Забава
(Видео) Актер за снимањето на 18+ сцените со Натали Портман: Беше досадно

Актерот Чарлс Мелтон изјави за Variety дека процесот на подготовка за снимање на интимната сцена со Натали Портман во романтичната драма на Нетфликс, бил „иритирачки“.
Драмата на Нетфликс беше номинирана за Оскар за најдобро оригинално сценарио минатата година и го следи ликот Елизабет Бери (Натали Портман), која ги посетува Грејси Атертон-Ју (Џулијан Мур) и нејзиниот сопруг Џо Ју (Чарлс Мелтон) за да се подготви за нејзината претстојна улога во која ќе игра Грејси.
Грејси и Џо биле главна тема на таблоидите пред 20 години бидејќи Грејси започнала врска со Џо кога тој бил малолетник.
Филмот е инспириран од вистинската приказна за американската учителка Мери Кеј Летурно, која сексуално го злоставувала својот 12-годишен ученик Вили Фуалау. Поранешната учителка се изјасни за виновна, а Летурно и Фуалау се венчаа во 2005 година, откако беше ослободена.
Во филмот Џо ја изневерува Грејси со Елизабет, а Мелтон рече дека снимањето на интимната сцена со Портман било досадно.
„Натали, режисерот Тод Хејнс и јас се сретнавме за да разговараме за сцената и да се увериме дека на сите им е удобно. Имаше неколку разговори за протетика, за тоа што е реално, а што не. И морав да ја носам таа протеза девет часа тој ден“, откри актерот.
„Ништо не пиев ниту тоа утро ниту претходната вечер. Тоа беше мачен процес, но сепак полн со почит“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајли Сајрус: Со години правеа мемиња од мене, кога облекувам костим за капење се сеќавам на тоа

Мајли Сајрус откри дека Интернетот одамна ја принудил да не оди на плажа во бикини. Во новото интервју пејачката зборуваше за тоа како со години ја следат мемиња кои го исмеваат нејзиниот изглед и дека тие слики сè уште и се појавуваат во главата секогаш кога ќе се погледне во огледалото во бањата.
„Во 2013 година луѓето ме ставаа во мемиња каде што ми ја лепеа главата на секакви грди тела“, се присетува Мајли. „И денес кога ќе го облечам костимот за капење се сеќавам на тие слики“. Затоа, вели, избегнува бикини. „Носам многу пристојни костими. Девојките со кои бев на патувањето сите имаа танга, а јас бев во шорцеви и широка маица. Буквално изгледав како баба”.
Сајрус призна дека никогаш целосно не ги преболела своите несигурности поради начинот на кој јавно ја исмевале. „Сè уште ме прогонуваат тие стари мемиња. Тие сè уште се во мене“.
Забава
Џеф Безос и Лорен Санчез вечераа во познат ресторан на Хвар: „Не можеме да ви кажеме што јаделе“

Џеф Безос и Лорен Санчез го посетија ресторанот „Код барба Луке“, кој се наоѓа во Стари Град на островот Хвар.
„Гостите беа задоволни од вечерата и воодушевени од Стари Град. Не можеме да ви кажеме што јаделе. Всушност, тие се многу фини луѓе“, изјави сопственичката на ресторанот, Катарина Роиќ-Скелин, за хрватски „Вечерњи лист“.
Таа додаде дека персоналот на ресторанот им служел на Безос и на другите гости со еднаква посветеност.
Забава
(Видео) Американскиот актер Ерик Дејн низ солзи: „Не мислам дека ова е крајот на мојата приказна, мојот крај“

Американскиот актер Ерик Дејн, познат по улогата на Марк Слоун во серијата „Вовед во анатомија“ (Grey’s Anatomy), во април оваа година откри дека страда од амиотрофична латерална склероза (АЛС).
„Дијагностицирана ми е АЛС. Благодарен сум што го имам моето прекрасно семејство покрај мене додека го започнуваме ова ново поглавје во нашите животи. Љубезно ве молам да ни дозволите мене и на моето семејство приватност“, изјави тој за списанието „Пипл“ во тоа време.
АЛС е невролошко заболување кое води до постепено губење на мускулната контрола и во моментов нема лек.
Прво интервју по дијагнозата
Два месеци откако ја објави дијагнозата за АЛС, Ерик Дејн се појави во емисијата „Добро утро, Америка“. Досега е објавен само преглед од интервјуто. Целосното интервју ќе биде објавено на 16 јуни. Седејќи со Дајан Соер, тој зборуваше за својата борба со болеста.
„Секој ден се будам и веднаш си потсетувам дека ова се случува. Не е сон“, рече Ерик.
И покрај дијагнозата, актерот вели дека сака да остане позитивен. „Не мислам дека ова е крајот на мојата приказна. Не чувствувам дека ова е крајот со мене“, рече тој.
Тој стана многу емотивен и се расплака кога Дајан го праша кого прв повикал за да му каже за неговата болест. Одговорот на Ерик на ова не беше прикажан.
Ерик откри дека продолжува да ја снима третата сезона на „Еуфорија“ и покрај борбата со АЛС. Дејн го игра Кал Џејкобс во серијата на ХБО.