Брзите диети често привлекуваат внимание поради нивното ветување за брзо губење на тежината. Меѓу нив се издвојува тридневната диета со портокали и јајца која нуди детоксикација и освежување на телото, но бара дисциплина и крајна претпазливост. Оваа диета не е долгорочно решение, туку краткорочен план кој помага да се отстрани вишокот течности и маснотии, додека вашата кожа добива здрав и сјаен изглед.

Пред да одлучите да ја испробате оваа диета, важно е да се консултирате со нутриционист или лекар, особено ако немате значително прекумерна тежина. За оние кои сакаат брзо освежување, еве детален план со основни упатства.

Предности и ограничувања на оваа диета
Диетата со портокали и јајца се потпира на едноставна, нискокалорична храна. Комбинацијата на витамин Ц од портокалите и протеините од јајцата помага во детоксикација и зајакнување на имунитетот. Меѓутоа, како и кај сите рестриктивни диети, ризикувате да ја изгубите мускулната маса и да ви недостасува енергија доколку ја практикувате подолго од препорачаниот период. Затоа е важно да се придржувате до прецизен план и да не ја продолжувате диетата.

Правила за исхрана: Што можете да јадете?
Првиот утрински оброк е секогаш ист и е дизајниран да обезбеди основна енергија на телото:

Појадок: еден портокал (или круша, праска, парче лубеница или диња), два двопека, шолја кафе или чај без шеќер.

По појадокот, менито за ручек и вечера варира во зависност од денот.

Мени по ден

Првиот ден
Ручек: портокал, варено јајце, кисело млеко или јогурт.

Вечера: два домати (или 2 dl доматно пире), две варени јајца, мала главица зелена салата или краставица, два двопека.

Втор ден
Ручек: портокал, варено јајце, кисело млеко, два двопека.

Вечера: 125 грама мелено говедско месо, домат (или 1 дл доматно пире), двопек, шолја чај или кафе.

Трет ден
Ручек: портокал, варено јајце, кисело млеко, мала главица зелена салата.

Вечера: 125 грама мелено месо, портокал, двопек, шолја кафе или чај.

Внимателноста и умереноста се клучните
Иако оваа диета може да донесе брзи резултати и да ви помогне да изгубите до килограм дневно, важно е да запомните дека се работи за краткорочна програма за детоксикација. За долгорочни промени во тежината и здравјето, клучни се урамнотежена исхрана и редовна физичка активност. Сметајте ја оваа диета како привремен поттик и никогаш не ја спроведувајте без стручен надзор.

Некои луѓе едноставно го имаат тоа нешто – енергија што привлекува внимание веднаш штом ќе влезат во соба. Иако можеби не се обидуваат да бидат во центарот на вниманието, нивната личност, стил и аура го прават тоа наместо нив. Меѓу хороскопските знаци има три кои се создадени за центарот на вниманието и аплаузите.

Лав
На Лавовите не им требаат светлосни ефекти, тие се спектакл сами по себе! Со својата харизма и самодоверба, овој огнен знак секогаш знае како да привлече внимание. Без разлика дали станува збор за спонтан влез на забава или за впечатлива комбинација на облека, Лавот едноставно плени со своето присуство.

Нивната тајна? Лавовите не го сакаат само вниманието – тие копнеат за тоа! Секој комплимент за нив е како гориво и ако им дадете можност да го покажат својот целосен потенцијал, тие ќе ве освојат за миг. Некои можеби ги нарекуваат „драматични“, но Лавовите знаат да приредат восхитувачко шоу.

Шкорпија
Додека Лавот влегува гласно и енергично, Шкорпијата влегува тивко, но исто толку ефективно. Нивната мистериозна аура е едноставно неодолива. Скорпиите се мајстори за невербална комуникација – еден поглед од нивна страна може да каже повеќе од илјада зборови.

Луѓето ги забележуваат затоа што зрачат со нешто необјасниво. Нивната интензивна енергија ги привлекува љубопитните, а нивната способност да ги „читаат“ другите често предизвикува стравопочит. Кога една Шкорпија ќе одлучи да зборува, секој збор има тежина. Едно е сигурно – никој не го заборава моментот кога запознал една Шкорпија.

Вага
Вагите зрачат со елеганција и шарм и секогаш се во центарот на вниманието благодарение на нивната дружељубивост. Каде и да се појават, луѓето ги забележуваат поради нивната благодат и природна способност да ги придобијат сите со насмевка. Вагите знаат како да одржуваат рамнотежа – тие се доволно љубезни за да се чувствувате удобно, но сепак доволно интересни за да сакате да останете со нив.

