Забава
(Видео) Мајкл Даглас го моли Бајден да се повлече, неодамна тврдеше дека е „остар како игла“
![](https://makfax.com.mk/wp-content/uploads/2024/07/Screenshot-2024-07-12-092905.jpg)
Мајкл Даглас им се придружи на сѐ поголемиот број холивудски работници што го поддржаа претседателот Бајден, но сега веруваат дека тој треба да ја прекине својата претседателска кандидатура, а познатиот актер изјави дека е „длабоко загрижен“ за кампањата.
„Тоа е толку тешко прашање. Го обожавам човекот. Педесет години јавна служба – прекрасен човек. Ова е само еден од оние избори што е само клучен. И навистина е тешко“, рече Даглас на „Вју“ кога од Џој Бехар беше прашан за повиците Бајден да се повлече од трката во 2024 година.
„Не сум нужно загрижен за денес или утре, но за една година од сега, јас сум загрижен. Загрижен сум“, рече Даглас.
“I am concerned.” Michael Douglas, a longtime Biden supporter, weighs in on Pres. Biden’s decision to stay in the race and reacts to George Clooney’s op-ed telling him to step aside: “I think it’s a valid point.” pic.twitter.com/FRLcpqZ1th
— The View (@TheView) July 10, 2024
Пред помалку од три месеци Даглас ги бранеше годините на Бајден и подготвеноста за функцијата велејќи дека 81-годишниот претседател изгледал „остар како игла“. „Сите во кругот на Бајден со кои тој се консултирал велат дека претседателот е добро“, рече Даглас, кој беше домаќин на донаторска вечера за кампањата на Бајден во април.
Но, Даглас изрази загриженост за Бајден по минатомесечната дебата меѓу актуелниот претседател и Доналд Трамп. Немирниот настап на Бајден во дебатата повторно ги разгоре прашањата за неговото здравје и доведе до повици од демократите тој да се откаже од трката за Белата куќа.
Во писмото претходно оваа недела Бајден ги отфрли овие повици велејќи: „Можам да одговорам на сето ова јасно и недвосмислено. Не би се кандидирал повторно ако апсолутно не верувам дека сум најдобрата личност за да го поразам Доналд Трамп во 2024 година“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Луѓето се шокираа од изгледот на Адријана Лима: „Претерала со ботоксот“
![](https://makfax.com.mk/wp-content/uploads/2024/09/Screenshot-2024-09-06-112947.jpg)
Бразилската манекенка Адријана Лима последните години беше цел на хејтерите, кои го критикуваа нејзиниот изглед, а во последно време таа ретко се појавува на јавни настани.
43-годишната Адријана сега се појави на премиерата на филмот The Thicket и повторно изненади со изгледот на нејзиното лице со видно искосени очи и кренати веѓи.
Фановите претходно ја обвинуваа дека претерала со ботокс и филери, а таа на хејтерите им одговори со објавување фотографија без шминка.
„Лицето на уморна мајка на тинејџерка, две предтинејџерки, активно момче, едногодишно дете, кое учи да оди, и три кучиња… Ви благодариме за грижата“, напиша таа тогаш.
Адријана пред шест години се повлече од светот на манекенството и се посвети на семејството. Со поранешниот сопруг, српскиот кошаркар Марко Јариќ, таа има две ќерки – Валентина (14) и Сиена (11), а со сегашниот сопруг, филмскиот продуцент Андре Лемер, го има двегодишниот син Сијан.
Забава
Една од најубавите жени на светот го привлече вниманието на шоуто на црвениот тепих во Венеција
![](https://makfax.com.mk/wp-content/uploads/2024/09/madalina1.jpg)
Романската актерка и модел Мадалина Генеа, која е позната како една од најубавите жени на светот, прошета на црвениот тепих на Филмскиот фестивал во Венеција и ја воодушеви публиката со својот изглед.
37-годишната Мадалина се појави на премиерата на филмот Joker: Folie a Deux во тесен фустан со светки, со долга, пуштена коса и насмеано им позира на фотографите.
Покрај тоа, актерката се појави и на премиерата на филмот Queer, а беше облечена во беж фустан со качулка и со изрез што ги истакна нејзините долги нозе.
Убавата Романка беше во врска со Џерард Батлер и Леонардо ди Каприо, а на крајот се омажи за романскиот милијардер Матеи Стратан, со кој има 7-годишна ќерка.
Забава
Ортега призна дека ѝ е тешко да се справи со славата: „Тоа е страшно чувство“
![](https://makfax.com.mk/wp-content/uploads/2024/09/39915bbe-69d4-4b14-b543-9a6ffc626f0a.jpg)
Џена Ортега, ѕвездата на новото продолжение на „Бубимир“, откри дека тешко се справува со славата.
Ортега, која се прослави со улогата во серијата на Тим Бартон во средата, ја почна својата кариера на 10-годишна возраст во серијата „Заглавени во средината“ на каналот „Дизни“ и во хит-серијата Jane the Virgin, а глумеше и во филмот Iron Man 3“.
21-годишната актерка во интервју за МТВ зборуваше за својата почит и восхит кон колешката Винона Рајдер, ѕвезда на филмот „Бубимир“ од 1988 година, која исто така се појавува во продолжението.
Ортега објасни како разговарала со актерката за сличностите меѓу нив. Имено, и Рајдер ја почнала својата кариера на рана возраст. На 15-годишна возраст глумела во филмот „Лукас“ од 1986 година, а наполнила 16 години за време на снимањето на „Бубимир“.
„Седнавме и разговаравме за тоа долго време. И тоа е навистина, навистина охрабрувачко и утешно, особено затоа што кога го снимавме продолжението на ‘Бубимир’, немаше ниту една година откако излезе, па сè беше уште ново“, изјави Ортега и објасни дека не е лесно да се справиш со славата.
„Тоа е страшно чувство. И не го велам тоа за да се пожалам. Се случуваат многу работи. И, дефинитивно, е приспоосбување“, признала таа.
„Многу сум благодарна што сум таму каде што сум, а и Рајдер ми го кажа тоа. Не знам, тоа беше една од работите околу кои се врзавме“, рече таа.
Во новото продолжение на „Бубимир“ играат и Мајкл Китон, кој повторно се најде во главната улога, и Кетрин О’Хара, која исто така глумеше во филмот од 1988 година.