Забава
(Видео) „Матрикс воскресенија“ – продолжение или римејк

Поминаа само 18 години од „Матрикс револуции“ и тоа свесно пророштво што го остави Оракл, конечно, се остварува.
Отворената природа на завршокот на „Револуциите“ сугерира дека Нео можеби ќе се врати, иако со вистинско сценарио, отворен прозорец во распоредот на актерската екипа и така натаму – на сите им се познати вообичаените холивудски матрици.
Сите сомнежи сега се разбиени со првиот официјален трејлер, иако на моменти изгледаше како Џон Вик да бега од ордата убијци за да стигне на снимање сцени за „Матрикс“.
Но, добар почеток е што Кијану Ривс се враќа во својата улога, која го дефинира жанрот заедно со Кери Ен Мос, репризирајќи ги нивните улоги како Нео и Тринити. Исто така, се враќаат Агентот Џонсон (Даниел Бернхард), Меровинџијан (Ламберт Вилсон) и Ниобе (Џејда Пинкет Смит).
Трејлерот предизвикува многу прашања за претстојното продолжение, „Матрикс воскресенија“. Дали Нео преживеа или дали ова обично се случува кога ја ресетираат матрицата?
Гледаме дека Нео задржува делумни сеќавања на друго постоење – веројатно, неговиот минат живот во светот на „Матрикс“, што го знаеме – навестено во интеракциите со неговиот психијатар, што го глуми Нил Патрик Харис.
Како повратна информација кон оригиналниот „Матрикс“, Нео ги зема сините таблети во обид да живее нормален живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Безболно и евтино: трик што природно го зголемува волуменот на усните

Не мора да се подложувате на козметичка хирургија, направете домашен производ за зголемување на усните и уживајте во ефектот што го добивате.
Полните усни отсекогаш биле популарни и сè повеќе жени денес се одлучуваат за интервенција за зголемување на усните, додека други бараат безболни и поевтини методи. Но, можете да направите природен производ дома кој ќе ви помогне.
Овој производ се состои од витамин Е, кој ги регенерира усните, правејќи ги здрави и меки; и масло од цимет, кое го стимулира протокот на крв во усните, правејќи ги да изгледаат пополни. Значи, комбинацијата од овие две состојки е совршена за нашиот план.
Она што ви е потребно за да го подготвите овој препарат е:
- рамна лажичка масло од цимет (ако немате масло, можете да користите и цимет во прав, но наместо една цела лажичка, ќе ставите половина)
- три рамни лажички течен витамин Е
- мал сад
- шише за чување на маската
Измешајте една лажичка масло од цимет со три лажички витамин Е во садот што сте го подготвиле. Ставете го садот над тенџере со врела вода, така што смесата ќе се загрее со помош на пареа. Откако смесата ќе се загрее, ставете ја во шише за складирање, протресете и оставете ја да се олади.
Нанесете го овој препарат на секои два часа, со нанесување неколку капки на усните и масирање. Сигурно ќе забележите дека волуменот на вашите усни се зголемил, меѓутоа, ефектот не е траен, туку трае само откако препаратот ќе дејствува.
Поради циметот, може да почувствувате пецкање и печење по употребата на смесата. Ова е нормална реакција на усните и нема потреба да се грижите ако почувствувате вакво или слично чувство. Всушност, тоа значи дека производот делува.
Ако забележите дека вашите усни пукаат и се лупат – ова е знак дека треба да престанете да го користите овој производ. Оваа реакција всушност може да биде алергиска реакција на масло од цимет. Едноставно исплакнете ги усните со вода и нанесете балсам за усни или било кој хидратантен крем.
фото: принтскрин
Забава
Десетте модни заповеди на Џорџо Армани: „Да изгледаш секси е прашање на самодоверба“

