Забава
(Видео) Зендаја покажа нов имиџ на црвениот тепих, беше шокирана од подарокот што го доби

Американската актерка Зендаја важи за кралица на црвените теписи, а за време на нејзиното појавување на еден во Париз изненади со промена на имиџот.
Поранешната актерка на Дизни е позната токму по своите секогаш впечатливи креации и изданија од црвениот тепих, а оваа практика ја продолжи и за време на прес-турнејата за филмот „Challengers“.
На премиерата на филмот во Париз, 27-годишната ѕвезда предизвика восхит во елегантен бел фустан, покажувајќи ја својата нова руса коса.
Нејзиниот долгогодишен соработник Ло Роуч го дизајнираше фустанот, кој се состоеше од горен дел од корсет и долен дел, лелеаво здолниште и широк асиметричен ремен. Изгледот го комплетираше со дијамантско ланче, соодветни обетки и голем прстен.
Ѕвездата од серијата „Euphoria“ ја покажа новата боја на коса со едноставна фризура – ја носеше косата надолу и исправена, а имаше и природен мејкап изглед.
Интересен детал беше и подарокот што го доби на црвениот тепих додека даваше интервјуа – и подарија џиновски кроасан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Оваа жена ги полуде луѓето на интернет: ослабе повеќе од 40 килограми, па ја откри тајната

Роксана Карабога ја шокираше јавноста со неверојатна физичка трансформација. Успеала, како што вели во објавите на „Тик-ток“, да изгуби преку 40 килограми.
Фитнес тренерот и нутриционист Роксана Карабога со години зборува за својата борба со вишокот килограми.
Има повеќе од 700 илјади следбеници на „Тик-ток“ и често споделува совети и трикови со нив како да го подобрат своето здравје, но и менито.
Нејзината исхрана се базира на протеинска храна, а го ограничила и внесот на јаглени хидрати.
Менито се состои од многу зеленчук, како што се: моркови, краставици, авокадо, домати и зелена салата. Покрај зеленчук, таа консумира и многу житарки, како бадеми, овес и чиа семе.
Таа, исто така, често јаде грчки јогурт, крем сирење и туна, но не го исфрлила целосно месото – сè уште повремено го вклучува во своите оброци.
Покрај тоа, таа е посветена на физичката активност – но не на класичната. Таа не оди во теретана, туку танцува и вежба дома.
„Танцот и домашните вежби неколку пати неделно се лесни и забавни за почетниците. Тие заштедуваат време и пари, а никој не ве гледа како во теретана“.
Во продолжение погледнете ги видео материјалите кои Роксана ги снимила и во кои покажала како изгледа менито, благодарение на кое ослабела преку 40 килограми.
Забава
Том Круз му оддаде почит на Вал Килмер: „Ти посакувам се најдобро на следното патување“

Том Круз му оддаде почит на неговиот колега од „Топ Ган“ Вал Килмер, кој почина во вторникот на 65-годишна возраст.
Круз присуствуваше на CinemaCon, годишната конвенција на сопственици на кино сали што моментално се одржува во Лас Вегас, за да го промовира претстојниот филм Mission: Impossible – The Final Reckoning, кој ќе се појави во кината ова лето.
Но, пред да почне да ги раскажува лудите акробации по кои е познат како тајниот агент Итан Хант, Круз побара од толпата да му се придружат во едноминутно молчење за неговиот покоен колега.
„Би сакал да му оддадам почит на мојот драг пријател Вал Килмер“, рече Круз на сцената во хотелот Цезар Палас.
„Не можам да ви кажам колку се восхитувам на неговата работа, колку бев благодарен и почестен кога тој се приклучи на Top Gun, а потоа се врати во Top Gun: Maverick. Мислам дека би било убаво сите заедно да му оддадеме почит со минута молк бидејќи тој многу ги сакаше филмовите и многу ни даваше. Присетете се само на сите прекрасни моменти што ги поминавме со него“, додаде Круз.
Актерот го заврши емотивниот момент велејќи: „Ти посакувам се најдобро на следното патување“
Забава
(Фото) Кралицата Летиција го носи најубавото женско здолниште

Кралицата Летиција неодамна го посети Истражувачкиот центар за ум, мозок и однесување (CIMCYC) на Универзитетот во Гранада.
Причината за нејзиното присуство е претставувањето на катедрата за клиничка психонеуроимунологија, дисциплина во медицината која ја проучува интеракцијата и комуникацијата на системите во човечкиот организам.
Таа за оваа пригода го избра совршеното плисирано здолниште на шпанскиот дизајнер Адолфо Домингез.
Оваа класична облека веќе ја носеа многу познати дами, како што се: Џиџи Хадид, Џенифер Лоренс, Ева Лонгорија и Џенифер Лопез. А сега и самата шпанска кралица му даде потврда за стилот.
Покрај тоа, макси здолништето се карактеризира со црвени пруги меѓу наборите, како и удобност на самиот материјал.
Својот стајлинг кралицата го комплетираше со црвен џемпер од кашмир и чанта во истата нијанса. Додаде и беж сандали со ниска потпетица.