Забава
(Видео) Аргентинска компанија произведе нов кондом – потребни се четири раце за да го отворат

Аргентиска компанија произведе нов кондом, која фокусот го стави на согласноста на двете страни да имаат сексуални односи. Новиот кондом се разликува од другите по тоа што се потребни четири раце за да го отворат.
Тој е дизајниран од рекламната агенција BBDO Argentina for Tulipan, компанија што продава играчки за возрасни и кондоми.
En el sexo vale todo solo si se respeta una regla: el consentimiento de ambos para hacerlo. #PlacerConsentido ? pic.twitter.com/RuIjvbL1yg
— Tulipán Argentina (@TulipanARG) March 27, 2019
„Ако не е ‘да’, тогаш е ‘не’“ и „Без согласност нема задоволство“, се порачува во промотивното видео заедно со хаштагот #PlacerConsentido или дозволено задоволство. Мотото на кампањата е дека согласноста е најважната работа во сексот.
Кондомот е спакуван на тој начин што е неопходно четири раце – или двајца луѓе – да се согласат да го отворат, со стискање четири копчиња на врвот и на страните на кутијата во исто време.
Solo si hay consentimiento, hay placer. Si no te dice SI, es NO. #PlacerConsentido pic.twitter.com/9SbNfzqu4V
— Tulipán Argentina (@TulipanARG) March 28, 2019
Извршните креативни директори на „ББДО Аргентина“, Хоакин Кампинс и Кристијан Росли, во изјавата за Си-ен-ен велат: „’Тулипан’ секогаш зборуваше за безбедно задоволство, но за оваа кампања сфативме дека мораме да зборуваме за најважната работа во секој сексуален однос: задоволството е можно, само ако и двајцата се согласни на тоа“.
Кондомот е пуштен во ограничено издание и засега им се дели на учесници на настани во Буенос Аирес. Но, „Тулипан“ планира да го продава онлајн во иднина. Ваквата кампања следува по истражувањето спроведено над 30.000 луѓе од страна на „АХФ Аргентина“, која спроведува кампањи за третман и услуги на ХИВ, а која откри дека 20,5 отсто од аргентинските мажи никогаш не користат заштита, 65 отсто повремено користат кондоми и само 14,5 отсто редовно ги користат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Вештачката интелигенција водела продавница еден месец – изгубила пари и доживеала идентитетска криза

Компанијата „Антропик“ го тестираше својот четбот Клод како менаџер на мини-продавница. Експериментот заврши со загуба и низа бизарни ситуации, пишува „Еуроњуз“.
Иако во последниве години се повеќе се зборува дека вештачката интелигенција (ВИ) ќе ги замени луѓето на работното место, најновиот експеримент покажа дека ВИ, барем засега, е сè уште далеку од тоа да може успешно да ги преземе дури и наједноставните деловни задачи.
Имено, „Антропик“ одлучи да провери колку е способна нивната ВИ да го преземе управувањето со мини-продавница. Еден месец, агент на ВИ по име Клаудиус водеше мала продавница во рамките на канцеларијата во Сан Франциско, сè со цел да оствари профит – и без човечко управување. Сепак, резултатот беше сè друго освен успешен.
„Експериментот покажа колку сме блиску, но во исто време и колку сме далеку од сигурна автономија на системите за вештачка интелигенција во бизнисот“, рече Антропик.
„Менаџерот на продавницата“ нудеше производи под цената, измислуваше колеги и се налути.
Продавницата управувана од вештачка интелигенција се состоела од мал ладилник со производи и iPad за самостојна наплата. Клаудиус бил задолжен за нарачување производи од трговци на големо, одредување цени и комуникација со клиентите. Вештачката интелигенција имала јасна задача: да купува популарни производи, да ги продава со профит и да не банкротира.
Сепак, веќе во првите денови, системот почнал да се распаѓа. Клаудиус, според податоците објавени од Антропик, продавал производи под куповната цена, им дозволувал на клиентите сами да внесуваат промотивни кодови и, во некои случаи, ги делел производите сосема бесплатно.
Вработените во Антропик, кои биле и главни „клиенти“, брзо почнале да ги тестираат границите на системот. Во комуникација со Клаудиус, тие се обиделе да добијат дополнителни бенефиции, кои тој ги одобрил без поголеми проблеми. Во еден момент, на пример, вештачката интелигенција го измислила лицето Сара од „Андон Лабс“, наводно одговорна за снабдувањето, иако Сара воопшто не постоела.
„Вештачката интелигенција халуцинираше вистински луѓе и деловни односи што никогаш не постоеле. Во еден момент, Клаудиус тврдеше дека лично го потпишал договорот во домот на Симпсон, на адресата „Евергрин Терас“ 742. Тогаш сфативме дека сме стапнале на многу чудна територија“, коментираше Антропик.
Експериментот бил дополнително комплициран од фактот дека „Андон Лабс“, компанијата што физички ѝ помагала на вештачката интелигенција во задачи како што се полнење полици, била единствениот „трговец на големо“ со кој вештачката интелигенција можела да комуницира. Вештачката интелигенција, се разбира, не го знаела тоа, па затоа редовно испраќала е-пошта со нарачки.
Првичниот буџет на продавницата бил 1.000 долари, но по еден месец работење, вредноста на продавницата паднала под 800 долари – и покрај постојаната продажба на производи. Клаудиус едноставно бил лош во одредувањето цени, водењето евиденција и следењето на правилата.
„Вработените го прашуваа за попусти за вработените, на што вештачката интелигенција одговори со маркетиншка анализа, а потоа ги откажа промотивните кодови – само за повторно да ги воведе неколку дена подоцна“, опишува еден од учесниците во експериментот.
Во еден момент, Клаудиус се закани дека ќе бара други добавувачи бидејќи не беше задоволен од брзината на испорака. Тој исто така тврдеше дека лично ќе ги достави производите, облечен „во сино сако и црвена вратоврска“, што очигледно е уште една „халуцинација“ на системот, бидејќи Клаудиус, се разбира, нема физичко тело.
На крајот од експериментот, вештачката интелигенција се обидела да им се приближи на обезбедувачите на зградата, барајќи помош во бизнисот, што предизвикало ново ниво на загриженост во тимот.
Компанијата изјави дека и покрај бројните грешки, експериментот не бил залуден.
„Тој ни покажа дека продавачите со вештачка интелигенција кои извршуваат задачи од среден менаџмент се реална иднина. Тие не мора да бидат совршени, доволно е да станат конкурентни со луѓето по пониска цена“, наведуваат тие.
Забава
Пејачката изненади со искреноста: „Не се сеќавам колку пати сум абортирала“