Џорџо Армани беше еден од најмоќните и светски познати дизајнери, тој создаде стил што го користиме и денес, без дури и да сфатиме дека модата некогаш изгледаше сосема поинаку.
Џорџо Армани ја револуционизираше модната индустрија и докажа дека луксузот не мора да значи неудобно или тесно. Неговиот стил е синоним за бизнис шик и префинета елеганција.
Подолу, погледнете ги десетте модни совети што Џорџо Армани ни ги остави на сите нас.
„Елеганцијата не е во тоа да се биде забележан, туку во тоа да се биде запаметен.“
Џорџо Армани стана познат благодарение на неговиот успех во Холивуд. Модниот свет почна да зборува за него по филмот „Американски жиголо“ од 1980 година, каде што Ричард Гир беше облечен од глава до пети во Армани. Сите мажи во светот веднаш посакаа да изгледаат како актерот. Почнаа да носат јакни, панталони, кошули и вратоврски од колекциите на Армани.
„Разликата помеѓу стилот и модата е квалитетот.“
Специјалитет на Армани е совршеното кроење, меките ткаенини и минимализмот. Самиот Џорџо вели дека „едноставноста е клучот за вистинската елеганција“. Сите облеки на овој дизајнер се познати по својата елеганција и хармонично единство со оној што ги носи.
„Евтиниот пар чевли е лоша економија.“
Чевлите се основа на вашиот гардеробер.
„Да изгледаш секси е прашање на самодоверба.“
Тоа е состојба на умот исто колку и состојба на телото.
Армани забележал дека посакува да е повисок и да има поизразен нос. Сепак, морал да работи со она што му било дадено и да го искористи максимално. Работите што не можат да се променат не вреди да се губат време.
„Драго ми е што денес желбата да изгледаш елегантно е повторно во мода.“
Елеганцијата е клучот за безвременскиот стил, нешто што никогаш нема да излезе од мода, нешто со кое што ниту вие никогаш нема да излезете од мода. За мене, стилот е поважен од краткотрајните модни трендови.
Армани драстично ги промени правилата на модата, создавајќи нови стандарди во модната индустрија. Тој се ослободи од непотребните детали и воведе спортски елементи во деловната и вечерната облека. Тој создаде посебен, ослободен стил што ги дефинира модерните машки и женски гардероби низ целиот свет. Ги направи панталоните и јакните полабави и поудобни, дозволувајќи им на луѓето лесно да се движат, а воедно да одржуваат деловен шик изглед.
„Не се трудете премногу кога избирате облека.“
Најмодерните луѓе изгледаат како воопшто да не се потрудиле со својот изглед. На самиот почеток од својата кариера, Армани ги отфрли машните и наборите и го прогласи апсолутниот минимализам за главен принцип на неговата уметност. Негова препознатлива карактеристика стана изглед на неоптоварена лежерност. Ги омекна линиите и ткаенините, правејќи ја својата облека многу попријатна и поудобна.
„Црната и темно сината се подобри од другите бои.“
Користејќи ја оваа палета на бои, можете да си дозволите да експериментирате со форми и текстури.
„Парфемот е повеќе од екстракт, тој е присуство во апстракција.“
За мене, парфемот е мистика.
„Изберете неутрални ткаенини без силни орнаменти.“
Тие ќе ви траат подолго од модна гледна точка.
Луѓето кои работат со Армани тврдат дека неговите раце се полни со магија. Дизајнерот не го негира фактот дека кога ги допира ткаенините, се создава посебна енергија. Ова му помага да ги избере најдобрите материјали. Потоа, како фанатик на својот занает, ги обликува околу телото на моделот. Тој го нарекува овој процес еден од најсензуалните во светот.
„Мојата филозофија отсекогаш била да им помогнам на жените и мажите да се чувствуваат удобно“
И самоуверено преку облеката што ја носат. Верувам дека стилот е единствениот вистински луксуз, оној што е навистина пожелен.
Армани го промени нашето разбирање за облеката засекогаш. Само гениј може да го постигне ова во модната индустрија.
фото: принтскрин
Забава
(Видео) Објавени се првите имиња на култната модна ревија: сите повторно ќе треперат поради Адријана Лима

Минатата година, се потсетивме зошто ни недостигаше ревијата на познатите ангели на Викторија Сикрет. Брендот имаше камбек шоу тогаш, а оваа година ќе имаме можност повторно да уживаме во сето тоа.
Потврдени се и шесте модели кои ќе учествуваат, а меѓу нив е и име кое особено воодушевува, Адријана Лима.
„Тајната е откриена“, е описот на видеото објавено на официјалниот профил на брендот.
А потоа тука се Лили Олдриџ, Џоан Смолс, Алекс Консани, Јуми Ну, Анок Јаи и Адријана Лима.
Интересно е и тоа што Алекс Консани беше првиот трансродов модел кој прошета за Викторија Сикрет.
Овогодинешната ревија ќе се одржи на 15 октомври во Њујорк, а сите со нетрпение ги очекуваме имињата на другите модели.
Постојат бројни шпекулации, а луѓето најмногу сакаат да ги видат Барбара Палвин и Кандис Сванепул.
Минатата година, токму на оваа ревија Адријана Лима се врати по шестгодишна пауза. Таа покажа дека е сè уште неприкосновена на пистата, а што ќе се случи оваа година не можеме ни да замислиме.