Забава
(Видео) Град на духови со идентични вили

Незавршениот луксузен градежен проект во Турција, кој е прекинат на половина од работите, се повеќе наликува на град на духови, во кој доминираат стотици идентични вили. Сиви мини дворци со две куполи, на три ката и готски украси – вака мора да изгледа секоја вила и не е дозволено да има никаква измена во изгледот.
Burj Al Babas е 200 милиони долари ,,тежок” проект, лоциран во близина на местато Мудурну, во северозападна Турција, на половина пат помеѓу Анкара и Истанбул.
Кога градежниците и инвеститорите на фирмата ,,Сарот проперти” западнале во финансиска криза, стотици вили кои наликуваат на француските дворци биле оставени недоизградени.
Градбата на овој амбициозен проект започнала во 2014 година, а секој дворец било планирано да се продава за 400.000 до 500.000 долари. Дел од дворците се продале, но во меѓувреме инвеститорите се повлекле и сета идеја паднала во вода.
Не се дозволени никакви промени во градбата на вилата, секој мора да биде идентичен, што се однесуав до ентериорот, тука секој купувач би можел да одлучи како ќе изгледа таа.
Секоја вила се протега на 324 метри квадратни, но е речиси залепена за соседната идентична вила, што значи дека нема место за градина или зеленило, ниту пак за приватност. Во центарот на населбата требало да има класична градба која би вклучувала продавници, детски градини, турска бања, кина и спортски сали. Комплексот, освен централното градба, било планирано да има и цела низа спортски терени, како и аквапарк.
Пред да бакротирааат ивеститорите биле изградени 587 вили, но дел од останатите изведувачи и инвеститори се надеваат дека проектот може повторно да продолжи и да се изградат сите 732 вили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Северноевропска земја прогласена за најскапа туристичка дестинација

Нова студија од САД покажува дека Европа е сè уште скапа во очите на Американците, а Исланд е предводник.
Според извештајот на „Форекс комплекс“, овој северноевропски остров е прогласен за најскапа туристичка дестинација за американските патници.
Во просек, еден ден престој на овој северноевропски остров чини повеќе од 400 долари (344,82 евра). Трошоците за сместување, храна, транспорт, инфлација и движења на девизниот курс на локалната валута во однос на доларот беа земени предвид.
Следни на листата на најскапи се Австралија, со просечна дневна цена од речиси 280 долари (241,38 евро) и инфлација од 2,4 процента, и Мексико, чија поранешна репутација како евтина дестинација е под закана поради брзото зајакнување на песото.
„Флуктуациите на валутата може значително да ги променат трошоците за патување, дури и во земји со стабилни локални цени. Патниците што ги занемаруваат валутните трендови би можеле да имаат поскапо лето од очекуваното“, изјави портпаролот на The Forex Complex за Travel and Leisure.
Азија е најприфатлива
Меѓу поскапите европски дестинации се Обединетото Кралство, Германија и Италија, каде што дневните трошоци остануваат високи и покрај релативно поволниот девизен курс на еврото во однос на доларот.
Од друга страна, најприфатливите дестинации се во Азија – на Тајланд туристите трошат просечно 81,87 долар (70,58 евра) дневно, а во Индонезија оваа сума е уште помала – 70,23 долари (60,54 евра).
Анализата вклучи 19 популарни дестинации, а покрај инфлацијата и движењата на валутата, беа проценети и трошоците за основни туристички услуги, како што се сместување, превоз и храна, пишува tportal.
Фото: принтскрин
Забава
Кели Озборн му оддаде почит на својот татко, ги носи виолетовите очила на неговиот погреб

Кели Озборн му оддаде почит на својот татко Ози Озборн носејќи ги неговите виолетови очила за време на неговата погребна поворка во Бирмингем.
Очилата, кои беа препознатлив дел од имиџот на музичарот, беа симболично користени како личен знак на жалост. Поворката во негова чест помина низ центарот на Бирмингем, градот во кој е роден. Покрај Кели, на погребот учествуваа и други членови на семејството, вклучувајќи ги неговата сопруга Шерон, децата Џек, Ејми и Луис, синот од неговиот прв брак со Телма Рајли.
Самиот Озборн претходно во интервјуа изјави дека Кели е најблиску до него од сите негови деца опишувајќи ја нивната врска како две капки вода.
Песната Changes, дует што Ози го сними со Кели во 2003 година, повторно се појави на британската листа на синглови по неговата смрт.
Фото: принтскрин
Забава
Наместо скапи додатоци, едноставна утринска напивка што ги чисти вашето тело и црниот дроб

Почнувањето на денот со нешто што го поддржува вашето тело однатре може да направи голема разлика, особено кога станува збор за вашето тело, црниот дроб и здравјето на дигестивниот систем. Многу експерти за исхрана ја нагласуваат важноста на малите, но постојани утрински навики, што го поттикнуваат вашето тело природно да се исчисти. Наместо скапи додатоци или комплицирани режими за детоксикација, решението често лежи во нешто исклучително едноставно и лесно достапно.
Имено, тоа е топла вода со лимон – класична напивка, кој често се споменува како сојузник на црниот дроб и дигестивниот систем. Иако звучи речиси премногу едноставно за да биде ефикасно, многу диететичари и нутриционисти објаснуваат дека комбинацијата од топла вода и свежо исцеден лимон може да ги поддржи варењето, хидратацијата и функцијата на црниот дроб.
Оваа напивка не прави чуда преку ноќ, но како дневна навика може да има позитивен ефект.
Најдобар ефект се постигнува ако се пие веднаш по будењето
Според нутриционистите, топлата вода со лимон може да го поддржи варењето и да ја стимулира работата на дигестивниот систем, што индиректно ги олеснува природните процеси на црниот дроб, вклучително и разградувањето на мастите. Покрај тоа, лимонот е добар извор на витамин Ц, кој го поддржува имунолошкиот систем, а некои експерти наведуваат дека неговите метаболистички производи може да имаат благ алкализирачки ефект врз телото.
Важно е да се напомене дека напивката буквално не го чисти црниот дроб, туку го поддржува неговиот природен процес на детоксикација.
Најдобар ефект се постигнува ако напивката се пие веднаш по будењето, на празен стомак. Некои нутриционисти препорачуваат додавање прстофат цимет или парче свеж ѓумбир за да се додаде благ антиинфламаторен ефект. Сепак, дури и без адитиви, овој ритуал им помага на многу луѓе да го почнат денот со чувство на леснотија и свежина.
Оваа напивка нема да ги замени балансираната исхрана и здравиот начин на живеење, но може да биде едноставен прв чекор кон подобро функционирање на телото.
Иако топлата вода со лимон е генерално безбедна за повеќето луѓе, нутриционистите советуваат умереност – особено за оние со чувствителен стомак. Исто така, не се препорачува да се пие во големи количини во текот на денот, туку како лесен утрински ритуал.
Фото: принтскрин