Забава
(Видео) Русија снима филм во вселената

Руски екипаж од двајца космонаути, филмски режисер и актерка полетаа во вторникот кон Меѓународната вселенска станица (International Space Station – ISS) за да го снимаат првиот филм во вселената, најнов пресврт во децениското руско-американско вселенско ривалство.
Според американските медиуми, овој проект има за цел да го подигне престижот на руската вселенска програма.
Вселенското летало „Сојуз МС-19“ требаше да се укотви во 12.12 часот по Гринич (20 часот и 12 минути) во станицата, која орбитира околу Земјата на надморска височина од околу 354 километри.
Руските државни медиуми обезбедија целосна и патриотска репортажа, со одбројување на часовникот на Канал 1, а презентерите на вести го прикажаа настанот како значаен пробив на Русија, кој остатокот од светот внимателно го следи.
Како одраз на советските корени на руската вселенска индустрија, екипажот беше лансиран од космодромот Бајконур во степите на Казахстан, поранешна советска република во Централна Азија.
Според „Ројтерс“, помпите беа во спротивност со последните случувања во руската вселенска индустрија, која во последниве години беше погодена од бројни одложувања, несреќи и корупциски скандали, а во меѓувреме, приватни фирми со седиште во САД, поддржани од богати бизнисмени, развија нови вселенски бродови.
12-дневната руска мисија следува само три недели откако „Спејс икс“ го испрати во вселената првиот цивилен екипаж во тридневна мисија. Капсулата беше развиена од „Спејс-икс“ на американскиот бизнисмен Илон Маск.
Руската мисија е осмислена така да влезе пред холивудскиот проект кој претходно годинава го најави актерот Том Круз заедно со НАСА и „Спејс икс“.
Рускиот филм, насловен „Предизвик“, се фокусира на сторија за докторка, ја глуми актерката Јулија Пересилд, од која се бара да отпатува во вселенската станица за да го спаси животот на еден космонаут премногу болен за да биде транспортиран назад на Земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ѕвездите од серијата „Емили во Париз“ повеќе не се заедно: „Згодните момци не се мој тип“

Ѕвездите на „Емили во Париз“, Ешли Парк и Пол Форман, наводно, ја завршија својата врска, која ја започнаа за време на снимањето на популарната серија на Нетфликс.
Иако двојката сè уште не дала официјална изјава, гласините се чини дека се вистинити.
Ешли и Пол се запознаа на снимањето на „Емили во Париз“ и за прв пат беа видени заедно во 2023 година, иако ја потврдија својата врска дури следната година, на посебен начин.
Потоа Ешли откри на социјалните мрежи дека преживеала септичен шок, а меѓу другото, му се заблагодари на Пол, кој цело време бил покрај неа.
Интересно е и тоа што таа влегла во врска со Пол откако раскинала со еден актер, по што мислела дека никогаш повеќе нема да сака врска со колега.
„Првото нешто што Пол ми го кажа беше дека никогаш не бил во врска со глумица. Мислев дека се шегува“, изјави Ешли Парк за „Космополитен“, додавајќи дека згодните момци како него „не биле нејзин тип на маж“.
„Не знам зошто, но некако секогаш прво мислам дека овие мажи не се за мене и дека не можат да бидат за мене“, беше искрена актерката.
За време на нивната врска, тие често објавуваа заеднички фотографии на социјалните мрежи и имаа голем број обожаватели.
фото: принтскрин
Забава
(Фото) Актерката во центарот на вниманието поради нејзиното лице, изгледа сосема различно од претходно: „Која е оваа личност?“

Холивудската актерка Ема Стоун предизвика бура од коментари на социјалните мрежи кога се појави на Неделата на модата во Париз.
Таа присуствуваше на модната ревија на Луј Витон и не беше во центарот на вниманието поради нејзиното модно издание. За таа пригода, таа избра елегантен бел памучен фустан без прерамки и додаде џемпер, но нешто друго беше во фокусот…
Нејзиното лице привлече внимание, па дури и ја засени ревијата, сè затоа што беше непрепознатлива.
„Каде е Ема Стоун?“, „Ова не е Ема Стоун“, „Што ѝ се случи“, „Нејзиното лице е сосема поинакво“, „Која е оваа личност“, „Сигурно направила нешто со лицето“, беа некои од коментарите.
И навистина, Ема е сосема поинаква. Иако изгледаше многу убаво, неверојатно е каква промена и се случила. Успеа да ги збуни сите свои обожаватели.
Актерката сè уште не се изјаснила за ова, па затоа сè уште не е познато дали претрпела некаква корекција или постигнала сè со добра шминка.
фото: принтскрин
Забава
Тие имаат посебна моќ врз луѓето: најголемите манипулатори во хороскопот

Манипулацијата често се прикажува како негативна особина, но во суштина е уметност на влијание врз другите.
Некои луѓе ја користат за да ги постигнат своите цели, додека други развиваат способност да читаат емоции и да пронајдат слаби точки кај своите соговорници.
Според ѕвездите, постојат хороскопски знаци кои имаат изразен дар за убедување и контрола на ситуацијата, понекогаш на суптилен начин што е тешко за другите да го забележат. Нивната комбинација од интуиција, интелигенција и снаодливост ги прави особено вешти во односите со луѓето.
Шкорпија
Шкорпиите се познати по нивната длабока емоционална интелигенција и способност да ги препознаваат скриените мотиви на другите. Тие лесно наоѓаат слабости и ги користат за да ја насочат ситуацијата во своја корист. Нивната страсна природа често им дава дополнителна моќ над луѓето околу нив.
Тие секогаш внимателно набљудуваат и анализираат, а кога ќе одлучат да дејствуваат, го прават тоа промислено и со цел да ја одржат контролата. Затоа често се сметаат за мајстори на манипулација.
Близнаци
Близнаците се исклучително комуникативни и знаат како да се прилагодат на секоја ситуација, што ги прави многу убедливи. Нивната способност за брзо размислување им овозможува лесно да пронајдат зборови што оставаат силен впечаток. Тие често користат хумор, шарм и интелигенција за да ги обликуваат мислењата на другите.
Иако нивните намери можеби не се секогаш лоши, тие лесно можат да ги заведат луѓето и да ги убедат во она што го сакаат.
Риби
Рибите имаат силна интуиција и емоционална чувствителност, што им овозможува длабоко да ги разберат другите луѓе. Кога сакаат, можат да ја искористат оваа способност за да ги свртат околностите во своја корист.
Нивната тенденција да драматизираат и да предизвикаат симпатија честопати гарантира дека ќе го добијат она што го сакаат. Рибите се вешти во создавање впечаток на жртва, што е моќно оружје во манипулацијата. Иако однадвор може да изгледаат благи и повлечени, зад ова лежи голема способност да влијаат на одлуките на другите луѓе.
фото: принтскрин