Забава
Ван Го? Ван Гоф? Ван Гог? Сите грешат, тврдат експерти

Како го изговарате “Van Gogh”? Најверојатно погрешно, американски Си-ен-ен цитира инсајдери на стартот на интерактивната изложба на дела на славниот сликар.
Изложбата Meet Vincent van Gogh (Запознајте го Винсент ван Гог) што се одржува во познатиот уметнички центар во Лондон, Southbank Centre, ветува неверојатни проекции, интерактивни инсталации, врвна сценска работа и привлечна приказна додека го носи гледачот низ животот на холандскиот уметник.
Но, аудиоводичот за изложените дела, дојдени од Музејот Ван Гог во Амстердам, им ги крена веѓите на посетителите кога го изговори презимето на сликарот како „Ван Го“, типичен американски изговор. Во Велика Британија, луѓето имаат тенденција да кажат „Ван Гоф“.
Презимето кое го изговори водичот, „Ван Го“, подоцна на прес-конференцијата предизвика дискусија помеѓу холандскиот амбасадор во Велика Британија, Сајмон Смитс, директорот на Музејот Ван Гог, Адријан Донзелман, и правнукот на сликарот, Вилем ван Гог.
Мартин Бејли, автор на Starry Night: Van Gogh at the Asylum („Ѕвездена ноќ: Ван Гог во азил“) изјави за Си-ен-ен Стил дека има уште многу варијации на името во светот – и дека таквите варијации влијаеле на тоа како легендарниот уметник ги потпишувал своите слики.
Аудиоводичот на изложбата во Лондон го изговара „Го“ исто како и Американците, вели Бејли, кој пишува блогови за Ван Гог за весникот The Art Newspaper. Англичаните го изговараат „Гоф“, Французите „Гог“, а Холанѓаните го изговараат со гутрален звук „Кхокх“.
Ван Гог обично користел „Винсент“ за да ги попише своте слики и писма, затоа што на луѓето им било полесно да го изговорат.
Ван Гог често патувал низ Европа, се преселил во Лондон каде што работел како продавач на уметнички дела кога имал 20 години, а живеел во Франција. Неговите слики се потпишани „Винсент“, а во писма и документи уметникот честопати е именуван како господин Винсент или монсињор Винсент.
„Тој секогаш сакаше да биде Винсент затоа што Французите и Англичаните не можеа да го изговорат неговото име“, вели Бејли за Си-ен-ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Паста диета: можете да изгубите 3 килограми за само 5 дена

Диетата со шпагети трае само пет дена и ви овозможува да изгубите до три килограми. Кога избирате тестенини, обидете се да ги изберете оние од цело зрно, кои се особено богати со хранливи материи и витамини.
Ден 1.
Појадок: парче леб намачкано со крем сирење, украсено со киви одозгора.
Ручек: варени шпагети (70 г), за сосот користете половина кромид, 2 домати и 150 грама печурки на пареа и зачинете сè со лута пиперка.
Вечера: тестенини (70 г), пиперка (3 парчиња), 2 домати и малку рендано сирење.
Ден 2.
Појадок: чаша јогурт (1,5% масленост) со две лажици овесни снегулки и половина јаболко.
Ручек: сварете 70 грама тестенини, со 1 лажица доматен сос и тиквички.
Вечера: топли тестенини (40 г), 1 домат, маслинки, 3 млади кромиди и 40 г сирење. Зачинете со маслиново масло и сок од лимон.
Ден 3.
Појадок: овошна салата од мандарина, 1/2 јаболко, киви и 1/4 банана.
Ручек: шпагети (70 г), сос од 3-4 домати, грашок и 1 морков.
Вечера: 70 г сварени тестенини со сос (2 лажици доматно пире и малку кромид).
Ден 4.
Појадок: тост со сирење и парче киви.
Ручек: сварете 70 грама тестенини, послужете со 150 г варен зеленчук (грав, моркови, грашок, карфиол). Посипете со рендано сирење.
Вечера: шпагети (70 г), 1 краставица, портокал за десерт.
Ден 5.
Појадок: јогурт и јаболко.
Ручек: Сварете тестенини (70 г), додадете малку брокула (150 г), додадете рендано сирење, лук и пипер.
Вечера: 40 г тестенини со сирење, 4 маслинки и домати. Зачинете со 1 лажичка маслиново масло, сок од лимон и пипер.
Забава
(Фото) Се соблече гола за својот 60-ти роденден: „Вљубена сум“

Актерката и модел Елизабет Харли го прослави својот 60-ти роденден на 10 јуни и ги воодушеви своите обожаватели со неочекувана фотографија од неа – целосно гола.
Британската заводничка, која на 59 години беше прогласена за најсекси жена на светот, а воедно ја носи и титулата кралица на бикини, објави фотографија во топлес на својот роденден, заедно со тоа што му кажа на светот дека е вљубена.
„Среќен роденден! Оваа година веќе беше лудо возење. И… јас сум вљубена. Се чувствувам толку благословена и благодарна што ги имам најдобрите пријатели и семејство на светот. Фотографијата е направена денес попладне… во мојата роденденска облека“, напиша Елизабет Харли.
На фотографијата што го направи машкиот пол најсреќен, а воедно предизвика и возбуда на Инстаграм, таа позира седејќи на тревата со скрстени нозе, така што иако е целосно гола – ништо не се гледа. Широката насмевка на нејзиното лице кажува колку е среќна, а објавата ја коментираше и нејзиниот нов партнер Били Реј Сајрус, кој кратко напиша: „Те сакам“.
Тој објави нивна заедничка фотографија на својот профил со пораката: „Среќен роденден на љубовта на мојот живот“.
Забава
Едноставно, евтино и ефикасно решение за намалување на салото на стомакот – една намирница што сите ја сакаме

Летото речиси започна, иако можеби не според календарот, но сме сведоци на жештините, па затоа е крајно време да се подготвиме за морето и новата сезона на бикини. Сепак, тие фрустрирачки наслаги околу стомакот едноставно не ве напуштаат? Не очајувајте, постои едноставно решение за тоа.
Нутриционистката Роксана Ехсани ја откри тајната за витка фигура: обичен, обезмастен грчки јогурт.
Висцералните масти, кои се акумулираат длабоко во стомакот, можеби се невидливи однадвор, но имаат сериозни здравствени последици. Го зголемуваат ризикот од срцеви заболувања, дијабетес и други сериозни состојби. Но, и за тоа постои решение – променете ја исхраната.
Додадете обичен, обезмастен грчки јогурт во вашата исхрана. Студиите покажаа дека исхраната богата со протеини, калциум и витамин Д може да ги намали висцералните масти.
Грчкиот јогурт е богат со протеини, што ви помага да се чувствувате сити и спречува прејадување. Исто така, содржи пробиотици кои го поддржуваат здравјето на цревата.
Едноставно, евтино и ефикасно решение за намалување на салото на стомакот.