Забава
(Видео) Роналдо не покажува милост кон жената што го фабрикува неговиот глас во вирално видео

Кристијано Роналдо повторно несвесно се вплетка во контроверза која вклучува друга жена.
Во текот на кариерата, фудбалската суперѕвезда често се наоѓаше во контроверзии поради жени.
Португалецот е познат по многубројните љубовни врски. Иако се чини дека е среќен со својата девојка Георгина Родригез, тој повторно се најде во жешки води.
Деновиве на социјалните мрежи се прошири снимка од наводен случаен разговор меѓу арапската новинарка Халима Боланд и Роналдо. Халима тврди дека Роналдо случајно ѝ се јавил додека се обидувал да дојде до соиграч во хотелот. Таа дури објави и снимка од наводниот разговор на својот ‘Снепчет’.
Al Nassr will file a case against a media woman who fabricated Cristiano Ronaldo’s voice in this video.pic.twitter.com/d1jke9pdlb
— Preeti (@MadridPreeti) August 5, 2023
Роналдо понатаму се извинува и се обидува да објасни како сакал да го повика својот пријател. Возбудената жена вели дека се вика Халеме Боланд и дека е кувајтска ТВ водителка. Таа го нарекува Роналдо ‘најдобар во светот’. На друга снимка Халима објави наводен разговор во кој „Роналдо“ ја кани на вечера после тренинг.
Меѓутоа, набрзо се појавија информации дека Халима всушност го фабрикувала гласот на Роналдо и дека разговорот никогаш не се случил. Некои арапски медиуми сега пишуваат дека на Халима ѝ се заканува тужба од клубот на Роналдо, „Ал Наср“.
Според извештаите, целата случка била лажна.
Саудискиот новинар Абдел Азиз Алкамес тврди дека веќе е поднесена тужба против Халима Боланд за злоупотреба на вештачката интелигенција за лажирање телефонски разговор со Роналдо. Таа, пак, тврди дека ништо не лажирала и додава дека на снимката го покажала бројот на фиксниот телефон каде се гледало името на јавувачот: „Фудбалски клуб Ал Наср“.
Таа чека од управата на хотелот да ги соопшти деталите за телефонскиот повик.
„Го почитувам фудбалскиот клуб Ал Наср и сум голем фан на Кристијано Роналдо, но морав да одговорам на сите овие лажни обвинувања против мене“, тврдеше таа по обвинувањата, кои таа ги негира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Џеј Ло настапи во Абу Даби во леопард комбинезон, снимката има 16 милиони прегледи

Џенифер Лопез одржа два големи концерти во Абу Даби на 20 и 21 февруари, а клип од настапот што го сподели на Инстаграм и ТикТок собра повеќе од 16 милиони прегледи за помалку од 24 часа.
Џеј Ло веќе некое време немаше настапи, но неодамна направи исклучок со настапот во Дубаи на отворањето на луксузен хотел. Потоа следеа два распродадени концерти во Абу Даби, а снимките од тие настапи брзо ги преплавија социјалните мрежи.
Забава
Блејк Лајвли за насловната страница на „Холивуд Репортер“: Срамна и сексистичка

Блејк Лајвли, кој е во правен спор со Џастин Балдони поради наводите за сексуално вознемирување на снимањето на филмот It Ends With Us, остро го критикуваше таблоидот „Холивуд Репортер“ за начинот на кој го објави случајот.
На актерката не и се допадна како „Холивуд Репортер“ го покрива правниот процес меѓу неа и Балдони. Овој таблоид објави фотографија од Лајвли на насловната страница на која се гледа како таа го фрла мобилниот телефон додека околу неа се прикажуваат пеперутки.
„Холивуд репортер треба да се срами. Оваа фотографија е крајно навредлива затоа што се потпира на сексистички стереотипи за жените кои се осмелуваат да пријават недолично однесување на работното место, прикажувајќи ги како агресори и сугерирајќи дека заслужуваат одмазда. Понатаму, написот е крајно проблематичен затоа што се обидува да ги оправда документираните случаи на сексуално вознемирување и одмазди нарекувајќи ги културни недоразбирања“, напиша актерката.
Блејк првично го обвини Балдони за сексуално вознемирување и обид да ја „уништи“ нејзината репутација во жалбата до Одделот за граѓански права во Калифорнија. Во изменетата тужба сега стои дека однесувањето на актерот предизвикало непријатност кај другите жени на филмскиот сет.
Балдони потоа поднесе противтужба против Блејк и Рајан Рејнолдс, барајќи отштета од 400 милиони долари. Адвокатите на Блејк ова го нарекоа „уште едно поглавје во книгата на насилникот“, што адвокатот на Балдони го смета за „глупост“.
Забава
Тони Цетински: Мојот официјален профил на Инстаграм беше хакиран

Хрватскиот пејач Тони Цетински вели дека некој му го хакирал профилот на Инстаграм.
„ВАЖНО! Мојот официјален профил на Инстаграм е хакиран и одземен. Правиме се што можеме за да го вратиме“, напиша 55-годишниот пејач предупредувајќи ги своите следбеници.