Забава
(Видео) Даниел Крег во реклама за вотка

Минатата година го заврши својот 15-годишен стаж како Џејмс Бонд, но Даниел Крег не седи без работа.
Британскиот актер беше зафатен со снимање реклама за вотка, во режија на оскаровецот Таика Вејтити.
Во рекламата за вотката „белведере“, која беше премиерно прикажана минатата недела, Крег, од замислен и енигматичен, преминува во неверојатен, па дури и забавен, коментираат американските медиуми.
Рекламата завршува со тоа што Крег пие „белведере“ и коментира: „конечно“. Се чини дека танцувањето ожеднува.
Судејќи според реакциите на интернет, фановите се „и протресени и промешани“ за разлика од мартинито што го пие суперагентот 007.
Некои беа одушевени да го видат Крег во вакво разиграно издание, а некои не.
Една корисничка на „Твитер“ напиша: „Најлудото нешто што некогаш сум го видела, не можам да поверувам дека тоа е Крег“.
Друг напиша: „Моралот на оваа реклама за Belveder Vodka се чини јасен: „напиј се од оваа вотка и ќе се засрамиш во јавност и ќе танцуваш на начин што дури ни Даниел Крег не може да го направи да изгледа кул“.
Трет коментатор напиша на „Јутјуб“: „Апсолутно прекрасно!!! Уживав да го видам Даниел надвор од сталожениот, софистициран Бонд. Многу ми се допадна ова“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Џесика Алба е на одмор во Европа со својата ќерка Онор, објави заеднички фотографии

Џесика Алба е во Европа со својата 17-годишна ќерка Онор, а на Инстаграм објави фотографии од нивниот заеднички одмор.
„Прекрасни, вечни моменти со моето мало девојче“, напиша 44-годишната актерка, а набрзо од нејзините обожаватели и следбеници беа преплавени со комплименти.
Многумина напишаа дека Онор многу личи на нејзината мајка.
Во јуни, мајка и ќерка заедно присуствуваа и на венчавката на Џеф Безос и Лорен Санчез во Венеција, а актерката и тогаш сподели нивни заеднички фотографии.
Фото: принтскрин
Забава
Северина настапи во Словенија во проѕирен црн фустан, објави фотографии

Северина настапи во Порторож, а нејзиниот фустан дизајниран од Матија Вуица привлече посебно внимание. Пејачката објави фотографии и видео од концертот, а воедно ја искористи можноста да ѝ го честита роденденот на познатата хрватска дизајнерка.
„Ова не се обични фотографии, ова е гордост и среќа што (повторно) дојдов во Порторож… Ќе видите во видеата. А овој фустан е креација на една посебна жена. Среќен и благословен е овој ден, бидејќи таа се роди и го збогатува мојот живот повеќе од 30 години. Уметница, сопруга, пријателка, се роди единствената и единствена Матија Вуица. Среќен роденден, ангелу…“, напиша пејачката покрај фотографиите на кои позира во проѕирен црн фустан украсен со детали од чипка и шлиц што ги открива нејзините нозе.
„Северина, годините не ти можат ништо“; „Обожавам кога останувам без зборови“, „Опасна си, Севе“, „Старееш наназад“, беа комплиментите од нејзините обожаватели.
Подоцна, пејачката објави видео од концертот, на кое се гледа каква била атмосферата.
Забава
(Фото) Пејачката ги извади силиконските импланти и облече тесен фустан со гол грб, објавија српските медиуми

Наташа Беквалац со години важи за една од најубавите пејачки во Србија и регионот, а единственото вештачко нешто што го носеше беа силиконските гради.
Беквалац одлучи да ги отстрани и да биде целосно природна, а на концерт покажа како изгледа, објавија српските медиуми.
Таа на настапот ја воодушеви публиката и со својот глас и со својата фигура.
Долгиот, лелеав фустан што ја откриваше секоја линија од нејзиното тело совршено ѝ стоеше, а предниот дел ги покажуваше нејзините природни гради, кои Наташа гордо ги претстави.
Наташа Беквалац веќе некое време е во Црна Гора со своите ќерки и најблиските пријателки, а веќе неколку пати го привлече вниманието на јавноста со својот изглед и провокативните фотографии на плажа.
Фото: принтскрин