Забава
(Видео) Елен Деџенерис јавно зборуваше дека очувот сексуално ја злоупотребувал кога била тинејџерка

Водителката и комичарка Елен Деџенерис во интервју со Дејвид Летерман јавно зборуваше дека нејзиниот очув сексуално ја злоупотребувал кога имала 15 години.
Во шоуто на Летерман „My Next Guest Needs No Introduction“, Елен раскажала дека очувот ја допирал за градите велејќи ѝ дека проверува дали има грутки, а кога ѝ кажала на мајка ѝ, која боледувала од рак, таа не ѝ поверувала, па останала во врска со очувот цели 18 години.
„Ми рече дека открил грутка на градите на мајка ми и дека мора да ги допре и моите за да провери дали и јас имам. Тогаш сè уште не знаев ништо за човековото тело, дури ни тоа дека не се сите гради исти, па успеа да ме убеди“, рекла Елен.
Додала дека очувот повеќепати се обидел да го повтори тоа.
„Еднаш проба насилно да влезе во мојата соба, па го скршив прозорецот и избегав. Не сакав да ѝ кажам на мајка ми затоа што сакав да ја заштитам, а знаев дека нешто такво ќе ја унесреќи“, рекла Елен.
Кога конечно ѝ кажала на мајка ѝ што се случувало, таа не ѝ поверувала, па останала во врска со очувот 18 години. На крајот, сепак, сфатила, и го оставила.
„Лута сум на себе затоа што бев преслаба да се спротивставам. Имав само 15 или 16 години. Тоа е навистина ужасна приказна, но ја раскажувам за да ги охрабрам сите девојки и жени да не молчат. Не требаше да ја штитам мајка ми, требаше да се заштитам себеси. Кога ѝ кажав, не ми веруваше. Поверува дури кога тој повеќепати ја смени својата верзија на приказната. Тогаш го остави. Денес ѝ е жал за сè“, рекла Елен.
Елен првпат зборуваше дека била жртва на сексуално злоставување во интервју за „Алур„ во 2005 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Скопјанката Лара Станчева победи на Top Model International 2025 во Монако

Минатата недела во престижната сала Sporting Monte Carlo во Монако се одржа финалето на 21. избор за Top Model International 2025, на кој победи нашата претставничка, 15-годишната Лара Станчева ученичка во средното училиште „Георги Димитров“ од Скопје.
Таа овој успех го направи во конкуренција на 59 девојки учеснички од целиот свет.
Лара е член на Модното студио Црнокрак, од кое добивме информации во врска со овој интернационален избор за модели, на кој Македонија за прв пат имаше свои претставници.
Првично од преку 10.000 кандидати, пријавени онлајн од целиот свет се избраа 5.000 од 35 националности, кои беа на кастинг во повеке градови во Европа. На кастингот во Париз, Лара беше избрана за полуфинале во Брисел заедно со 450 кандидати. И таму Лара одлично се претстави и влезе во финалето, меѓу најдобрите 111 девојки, од кои 52 беа во конкуренција на модели и 59 во конкуренција на фотомодели.
Финалето се одржа во престижната сала Sporting Monte Carlo, а Лара Станчева победи во конкуренција на фотомодели.
Кај машките победник е Matteo Mergny од Белгија, а Македонија ја претставуваше Димитар Димоски кој имаше најголем број гласови од public voting и во Брисел ја освои наградата фотосесија во Saint Tropez.
Во конкуренција на модели победи Emma Demay од Франција, а кај машките претставникот на Италија Federico Rossini.
За победата Лара доби учество во два големи проекти, две големи кампањи за светски познати модни брендови, за кои снимањата во наредниов период ќе бидат во Маракеш, Мароко и на Малдивите.
Забава
(Видео) Започна снимањето на новата сезона од серијата што ја гледаа 100 милиони луѓе

Криминолошката серија „Лупин“, која ја гледаат стотици милиони луѓе на „Нетфликс“, ги воодушеви гледачите ширум светот.
Многумина велат дека „се заљубиле во серијата по првите пет минути од првата епизода“.
Францускиот трилер првпат се емитуваше во 2021 година, а главните улоги ги играат Омар Си, Лудивин Сање и Клотилд Хесме. Во центарот на заплетот е Асан Диоп (Си), кој е инспириран од приказните за познатиот измислен крадец Арсен Лупин и самиот станува вешт криминалец. Синопсисот вели дека Асан „се одмаздил на богато семејство кое му згрешило на неговиот татко“.
Серијата е создадена од Џорџ Кеј и Франсоа Узан, а од премиерата досега има собрано импресивни 99,5 милиони прегледи на „Нетфликс“.
На социјалните мрежи гледачите пишуваат: „Лупин на Нетфликс – совршена десетка. Погледнете го“, „Тукушто го гледав Лупин. Одлична серија, ве држи заинтересирани до крај“ и „Мора да го гледате Лупин на Нетфликс. Едноставно е серија за мој вкус“.
Но, не сите го делат истото мислење.
Еден корисник напиша на страницата со рецензии: „Омар Си како Лупин е шармантен, но заплетите се сосема нереални… понекогаш едноставно глупави. Се чинеше дека има потенцијал бидејќи продукцијата е врвна, но приказните се навистина претерани.“
Забава
(Фото) 10 најинтересни модни креации од доделувањето на наградите AMA

По двегодишна пауза, доделувањето на Американските музички награди се одржа синоќа во Лас Вегас. Иако Били Ајлиш (23) триумфира во сите седум категории за кои беше номинирана, ниту таа ниту многубројни други ѕвезди – вклучувајќи ги Тејлор Свифт, Сабрина Карпентер и Аријана Гранде – не се појавија на доделувањето на наградите.
Церемонијата ја водеше Џенифер Лопез, а на сцената настапија и сер Род Стјуарт, Рене Рап, Гвен Стефани и Џенет Џексон. Сепак, публиката не беше импресионирана – многумина на социјалните мрежи го нарекоа настанот „најлошата церемонија на доделување награди досега“ најмногу поради отсуството на главните категории од емитувањето и недостигот на познати лица во публиката.
Но, и покрај сè, некои успеаја да привлечат внимание – барем со своите модни избори.