Минатата недела во престижната сала Sporting Monte Carlo во Монако се одржа финалето на 21. избор за Top Model International 2025, на кој победи нашата претставничка, 15-годишната Лара Станчева ученичка во средното училиште „Георги Димитров“ од Скопје.

Таа овој успех го направи во конкуренција на 59 девојки учеснички од целиот свет.

Лара е член на Модното студио Црнокрак, од кое добивме информации во врска со овој интернационален избор за модели, на кој Македонија за прв пат имаше свои претставници.

Првично од преку 10.000 кандидати, пријавени онлајн од целиот свет се избраа 5.000 од 35 националности, кои беа на кастинг во повеке градови во Европа. На кастингот во Париз, Лара беше избрана за полуфинале во Брисел заедно со 450 кандидати. И таму Лара одлично се претстави и влезе во финалето, меѓу најдобрите 111 девојки, од кои 52 беа во конкуренција на модели и 59 во конкуренција на фотомодели.

Финалето се одржа во престижната сала Sporting Monte Carlo, а Лара Станчева победи во конкуренција на фотомодели.

Кај машките победник е Matteo Mergny од Белгија, а Македонија ја претставуваше Димитар Димоски кој имаше најголем број гласови од public voting и во Брисел ја освои наградата фотосесија во Saint Tropez.

Во конкуренција на модели победи Emma Demay од Франција, а кај машките претставникот на Италија Federico Rossini.

За победата Лара доби учество во два големи проекти, две големи кампањи за светски познати модни брендови, за кои снимањата во наредниов период ќе бидат во Маракеш, Мароко и на Малдивите.

По двегодишна пауза, доделувањето на Американските музички награди се одржа синоќа во Лас Вегас. Иако Били Ајлиш (23) триумфира во сите седум категории за кои беше номинирана, ниту таа ниту многубројни други ѕвезди – вклучувајќи ги Тејлор Свифт, Сабрина Карпентер и Аријана Гранде – не се појавија на доделувањето на наградите.

Церемонијата ја водеше Џенифер Лопез, а на сцената настапија и сер Род Стјуарт, Рене Рап, Гвен Стефани и Џенет Џексон. Сепак, публиката не беше импресионирана – многумина на социјалните мрежи го нарекоа настанот „најлошата церемонија на доделување награди досега“ најмногу поради отсуството на главните категории од емитувањето и недостигот на познати лица во публиката.

Но, и покрај сè, некои успеаја да привлечат внимание – барем со своите модни избори.

На концерт во Монтреал, Шакира доживеа несреќа и падна на сцената за време на изведбата на нејзиниот познат хит Whenever, Wherever, но бргу стана и продолжи со настапот.

Колумбиската музичка ѕвезда моментно е на светската турнеја Las Mujeres Ya No Lloran, на која го промовира својот нов албум.

¡Tremendo susto! Shakira sufre aparatosa caída en pleno concierto 😱 pic.twitter.com/UpkmuxCHcS

— Adri Toval (@TovalAdriana) May 21, 2025

48-годишната пејачка во последните недели настапуваше во САД и во Канада, а токму во Канада се случи незгоден момент, што можеше да резултира со повреда.

Shakira shared last night’s fall via Instagram. 😭pic.twitter.com/qZdsUU67Kb

— shakirastuff | fan account (@shakirastuff_) May 21, 2025

Шакира се лизна и падна додека пееше еден од своите најголеми хитови. Сè помина непречено – таа бргу стана, се истресе и продолжи како ништо да не се случило.

Нејзиниот професионализам предизвика бран пофалби на социјалните мрежи – многумина ја нарекоа вистински шеф. Некој загрижен напишал: „Се надевам дека не се повредила. Ваквите падови предизвикуваат болка и повреди следниот ден наутро“.

 

View this post on Instagram

 

A post shared by Shakira (@shakira)

Сепак, обожавателите немаа причина да се грижат – Шакира ја продолжи својата турнеја, без никакви проблеми и одржа концерти во Детроит, Чикаго и во Торонто.