да го користите и да бидете во тренд, а покрај светките за тело, тука се и некогаш популарните светки за коса.
Светкавите се вратија на друг начин, продавниците веќе се преплавени со светкави парчиња облека во форма на мини здолништа, фустани, шорцеви, кошули и панталони, а на улица можете да видите дека трендот повторно заживеа.
View this post on Instagram
Доколку сакате да бидете забележани уште повеќе и да се чувствувате гламурозно додека шетате на улица или излегувате навечер, тука се и чевлите со светки, но и додатоци за плажа.
Значи, ако сакате да блеснете и да привлечете внимание, слободно – светките се задолжителни ова лето!
Забава
(Фото) Се омажи Мел Би
Поранешната членка на „Спајс грлс“, Мел Би (50), се омажи за фризерот Рори Мекфи (37) во Лондон овој викенд.
Мел Би носеше фустан од Џозефин Скот направен по мерка за нејзината свадба, а подоцна се пресоблече во фустан од Џастин Александар.
View this post on Instagram
Церемонијата беше проследена со прием на ѕвезди во хотелот „Шангри-Ла“. Меѓу гостите единствена од „Спајс грлс“ беше Ема Бантон, но се појавија и други ѕвезди, меѓу кои Кара Делевињ, Кетрин Рајан и Дејзи Лоу.
View this post on Instagram
Трите ќерки на Мел Би беа нејзини деверуши. Пејачката ја има ќерката Феникс (26) со првиот сопруг Џими Гулзар. Поранешната двојка беше во брак од 1998 до 2000 година.
View this post on Instagram
Другата ќерка на Мел Би, Ангел Ирис (18), е од нејзината врска со Еди Марфи. Најмладата ќерка, Медисон (13), е од бракот со Стивен Белафонте со кого Мел Би беше во брак од 2007 до 2017 година.
Забава
Зошто утринската прошетка е најдобриот тренинг?
Во свет полн со фитнес предизвици, интензивни тренинзи и планови за исхрана, понекогаш забораваме на една едноставна, речиси заборавена рутина: утринската прошетка.
Без гаџети, без апликации, без бучава, само вие, тишина (или вашата плејлиста) и неколку километри под вашите нозе. И верувале или не – токму оваа едноставност го прави одењето еден од најздравите начини да го започнете денот.
Активирање на телото без стрес
Додека многу луѓе се будат со звук на аларм и шолја кафе, можете да го покренете вашиот организам нежно, но ефикасно – со одење.
Утринската прошетка ја активира циркулацијата, ги активира мускулите и го поставува метаболичкиот ритам за целиот ден. Нема ненадејно оптоварување на зглобовите или мускулите, што ја прави совршена за почетници, како и за оние со хронична болка.
Подарок за умот: јасен фокус и помалку стрес
Додека одите, вашиот мозок ослободува напнатост, вашите мисли се смируваат, а производството на хормони на среќа – серотонин и ендорфини – се зголемува. Ова значи дека ќе го започнете денот со поголема јасност, помалку вознемиреност и подобро расположение.
Студиите покажуваат дека само 20 минути одење наутро ги намалува нивоата на кортизол – хормонот на стрес – и ја подобрува концентрацијата во текот на денот.
Доследност без товар
За разлика од теретана или напорни тренинзи кои можат да изгледаат застрашувачки, утринската прошетка е лесно да се вклопи во вашата дневна рутина.
Нема подготовка, нема брзање – само облечете ги вашите удобни патики и тргнете. И токму оваа пристапност ги зголемува шансите да се држите до вашата рутина.
Докажано е дека одењето 30 минути на ден, 5 пати неделно, помага во регулирањето на вашата тежина, крвен притисок и нивоа на шеќер во крвта.
Ако започнете доволно рано, ќе го фатите нежното утринско сонце, кое е идеално за природна синтеза на витамин Д.
Овој витамин е клучен за имунитетот, расположението и здравјето на коските – а ние често го занемаруваме. Само 15 минути изложеност наутро може да направи разлика.
Како одењето да стане ваш ритуал?
Подгответе сè претходната вечер: облека, патики, слушалки
Одете без телефон – или со вашиот омилен подкаст
Менувајте ги вашите рути за да го задржите интересот
Следете го вашиот напредок – не за бројки, туку за мотивација
Не мора да трчате, да се потите додека не се исцрпите или да поминувате часови во затворен простор за да бидете здрави и во форма.
Утринската прошетка е едноставна, бесплатна и моќна навика што позитивно влијае на целото ваше битие. Ви дава простор да дишете, да размислувате, да чувствувате – и да го започнете денот со себе.
Апелот на Министерството за здравство да не се снимаат пациентите од дискотеката во Кочани е загрижувачки, смета Хелсиншкиот комитет
Хелсиншкиот комитет за човекови права изразува сериозна загриженост поради апелот на Министерството за здравство до медиумите да не ги фотографираат...
