Забава
(Видео) Изгледот на Деми Мур им пркоси на годините: актерката го привлече вниманието во проѕирен мрежест фустан

Деми Мур уште еднаш го привлече вниманието со изглед кој им пркоси на годините, а овој пат се појави на забавата на Долче и Габана во Милано.
Имено, Деми беше една од бројните гости кои пристигнаа на прославата на 40-годишнината на брендот Dolce & Gabbana во Милано. На 61-годишната актерка ѝ се придружија и Рози Хантингтон-Вајтли, Шер, Хелен Мирен и Лили Џејмс на отворањето на изложбата на брендот.
За таа прилика таа облече проѕирен мрежест фустан кој беше покриен со светки. Под ова парче облека таа носеше црна долна облека, а косата и беше спуштена преку рамениците. Изгледот го комплетираше со црни сандали на потпетици.
Demi Moore at the opening of the exhibition of dolce&gabbana "Dal Cuore alle Mani" at the Palazzo Reale in Milan. pic.twitter.com/qARtbThTRe
— 21 (@21metgala) April 6, 2024
Изложбата на која присуствуваше го прикажа креативниот процес на италијанското модно дуо Доменико Долче и Стефано Габана, давајќи ѝ на јавноста увид во тоа како некои од иконските парчиња на брендот преминаа од идеи во главите на дизајнерите до креации на писти или носени од ѕвезди како Мур на црвен тепих.
Во изјава за Фајненшл тајмс пред отворањето на изложбата, основачите и косопствениците на брендот, Доменико Долче и Стефано Габана, објаснија како се надеваат да ја раскажат приказната „од каде дошле“.
Стефано рече: „Нашиот сон е да ги инспирираме новите генерации, да ги охрабриме да го изразат она што го чувствуваат и да им дадеме храброст“.
Доменико додаде: „Би сакале младите да видат алтернатива, противотров за баналноста и хомогенизацијата во уметничките професии“.
Кога зборуваме за Деми, актерката го привлекува вниманието со изглед кој ги демантира нејзините години, а поради нејзиното појавување на CFDA Fashion Awards, настан кој го нарекуваат модни Оскари, на крајот на минатата година напишаа дека всушност изгледа подобро сега отколку пред 10 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.