Забава
(Видео) Се ожени голманот Џанлуиџи Буфон, кума беше Моника Белучи

Еден од најдобрите голмани на сите времиња и долгогодишен предводник на италијанската фудбалска репрезентација Џанлуиџи Буфон, во саботата се ожени со новинарката Иларија Дамико. Луксузната церемонија се одржа во Вила „Олива“, имот од 19 век во италијанскиот град Лука. На прославата присуствуваа многу познати личности.
На нивната венчавка присуствуваа и нивните деца, Луис Томас и Дејвид Ли од претходната врска на Буфон со Алена Шередова, Пјетро, синот на Иларија со Роко Атисани, и Леополд, нивниот најмал заеднички син.
Приватниот ручек беше наменет за 150 гости на имотот на плажата на семејството Буфон, Ла Романина во Марина ди Маса, каде што Џиџи и Иларија го поминуваат летниот одмор со своите деца и неговото семејство.
Congratulations to Gigi Buffon who married his long time partner, Ilaria D’Amico 🎉pic.twitter.com/3w1dNMMEyY
— Italian Football News 🇮🇹 (@footitalia1) September 28, 2024
Според пишувањата на „Ил Месагер“, голманот бил многу емотивен, а до олтарот пристигнал во придружба на своите два сина. Иларија дојде рака под рака со својот 14-годишен син Пјетро.
View this post on Instagram
Буфон рече: „Благодарение на тебе, Иларија, ја запознав вистинската љубов. Не верував дека може да постои“, пренесува италијанскиот магазин.
Кума на невестата била познатата актерка Моника Белучи, која дошла со својот партнер, режисерот Тим Бартон. Присутни беа и двајца други сведоци: новинарите Анџела Педрини и Џорџија Кавацано.
View this post on Instagram
За потсетување, тие се во врска од 2015 година. Таа е шест години постара од него, но тоа не било пречка за нивната љубов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Фото) Дојде и тој ден: конечно ги покри градите

Се чини дека популарната актерка повторно е во центарот на вниманието поради својата облека, но ова не се очекуваше.
По Венецискиот филмски фестивал, на ред дојде и Филмскиот фестивал во Торонто. Веќе имавме можност да ја видиме гламурозната креација на Сидни Свини, а сега се чини дека популарната актерка повторно е во центарот на вниманието, и повторно поради нејзината облека.
Сидни се појави на гала вечерта на фестивалот во „необична“ креација – невообичаена за нејзините стандарди.
Честопати сме ја виделе фаталната русокоса во атрактивни комбинации кои привлекуваат погледи и воздишки, но се чини дека овој пат решила да ги прикрие своите најголеми адути – нејзините гради.
Сидни носеше елегантен миди фустан во црна боја кој ја истакнуваше нејзината витка фигура и природна убавина, а стајлингот го комплетираше со едноставна шминка во земјени тонови и брановидна фризура.
На црвениот тепих ѝ се придружи нејзиниот поранешен вереник Џонатан Давино, и се чини дека поранешните љубовници сакаа да им дадат до знаење на сите дека меѓу нив нема „лоша крв“.
Сега прашањето е – па, дали е вистина?
фото: принтскрин
Забава
(Фото) Вечерва завршува AERO Street Food Festival

По три дена исполнети со рекордна посетеност, одлична атмосфера и незаборавни гастрономски искуства, денеска во парк „Авионче“ – Општина Аеродром ќе се одржи последниот ден од првото издание на AERO Street Food Festival.
Во изминатите три дена, илјадници посетители уживаа во специјалитети од најпознатите брендови за улична храна, во музички настапи и забавни предизвици кои го раздвижија Скопје. Фестивалот се покажа како вистинска атракција за сите генерации и потврди дека ваков настан одамна му недостасуваше на овој дел од Скопје, велат од општина Аеродром.
Денеска сите љубители на добрата храна и урбаната забава имаат уште една можност да бидат дел од овој единствен гастро спектакл.
Програмата, празнично ќе кулминира со настапи на Southpark, Dj Foodieman, Dj Ficho и други активности што ќе го заокружат фестивалот на најдобар можен начин. Фестивалот се реалзиира со поддршка на општина Аеродром.
Забава
Познатиот актер конечно призна дека имал афера: го чинеше скапо – беа уништени два брака

Џон Малкович конечно призна дека имал афера со актерката Мишел Фајфер. Но, тоа го чинеше скапо, вели тој.
Сè се случило за време на снимањето на филмот „Опасни врски“, каде што Џон Малкович го играше шармантниот Валмон, а Мишел Фајфер ја играше Мадам де Турвел. Хемијата меѓу нив беше забележителна, но никој не можеше да верува дека нивните емоции се вистински.
Малкович во тоа време беше во брак со актерката Глен Хедли, додека Фајфер беше во брак и со актерот Питер Хортон. Славниот актер сега, по толку години, призна во подкастот „Fashion Neurosis“ дека аферата го чинела скапо.
„Тоа не е тема за која некогаш сум зборувал. Во овој бизнис, брзо формирате емоционални врски со луѓето, а понекогаш тие прераснуваат во нешто повеќе. Имав врска со Мишел која беше длабока и посебна, но не бев фер. Изгубив одличен колега“, рече актерот, според Дејли Меил.
„Научив дека е потешко да се најде одличен колега од сè друго. Откако таа врска ќе стане повеќе од само пријателство, тешко е некогаш да се врати.“
Малкович се разведе од Глен Хедли истата година кога филмот беше објавен, во 1988 година. Денес, Џон живее со италијанската продуцентка Николета Пејран, со која има две деца.
По разводот од Хортон, Мишел Фајфер се омажи за телевизискиот продуцент Дејвид Е. Кели во 1990 година, со кого има две деца.
фото: принтскрин