Нивната естетика е често беспрекорна, без разлика дали ќе изберат совршена модна комбинација или ќе го уредат просторот околу нив. Вагите имаат неверојатна способност да направат сите да се чувствуваат посебно, што ги прави совршен гостин на секој настан. Иако можеби нема да го бараат центарот на вниманието како Лавот, Вагите секогаш ќе најдат начин да се истакнат.

Поминаа речиси 30 години откога една од најголемите ѕвезди на латино-музичката сцена, Селена Кинтанила Перез, беше брутално убиена кога кон неа пукаше Јоландa Салдивар. Тоа се случи во март 1995 година кога таа имаше 23 години. Во тоа време ја носеше титулата кралица на тејано-музиката, имаше толпа обожаватели и серија закажани концерти со својот бенд „Лос Динос“.

Многумина ја нарекуваа мексиканската Мадона и уште од раното детство веруваа дека ќе има одлична кариера. На осум години го имаше првиот концерт, а поради многубројните настапи, не отиде во средно училиште, но успеа да го направи тоа попатно. На 18-годишна возраст го издаде својот деби-албум „Селена“, кој стана хит, а објави уште четири достигнувајќи го врвот на својата слава на 23-годишна возраст.

Неодамна на филмскиот фестивал „Санденс“ беше прикажан документарниот филм Selena Y Los Dinos, кој го истражува животот на Селена и ги пренесува приказните на најблиските, кои ја познавале најдобро – нејзиното семејство. Филмот го режира Изабел Кастро.

Филмот го следи претходно снимениот материјал за животот на Селена вклучувајќи го документарниот филм Selena Remembered од 1997 година, биографскиот филм „Селена“ од 1997 година, со Џенифер Лопез во главната улога, и драмата во два дела на „Нетфликс“ од 2020 годинa.

Исто така, филмот ги вклучува и нејзините музички и криминалистички емисии снимени за нејзиниот случај. Ова е првиот филм во кој учествувале членови на нејзиното семејство и содржи досега невиден архивски материјал. Особено трогателни моменти се старите интервјуа на Селена, во кои таа зборува за својата амбиција, кариера, а особено она во кое кажува како би сакала да ја паметат.

Приказната е хронолошки подредена и го прикажува подемот на пејачката родена во Тексас, од пеење на традиционалните роденденски забави во Латинска Америка до хит-песни и распродадени стадионски концерти. Прикажани се нејзините проби, раните свирки, зголемениот медиумски интерес за неа, договорот за снимање и настапите во живо.

Во филмот се појавуваат и татко ѝ Абрахам, братот Абрахам Јуниор, гитарист, текстописец и продуцент, и сестра ѝ Сузет, тапанар на бендот „Лос Динос“. Сите тие зборуваа за нивната блиска врска со Селена и за нејзиниот успех.

Сопругот на Селена и поранешен колега од бендот, Крис Перез, со кого таа беше во брак од 1992 до 1995 година, откри некои други страни на пејачката – импулсивна, романтична и тврдоглава, која постојано беше во судир со студената моќна жена, која ја имаше власта над публиката, музичките директори и новинари, пренесува „Холивуд репортер“.

Премиерата на филмот е закажана на 30 јануари, а ќе биде достапен на онлајн-платформата на „Санденс“ од 30 јануари до 2 февруари 2025 година.

Многумина ја сметаа за икона за убавина, а освен што заработуваше од музика и манекенство, Селена дизајнира и облека и отвораше бутици со сопствена линија на облека.

Јоланда Салдивар била една од нејзините пријателки, која Селена ја вработила како менаџер на бутик и оттука почнале проблемите.

Вработените ги предупредиле Селена и татко ѝ Абрахам дека Јоланда е проблематична.

Селена слепо ѝ верувала и ја унапредила. Таа стана претседателка на фан-клубот „Селена“. Во 1995 година обожавателите му се јавија на таткото на Селена и се пожалија дека не добиле ништо иако платиле членство. Абрахам истражувал и дознал дека Јоланда краде.

Дури тогаш Селена им поверувала на вработените и се соочила со Јоланда во мотелот. Тие се расправаа за финансиите, а Јоланда извади пиштол од чантата и ја застрела Селена во грбот додека излегуваше од собата. Селена успеала да стигне до рецепцијата и рекла дека Јоланда пукала во неа, а иако итната помош во градот Корпус Кристи во Тексас бргу пристигнала на местото на злосторството, пејачката не ја преживеала операцијата во болница и починала еден и пол час по застрелувањето.

На Јоланда ѝ се судеше за убиство, иако таа и нејзиниот адвокат тврдеа дека сето тоа било несреќен случај и дека сакала да се самоубие, а не да убие. Таа моментно ја издржува казната во затвор во Тексас, а оваа година имала право на условно ослободување.