Забава
(Видео) Евровизија и’ забрани на Малта да го користи eден збор во својата песна

ЕБУ одлучи дека претставничката на Малта за Евровизија, Миријана Конте, мора да смени дел од текстот на нејзината песна.
Имено, една недела пред претставничката на Малта на Евровизија официјално да ја достави својата песна, ЕБУ побара од неаа да го отстрани зборот „кант“ од песната.
Тој збор во песната е на малтешки, додека целата нумера е мешавина од малтешки и англиски.
„Моментално го снимам официјалниот спот за Кант, буквално го живеам мојот најдобар живот. Штотуку нè информираа дека ЕБУ одлучи дека не можам да го користам малтешкиот збор „кант“ на нашиот влез на Евровизија. Иако сум шокирана и разочарана, особено што имаме неполна недела да ја испратиме песната, ви ветувам: шоуто продолжува, не потфрлив“, изјави Миријана.
Кант значи пеење на малтешки, но на англиски има вулгарна конотација и затоа ЕБУ ја донесе оваа одлука. Не е прв пат ЕБУ да бара од една земја да го смени текстот на песната, но можеби е првпат критичкиот збор да биде збор што има сосема пристојно и ненавредливо значење на оригиналниот јазик, додека тоа го нема на англиски.
Песната Кант стана вирална уште пред да биде избрана на Малтешкиот национален избор за песна на Евровизија. По одлуката на ЕБУ, бројни фанови и учесници на Евровизија допреа до Миријана во коментарите.
„Кант засекогаш ќе биде во нашите срца“, коментира Ерика Викман, претставничката на Финска.
„Ова е лудо. Тоа значи дека не можеш да пееш на свој јазик. Кант на малтешки значи пеење. ЕБУ ги крши сопствените правила“, „Правда за Кант“, „Што и да одлучат, публиката во Базел ќе вика Кант“, „Публиката ќе ти го пее“, се дел од коментарите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.