Забава
(Видео) Белгиец ја лажирал својата смрт за да види што мислат за него роднините, на погребот се појави со хеликоптер

Дејвид Баертен (45) со помош на неговата сопруга и децата решил да приреди лажен погреб за пријателите и членовите на семејството за да открие што навистина мислат за него.
За да ја рашири веста за смртта на Бартен, едно од неговите деца се огласило на социјалните мрежи за да му оддаде почит на нивниот татко.
Ќерката напишала: „Почивај во мир тато. Никогаш нема да престанам да мислам на тебе. Зошто животот е толку неправеден? Зошто ти? Ти требаше да бидеш дедо и уште цел живот го имаше пред тебе. Те сакам! Ние те сакаме! Никогаш нема да те заборавиме“.
@el.tiktokeur2 Tu nous as eu on t aime mon ami on est content que tu es parmis nous ❤️❤️#pourtoii #fyp #fypシ @Ragnar_le_fou ♬ son original – Thomas faut
На погребот, кој се одржа минатиот викенд во близина на градот Лиеж, присуствуваа многу пријатели и членови на семејството облечени во црно.
Сите чекаа да почне церемонијата, но наместо тоа ги пречека хеликоптер кој требаше да слета.
На видеото објавено на „Тик-ток“ од страна на еден од присутните на погребот, Бартен излезе од хеликоптерот, а потоа беше пречекан од ожалостените.
Некои од семејството и пријателите на Бартен се гледаат како трчаат кон него на видеото, додека други остануваат збунети.
Тој рече дека ја лажирал својата смрт за да види како ќе реагира неговото пошироко семејство и рече дека се чувствувал „потценет“ од нив.
„Често ме повредува она што го гледам во моето семејство, никогаш не ме канат на ништо. Никој не може да ме види. Сите се разделивме. Се чувствував неценет. Затоа сакав да им одржам животна лекција и да им покажам дека не треба да чекате некој да умре за да се сретнете“, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Планината станува сцена за млади креативци, Echoes in the Wild на 7 септември

На 7 септември (недела) во Ехлоец, село на падините на планината Стогово во близина на Кичево, ќе се одржи Echoes in the Wild, настан кој го поврзува филмот, музиката и младинската креативност во едно заедничко искуство на отворено.
Настанот ќе започне од 19 часот со филмска проекција во организација на EcoKult и Nightflix кои го отвораат настанот со идеја за заедничко доживување на интимноста на кино-искуството надвор од градските сали. По проекцијата, вечерта ќе продолжи со диџеј сетови на Ива Арифај (Србија), Aco Sound и Дарко Јованоски (Македонија) кои ќе ја донесат енергијата на младата електронска сцена од регионот во ехлоечкото место познато како „На камен“.
Во разговорот со Дарко, член на Montparnasse и организатор, дознавме дека Echoes in the wild е настан преку кој сакаат да создадат нова навика кај младите, каде што уметноста и културните настани ќе бидат гледани како заеднички искуства што можат да се случат насекаде. Според него: „И малите села, и планините, и историските места, и заборавените предели можат да станат простори каде младите ја обликуваат својата креативна сцена. А младите дефинитивно имаат енергија и идеи за тоа да го остварат“.
Настанот е во организација на Моntparnasse и е дел од проектот на Western Balkans Youth Cultural Fund, што го спроведува Regional Youth Cooperation Office (RYCO) со поддршка на Германското Министерство за надворешни работи.
Организаторите ги покануваат сите да дојдат уште од пладневните часови за подобро да ги доживеат Ехлоец и Стогово во нивната целосна убавина, но и да си понесат топла облека за во вечерните часови. Влезот за настанот е бесплатен.
Забава
Селма Хаек го прослави својот 59-ти роденден: „59 патувања околу сонцето и сè уште танцувам“

Актерката Селма Хаек го прослави својот 59-ти роденден. По тој повод таа објави фотографија во костим за капење на „Инстаграм“.
„59 патувања околу сонцето и сè уште танцувам. На здравје на сите и ви благодарам за љубовта“, напиша таа.
View this post on Instagram
Многумина ѝ го честитаа роденденот во коментарите, вклучувајќи го и актерот Ентони Хопкинс, кој напиша: „Среќен роденден, те сакаме“.
Селма често позира во бикини и без шминка покажувајќи го својот природен изглед. Неодамна ја сподели својата дневна рутина за нега на кожата и шминкање за „Вог“.
View this post on Instagram
„Мора да ги менувате вашата шминка и рутината за убавина како што стареете. Можеби она што функционирало порано, сега не функционира. Затоа е добро да бидете авантуристички настроени, креативни и да се обидете да се забавувате додека го правите тоа“, вели Хаек и додава дека ја научила оваа лекција од баба ѝ: „Имам голема среќа затоа што имав баба што беше опседната со убавината и знаеше секакви трикови“.
Забава
(Фото) Убавата бринета ги покажа своите голи гради, но и новото момче: се шпекулира дека го изневерила поранешниот со него

Моделот Каја Гербер долго време беше главна тема на медиумите. За многу кратко време таа успеа да ја освои својата позиција, без оглед на фактот дека е ќерка на познатата манекенка Синди Крофорд.
Сега убавата Каја се појави на Венецискиот филмски фестивал рака под рака со своето ново момче Луис Пулман. Двајцата прошетаа на црвениот тепих, а исто така ја искористија и можноста да му покажат на светот колку се вљубени.
Сепак, и покрај сето ова, Каја привлече внимание со својот фустан.
За оваа пригода таа избра црна тантелена креација од модната куќа „Живанши“, а под неа не носеше градник, па не им требаше долго време на сите веднаш да ги забележат нејзините гради.
Парот цело време разменуваше нежни зборови, се шпекулира дека токму поради него Каја ја раскинала тригодишната врска со Остин Батлер, а некои наведуваат и дека можеби го изневерила и затоа раскинале.
Инаку, Каја и Луис дојдоа на премиерата на неговиот The Testament of Ann Lee, во кој тој игра една од главните улоги.
фото: принтскрин