Забава
Бруклин Бекам ѝ стави прстен на неговата девојка актерка

Бруклин Бекам, синот на Дејвид и Викторија Бекам, ја запросил својата девојка актерка Никола Пелц, објави „Дејли мирор“ додавајќи дека 21-годишниот фотограф им кажал на пријателите дека се вериле.
„Бруклин им кажува на своите пријатели во Лос Анџелес дека се свршиле. Оваа вест била споделена меѓу нивната група пријатели. Откриени се,“ инсајдер изјави за британскиот таблоид.
Втор извор близок на Бекамови додаде: „Дејвид и Викторија го дадоа својот благослов на оваа врска. Тоа е многу возбудливо време за целото семејство, и по неколку претходни лоши врски тие мислат дека Бруклин застана на сигурни нозе. ”
Во меѓувреме, Бруклин постојано ја искажува својата љубов кон Никола (25) на социјалните мрежи.
Тој неодамна објави серија фотографии од нив двајцата како трчаат низ поле на зајдисонце, и напиша: „Мојот убав ангел“, а претходно напиша дека секогаш ќе биде до неа и ја нарече негова „друга половина“.
Запрашан што највеќе му се допаѓа кај русокосата убавица која глуми во четвртиот филм „Трансформери“ Бруклин одговори: „Нејзиното неверојатно срце“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ќерката на Деми Мур: Сè уште спијам во кревет со мајка ми

Румер Вилис (36), најстарата ќерка на Брус Вилис и Деми Мур, ја изненади јавноста откривајќи дека таа и нејзините две сестри Скаут (33) и Талула (31) се уште се капат заедно – и покрај тоа што сите се во триесеттите.
Актерката се отвори во подкастот What In The Winkler за тоа колку е блиско нивното семејство, со љубов велејќи за нејзините сестри: „Тие се целосно луди и мои најдобри пријатели“. Таа исто така рече дека и двете биле со неа кога ја родила нејзината ќерка Луета дома во 2023 година.
Објаснувајќи ја семејната динамика, Румер рече: „Моите сестри и јас сè уште се бањаме заедно. Тоа е куќата во која пораснав. Луѓето можеби мислат дека тоа е лудо и чудно – но јас не мислам така“.
За време на интервјуто, Румер признала и дека сè уште спие во кревет со нејзината мајка Деми Мур (62) и дека се надева дека нејзината ќерка ќе го следи тој обичај: „Се надевам дека Лу ќе спие со мене кога ќе биде на моја возраст. Се уште спијам со мајка ми. Не ми е чудно”.
Забава
(Видео) Оваа жена ги полуде луѓето на интернет: ослабе повеќе од 40 килограми, па ја откри тајната

Роксана Карабога ја шокираше јавноста со неверојатна физичка трансформација. Успеала, како што вели во објавите на „Тик-ток“, да изгуби преку 40 килограми.
Фитнес тренерот и нутриционист Роксана Карабога со години зборува за својата борба со вишокот килограми.
Има повеќе од 700 илјади следбеници на „Тик-ток“ и често споделува совети и трикови со нив како да го подобрат своето здравје, но и менито.
Нејзината исхрана се базира на протеинска храна, а го ограничила и внесот на јаглени хидрати.
Менито се состои од многу зеленчук, како што се: моркови, краставици, авокадо, домати и зелена салата. Покрај зеленчук, таа консумира и многу житарки, како бадеми, овес и чиа семе.
Таа, исто така, често јаде грчки јогурт, крем сирење и туна, но не го исфрлила целосно месото – сè уште повремено го вклучува во своите оброци.
Покрај тоа, таа е посветена на физичката активност – но не на класичната. Таа не оди во теретана, туку танцува и вежба дома.
„Танцот и домашните вежби неколку пати неделно се лесни и забавни за почетниците. Тие заштедуваат време и пари, а никој не ве гледа како во теретана“.
Во продолжение погледнете ги видео материјалите кои Роксана ги снимила и во кои покажала како изгледа менито, благодарение на кое ослабела преку 40 килограми.
Забава
Том Круз му оддаде почит на Вал Килмер: „Ти посакувам се најдобро на следното патување“

Том Круз му оддаде почит на неговиот колега од „Топ Ган“ Вал Килмер, кој почина во вторникот на 65-годишна возраст.
Круз присуствуваше на CinemaCon, годишната конвенција на сопственици на кино сали што моментално се одржува во Лас Вегас, за да го промовира претстојниот филм Mission: Impossible – The Final Reckoning, кој ќе се појави во кината ова лето.
Но, пред да почне да ги раскажува лудите акробации по кои е познат како тајниот агент Итан Хант, Круз побара од толпата да му се придружат во едноминутно молчење за неговиот покоен колега.
„Би сакал да му оддадам почит на мојот драг пријател Вал Килмер“, рече Круз на сцената во хотелот Цезар Палас.
„Не можам да ви кажам колку се восхитувам на неговата работа, колку бев благодарен и почестен кога тој се приклучи на Top Gun, а потоа се врати во Top Gun: Maverick. Мислам дека би било убаво сите заедно да му оддадеме почит со минута молк бидејќи тој многу ги сакаше филмовите и многу ни даваше. Присетете се само на сите прекрасни моменти што ги поминавме со него“, додаде Круз.
Актерот го заврши емотивниот момент велејќи: „Ти посакувам се најдобро на следното патување“