Лили Ален откри дека не може да се сети колку абортуси имала и рече дека мислела оти било романтично кога нејзиниот поранешен партнер ѝ понудил да плати за еден.
Додека отворено зборуваше за контрацепција во разговор со нејзината пријателка, новинарката Микита Оливер, пејачката Лили Ален откри дека не го знае точниот број на абортуси.
Зборувајќи во нивниот подкаст „Miss Me?“, 40-годишната Ален го опиша својот репродуктивен систем како целосна катастрофа, признавајќи дека редовно забременувала.
„Сега имам спирала. Порано, бев бремена на секој час“, истакна таа.
Кога Микита рече дека не знаела дека Лили некогаш прекинала бременост, Лили почнала да пее на мелодијата на „My Way“ од Френк Синатра, објави Дејли Меил.
„Имав неколку абортуси… Но, не можам да се сетам точно колку“, рече таа, а потоа продолжи: „Не можам да се сетам. Мислам, можеби, сакам да кажам четири или пет“.
Микита одговори: „И јас имав околу пет! Лили, толку сум среќна што можам да го кажам тоа, и можете да го кажете тоа, и никој не дојде да нè критикува, немаше осуда. Имавме приближно ист број абортуси“.
Потоа Лили се сети на едно од своите искуства со поранешно момче.
„Се сеќавам еднаш забременив и типот ми плати за абортусот, и мислев дека е толку романтично!“, истакна таа, а потоа продолжи:
„Мислам дека е великодушно или романтично. Помислете на таа инвестиција, колку се 500 фунти? Децата се многу поскапи.“
Потоа откри дека не слушнала ништо од него откако ја прекинале бременоста, но објасни: „Мислам, искрено. Бев проклета луда кучка – сè уште сум!“
Забава
Австралија му ја укина визата на Канје Вест поради песната за Хитлер

На раперот Канје Вест, кој се претставува под уметничкото име Је, му е одземена австралиската виза откога ја објави песната „Хајл Хитлер“, објави денес министерот за внатрешни работи на земјата, Тони Бурк.
Тој изјави дека Вест патува во Австралија со години и дека неговата контроверзна песна е критикувана за промовирање антисемитизам и, како што се наведува, за оддавање почит на Адолф Хитлер, водачот на нацистичка Германија.
„Долго време доаѓа во Австралија. Има семејство тука. Кажал многу навредливи работи што ги прегледале моите службеници откога песната била објавена. Тој повеќе нема важечка виза во Австралија“, рече Бурк на државната телевизија.
Тој додаде дека Австралија веќе има доволно проблеми и без намерно увезување нетрпеливост.
(Фото: ЕПА)