Кирков: Поморот во куќата на стравот продолжува – во Скопје ЗОО починаа уште две лами
„Нашата, скопската Зоолошка, е една хорор-приказна изминативе 3,5 години, ја нареков куќата на стравот со цел некоја ‘умна’ глава преземе...
(Видео) Два полициски хеликоптера го гаснат пожарот во околината на Блаце
Денеска, од 5 часот, полициски службеници од Хеликоптерската единица за полициски намени при МВР, со два хеликоптера на единицата за...
(Видео/фото) Масивен руски напад со дронови врз Киев, Харков и Одеса
Руските сили ја нападнаа Украина со беспилотни летала од типот „Шахед“, при што најтешко се погодени Харков, Одеса и Киев,...
(Видео) Ангелов: Пожарот кај Блаце делумно под контрола
Рано утрово по 5 часот e започнато со гасење на големиот пожар на отворен простор, којшто вчера во попладневните часови...
Татко загина спасувајќи го семејството во Тексас: катастрофалните поплави одзедоа најмалку 80 животи
Катастрофалната поплава што го погоди југоисточен Тексас одзеде најмалку 80 животи, вклучувајќи 21 дете, соопштија локалните власти. Обилните дождови што...
(Видео) Три хеликоптери го гаснат пожарот кај селата Чучер и Блаце
Утрово трите хеликоптери (два на МВР и еден на АРМ) во 05.00 часот почнаа со дејство над пожарот на територијата...
Трамп: Испраќаме писма за царините до сите земји
САД ќе почнат да испраќаат писма до своите трговски партнери за нови договори и тарифи почнувајќи од денес, изјави американскиот...
Трамп: Тажно е да се гледа како Илон целосно ја губи контролата
Американскиот претседател Доналд Трамп ги нарече плановите на Илон Маск за основање нова политичка партија „смешни“ и додаде дека Соединетите...
(Видео) 80 мртви во поплавите во САД, меѓу нив и 28 деца: потрагата по исчезнатите продолжува
Бројот на жртви од катастрофалните поплави што го погодија централниот дел од Тексас рано утрово се искачи на најмалку 80,...
(Видео) Ангелов: Mожна причина за пожарот кај Блаце е фрлено догорче од цигара од возило во движење или намерно потпалување
Два полициски хеликоптера, еден армиски хеликоптер, еден Хермелин со цистерна на ДЗС, еден Пинцгауер на ДЗС и едно теренско возило...
Пожарот зафати само надворешен дел од дворот на Психијатриската болница во Бардовци, нема причина за загриженост, велат од Министерството за здравство
По пожарот што вчера зафати дел од тревна површина во дворот на ЈЗУ Психијатриска болница „Скопје“, Министерството за здравство ја...
(Видео) Во седум налети хеликоптерот на МВР исфрли 10 тони вода
Вчера полициски службеници од Хеликоптерската единица за полициски намени при МВР, а по претходно добиено барање од ЦУК за преземање...
Нормализиран патниот сообраќај до граничниот премин Блаце
Ноќеска е нормализиран патниот сообраќај до граничниот премин Блаце. Укината е забраната и за товарните моторни возила и за автобусите....
Евакуација во Психијатриската болница Бардовци, пожарот го зафати дворот
Попладнево избувна пожар во населбата Геге кој се прошири кон населбата Бардовци и зафати дел од површината на дворот на...
ВМРО-ДПМНЕ ги објави имињата на уште шест кандидати за градоначалници
Покрај кандидатурата на Орце Ѓоргиевски за градоначалник на Скопје, Извршниот комитет на ВМРО-ДПМНЕ донесе одлука за уште шестмина кандидати кои...
Мицкоски: Нема да има данок за немажени и неженети – целта беше отворање јавна дебата
Премиерот Христијан Мицкоски изјави дека нема да има данок за немажени и неженети, појаснувајќи дека изјавата имала за цел да...
Орце Ѓорѓиевски е кандидат за градоначалник на Град Скопје од ВМРО-ДПМНЕ
Извршниот комитет на ВМРО-ДПМНЕ донесе одлука актуелниот градоначалник на Кисела Вода, Орце Ѓорѓиевски, да биде кандидат за градоначалник на Градот...
(Видео) Пожарите ќе се гаснат со пренаменети армиски и полициски возила кои 8 години биле запуштени, рече Мицкоски
Полициски и армиски возила коишто повеќе од осум години биле целосно запуштени, се пренаменети за да ги гаснат шумските пожари....
(Видео) Ангелов: Ова лето гранката нема да ми биде потребна – добивме 43 специјализирани возила за гаснење пожари
Директорот на Дирекцијата за заштита и спасување, Стојанче Ангелов, истакна дека ова лето државата е подготвена да се справи со...
