Забава
(Видео) Во Кина родена првата клонирана мачка
 
																								
												
												
											Клонирањето миленичиња добива сè поголема популарност во Кина. Според информациите од компанијата „Синоген“, која се занимава со клонирање животни, во 2018 година биле направени 20 клонови од кучиња и уште толку во првиот квартал од 2019 година. Компанијата планира во рок од пет години да почне да клонира по 500 кучиња на годишно ниво.
Неодамна беше објавено дека компанијата „Синоген“ е прва во земјата која клонирала мачка. Мачето Чеснок на 21 јули било родено од сурогат мајка, а тоа носи ДНК на мачка која умрела.
【Video】Cat lovers mourning the death of their beloved felines may soon be able to bring their pets back to life, following the birth of China's first cloned #kitten (Video: Courtesy of Sinogene) http://www.globaltimes.cn/content/1161960.shtml
Posted by Global Times on Понеделник, 19 август 2019
Претседателот на управниот одбор на компанијата „Синоген биотехнологии“, Ми Џидунг, за „Спутник“ изјавил дека во Кина е сè поголема побарувачката за клонирани животни. Според него, тоа е во корелација со зголемената побарувачка за домашни миленици.
„Пазарот за миленичиња во Кина се развива многу брзо, и сега околу 100 милиони луѓе чуваат куче или мачка. Токму оваа група луѓе ја формира побарувачката за клонирани животни, затоа што милениците живеат во семејства многу години и се формира посебна емотивна приврзаност. Многу луѓе не можат да се справат со загубата на мачката или кучето кое го чуваат како миленик или, пак, со фактот дека животното има здравствени проблеми. Всушност, гледано на овој начин, веројатно од секогаш би имало голема побарувачка, само порано технологијата не можела да ги задоволи ваквите желби“, изјавил Џидунг.
Цената за клонирање на домашно милениче изнесува околу 250.000 јуани (32.000 евра), што значи дека не секој човек може да си ја дозволи оваа необична услуга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Забава
Кејти Пери со роденденската торта предизвика бес кај фановите: „Ова е патетично“
 
														Пејачката Кејти Пери го прослави 41. роденден на својата турнеја, но наместо честитки, доби лавина критики поради еден потег што го сподели на социјалните мрежи.
На видеото од прославата се гледа како Пери ги дува свеќичките, а потоа ја фаќа тортата и ја фрла кон еден член од тимот, кој во последен момент ја избегна. Тортата заврши на земи, а некои од танчерите потоа јадеа парчиња од подот.
View this post on Instagram
Фановите ја осудија сцената, нарекувајќи го однесувањето на пејачката „незрело и без почит“. „Тимот ѝ подготви торта со љубов, а таа ја фрли на под – патетично“, напишал еден корисник. Друг додал дека Пери „треба да се спушти на земја“.
Забава
Кендал Џенер: Бев многу љубоморна на сестра ми Кајли
 
														Манекенката Кендал Џенер во новата епизода на реалити-серијата The Kardashians откри дека како тинејџерка била љубоморна на својата помлада сестра Кајли, затоа што родителите имале многу полабав однос кон неа.
„Кајли пушеше трева пред мене, и јас се налутив. ѝ реков: ‘Ти си дегенерик!’“, раскажа Кендал, додавајќи дека вистинската причина била љубомората — „бев љубоморна што не бев толку слободоумна како неа“.
На крај, призна дека и самата им се придружила и дека „си поминале супер“. Според неа, тогаш имале само 16 и 14 години.
Кајли потврди дека, како најмладо дете, успевала да избегне многу родителски правила. „Мама беше построга со постарите, а со мене веќе беше поопуштена,“ рече таа, додавајќи низ смеа дека Кендал во тие години била „вистински хејтер“.
Забава
(Видео) Колин Фарел: Бев мамурен на снимање со Том Круз, сцената ја повторивме 46 пати
 
														Ирскиот актер Колин Фарел раскажа анегдота за еден од најлошите денови во својата кариера — снимањето на филмот Minority Report во 2002 година со Том Круз.
Во гостување кај Стивен Колбер, Фарел рече дека снимале токму на неговиот роденден, откако претходната ноќ ја поминал славејќи. „Во шест наутро дојде возачот, а јас едвај што легнав. Бев ужасно мамурен“, призна актерот, додавајќи дека како „лек“ побарал шест пива и пакла цигари.
Поради мамурлак, сцената со Круз морале да ја повторуваат дури 46 пати. „Не можев да ја изговорам реченицата. Том, кого многу го почитувам, не беше баш среќен“, изјави Фарел.
Актерот потсети дека две години подоцна отишол на одвикнување од алкохол и дрога и од 2005 година е трезен, а неговата кариера повторно заблескала, што го потврди и номинацијата за „Оскар“ во 2023 година.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											