Забава
(Видео) Првoаприлската шега на „Мекдоналдс“ ги налути купувачите

„Австралија Мекдоналдс“ успеа да налути дел од купувачите со својата првоаприлска шега, но не затоа што е претерана (како што би очекувале), туку затоа што – не е вистина.
Всушност, Мекдоналдс по повод 1 април ја објави веста дека се појави McPickle, бургер кој наместо месо ќе содржи кисели краставички.
„Љубители на кисели краставички, доаѓа веста што ја чекавте. Пресреќни сме што можеме да го објавиме лансирањето на нашиот нов McPickle бургер. Време е да уживате во сочни, вкусни кисели краставички прекриени со топено сирење, кечап и тоа во печиво со сусам. Тоа сигурно ќе биде десерт за сите ваши сетила”, се вели во соопштението.
Anyone see this today??! Introducing the McPickle ?? pic.twitter.com/gce41hREy9
— Madam IS OUTRAGED ???? (@MadamEarth) April 1, 2019
Видеото на McPicklea почна да се споделува на социјалните мрежи, и многу фанови на мекдоналдс-краставичките беа одушевени што ќе уживаат во пикл-бургер. А кога дознаа дека тоа беше само првоаприлска шегаа, се налутија и почнаа да бараат од „Мекдоналдс“ да ја претвори во реалност таа шега.
I would love a McPickle can they actually make it https://t.co/bA1dy6ioqk
— Gabrielle ? (@Gxbriellemxry) April 1, 2019
Но, имаше и такви на кои McPickle не им изгледаше како добра идеја. „Тоа изгледа одвратно иако не постои”, „Дали некој го виде McPickle, одвратно”, коментираа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Tри хороскопски знаци ќе имаат судбоносна средба до 25 август – Венера влегува во Рак

Венера, планетата што го опишува начинот на кој сакаме, ги напушта Близнаците на 31 јули и влегува во Рак, каде што ќе донесе интересни средби за Раковите, Рибите и Шкорпиите.
Венера во Рак носи длабока емоционалност, нежност и потреба за сигурност во љубовта. Луѓето со оваа позиција на Венера се многу грижливи, лојални и често сакаат да изградат врска што наликува на семејство. Планетата на љубовта ќе остане во Рак до 25 август.
Тие имаат силна потреба да сакаат и да бидат сакани, и често ја поврзуваат љубовта со домот, топлината и спомените од минатото. Нивните чувства се интензивни, но често скриени под површината затоа што се плашат да не бидат повредени.
Кога сакаат, тоа го прават искрено и посветено, а нивната наклонетост се изразува преку грижа, внимание и создавање удобна атмосфера.
Тие се многу интуитивни и лесно ги препознаваат емоциите на другите, што ги прави сочувствителни партнери. Во врските, тие бараат стабилност, емоционална сигурност и верност. Можат да бидат носталгични и приврзани кон минатото, понекогаш премногу, што може да ги направи ранливи ако не научиле емоционално да се заштитат.
Венера во Рак сака подлабока врска и не е задоволна со површни врски. На овие знаци им е потребно чувство на припадност за љубовта да цвета.
Забава
(Видео) Го изгубиле во 2018, го пронашле со елени – неверојатната приказна на магарето Дизел

Магаре по име Дизел, кое исчезнало за време на планинарење и лов во 2018 година во близина на Националната шума Шаста-Тринити, било забележано години подоцна како живее со стадо елени во Северна Калифорнија.
Откритието во март, минатата година, го направил професионалниот триатлонец и ловец со лак Макс Фенел додека бил на извидување во областа. Тој снимил фотографии на кои Дизел пасе покрај елените.
Со текот на времето, се чини дека магарето целосно се прилагодило на дивиот живот и било прифатено од стадото.
Набљудувачите го опишале како здрав, опуштен и јасно интегриран во групата, покажувајќи однесувања како пасење и шетање како да е еден од нив.
Службениците за диви животни и експертите за животни биле воодушевени од способноста на Дизел да преживее сам толку долго и да развие меѓувидова врска.
Феноменот е редок, но не е нечуен; магарињата се социјални животни, а Дизел веројатно нашол другарство и безбедност во стадото лосови.
Бидејќи не изгледал вознемирен или во опасност, властите одлучиле да не се мешаат и му дозволиле да остане таму, дозволувајќи му да го живее својот најдобар живот во дивината.
Забава
Најрано роденото бебе што преживеало: Малечкиот Нејш светски рекордер

Малиот Нејш Кин од Ајова стана најрано роденото бебе на светот кое преживеало. Тој е роден на 5 јули 2024 година, со тежина од само 283 грама, дури 133 дена пред предвидениот термин.
Со тоа, Нејш Кин од Ајова официјално е впишан во Гинисовата книга на рекорди како најрано роденото бебе кое преживеало.
Нејш, кого родителите нежно го нарекувале „Нејш компирче“, ги поминал првите шест месеци од животот на одделението за интензивна нега на новороденчиња во Детската болница на семејството Стед.
„Нејш има силен карактер. Со оглед на тоа што толку долго беше на интензивна нега, би помислиле дека е кревок, но не е. Секогаш се смее и сѐ го интересира“, изјавила неговата мајка Моли за Асошиетед прес.
Сѐ започнало кога Моли, на преглед во 20-та недела од бременоста, дознала дека ѝ е отворен грлото на матката за два сантиметри. Само неколку дена подоцна започнал пораѓајот, а Нејш се родил по само 147 дена бременост – еден ден порано од претходниот светски рекорд.
Родителите истакнале колку им билa важнa довербата во медицинскиот тим.
„Целиот тим беше исклучително смирен. Не покажуваа знаци на вознемиреност, па и ние не паничевме“, додала Моли.
Нејш секојдневно станува сѐ посилен.
Докторката што го породила Нејш, д-р Малинда Шефер, објаснила дека претходно разговарала со родителите за сите можни ризици и компликации.
„Важно ми е родителите да ги имаат сите информации што им се потребни за да одлучат што е најдобро за нивното семејство“, рекла д-р Шефер.
Иако на Нејш сѐ уште му се потребни кислород и храна преку сонда, тој секојдневно напредува. Неговите родители велат дека веќе вежба да стои и има многу сила во нозете.
Рaѓањето на Нејш има посебно значење за семејството, бидејќи претходно доживеале спонтан абортус. Денес со радост го слават неговиот напредок и се благодарни за чудото што го доживеале.