Забава
(Видео) Досега невидено: на 100-годишна возраст направи чудо, сите зборуваат за неговиот скок во вода

За него годините се навистина само бројка. Стогодишниот Таги Аскари направи невидена работа и на натпревар скокна во вода.
Сепак, тој беше само специјален гостин, па го направи и она што можеби не беше првично планирано. Тој скокна во водата исто како и пред повеќе од 70 години.
El iraní Taghi Askari, de 100 años es el competidor de mayor edad en el Campeonato Mundial de Masters de Natación en Doha 2024.#NewsOnDemand pic.twitter.com/c1U3asXRNP
— News On Demand (@OnDemand_News) February 11, 2024
Учествувал на првите Азиски игри во 1951 година и освоил сребрен и бронзен медал, а Аскари никогаш не престанал да се занимава со овој спорт.
Ќе настапи и на мастерсот, кој се игра непосредно по Светското првенство во пливање.
„Го сакав нуркањето од моите тинејџерски денови до сега. Отсекогаш сум сакал да нуркам. Ништо не се сменило од 1951 година, освен мојот настап! Кога се натпреварував на национално ниво, последното првенство ми беше кога имав 41 година. Освоив златен медал на репрезентативно ниво, а потоа се простив од спортот, но барем со златен медал. Во времето кога натпреварите се одржаа во Техеран во 1974 година, кинеските пливачи влегоа во овој прекрасен спорт и почнаа многу да се подобруваат – едноставно не можевме да ги фатиме бидејќи останавме на истото ниво на кое почнавме“, рече Аскари.
Иранецот последен пат се натпреваруваше на национално ниво кога имаше 41 година.
„На државно ниво освоив едно злато, но по ова, барем со златото се простив од спортот“, рече Аскари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.